LETTRE XI

DU même. (4 avril 148 .)

De par le Roy.

Cliiers et bien amez , vous savez comme puis naguères , au moien de noz lettres de commission adréçans à nostre bailly de Touraine ou à son lieutenant, vous avez esté assemblez affin d'aviser la manière et forme plus aisée de mectre sus aucun nombre de gens à pié pour nous fortiffier et tenir nostre royaume et noz bons et loyaulx subjectz d'icelui en paix et transquillité. En quoy vous estes bien employez et vous en sçavons bon gré et, pour ce qu'il est besoing y donner et mectre conclusion, nous

envoyons par delà nostre amé et féal conseiller et grant maistre d'ostel de nostre très -chère et très-amée compaigne la Royne, le sieur de Seglé, porteur de cestes, auquel nous avons chargé vous dire et exposer nostre vouloir et entention sur ce. Si vous prions et mandons que de ce qu'il vous en dira de par nous le veuillez croire et y adjouster foy, aussi nous servir en cecy et austres choses, comme tousjours avez fait et que en vous nous en avons nostre parfaicte fiance et vous nous ferez très agréahle plaisir et service, lequel ne mectrons en obly, ains le recongnoistrons, en temps et lieu, en manière qu'on s'en deuve contenter. Donné au bois de Vincennes, le i\e jour d'avril.

CHARLES

Primaudaye.

A nos chers et bien amez les gens des estatz du Bailliage de Touraine.