LETTRE XII

du même. (11 novembre 1485. )

De par le Roy.

Très chers et bien amez, nous avons esté advertiz que détenez encores Pierre David, prestre chappellain de notre cher et amé cousin le conte de Dunoys, qui piecà, par notre commandement et ordonnance, avoit esté par vous arresté. Si voulons et vous mandons que icelluy chappellain vous mectez incontinant à pleine délivrance-, ensemble tous ses biens, s'aucuns avoient esté à ceste cause empeschez et gardez; qu'il n'y ait

f'aulte, car tel est notre plaisir. Donné à Puyseaux, ce xic jour de novembre.

CHARLES