LETTRE XX

du même. (25 août 1562. )

Messyeurs de Saynct - Gatian , pour avoyr desyre de vous fayre à tous playsir, je vous ay bien voulu asseurer, et vous pryc en advertyr Messyeurs de Saynct -Martyn et vos aultres églyses, que, encores que il se soyct trouvé cynq cens gentishommes, parens et amys de nostre race , et nombre de soldaltz à nostre secours, tous, la plus grande

part, de la religion que estoyt feu nostre frère, que toutes foys nous ne desyrons en ryen tendre à sédition, mays plustost tous ensemble m'ont promys de ne voulloyr ne penser à fayre mal, ne enguarder vostre repos, mays plustost vous le mayntenyr à tous, moyennant que vous trouvent si raysonnables et obéissans servyteurs du Roy, que ne veullyes favoryser ung acte si mescbant, si malheureulx et si misérable que celuy de feu mon pauvre frère, et avons, par le commendement de Monseigneur Monsyeur de Montpensyer, rompu les troupes assemblées et contremandé encores aultrcs infynyes, attendant la justice du Roy, auquel nous avons envoyé demander justice, laquelle, si nous ne eussions eu respect à son service et n'eussyons esté amateurs du repos public, nous eussyons peu avoyr avecques telle cruaulté que, Testât de toute la France troublé,

ung chascung en eust peu estre en soucy. Je vous présente, Messyeurs, à tous mes humbles recommendations , supplyant le Créateur vous donner, en santé et exercice de vostre religion en parfaicte seureté, très heureux repos.

De Villedieu, ce vingt et cinquiesme d'aoust.

Vostre bon voysin et amy,

Jehan de La CtraÉË.

(Suscription. ) A Messieurs de Saynct-Gatyan et Saynct- Martin, à Tours.