T)K CHARLES IX

( 6 janvier 1568. )

Pendant tout le cours de l'année 1568, la province de Touraine et particulièrement la ville de Tours furent agitées par des luttes et des séditions religieuses ; aussi cette seule année nous fournit-elle dix -huit lettres tant du roi régnant Charles IX et du duc d'Anjou, son frère, qui commandait l'armée catholique, que de Marie de Médicis et des ducs Louis et François de Bourbon -Montpensier, tous les deux gouverneurs de la province et ayant

leur résidence au château de Chainpigny. Ces lettres , qui n'ont pas été toutes connues des historiens de la Touraine, contiennent un grand nombre de faits curieux entièrement omis par eux, tels que l'affaire des prêches de Maillé et de Langeais , la révolte contre le lieutenant général de la Chastre et la mort du capitaine Saint-Martin , qui en fut la suite, etc. etc.

De par le Roy,

Chers et bien amez , d'aultant que ce que nous désirons le plus est de veoir nos subjectz soullaigez et reslevez de despence en tout ce qu'il nous sera possible, et mesme ceulx de vostre ville, sçachant qu'ilz ont eu beaucoup à souffrir les troubles passez; sur la requeste que nous feistes dernièrement de vous descharger des six vingtz soldatz qui estoient en garnison en vostre dite ville, nous escripvismes au sieur de la Bor-

derye qu'il eust à les licentier, ce que nous avons entendu qu'il a faict; mais d'aultant que nous sommes advertiz qu'il n'est pas obéy ny respecté, comme il debveroit, et que aucuns de vostre ville, sans son congé, font entreprinses qui ne tendent aucunement au bien de nostre service, nous avons advisé qu'il sera bon que, des dictz soldatz que nous luy avons mandé licentier, il en retienne près de luy cinquante des mieulx aguerriz , tant pour contenir le peuple de sédition, que pour chastier ceulx des environs qui s'obliront tant en leur debvoir que de faire pratiques et menées au préjudice de nostre dict service, ne pouvant trouver que mauvais ce qui a esté faict par ceulx de vostre ville qui se sont débendez et courus sus à ceulx de Maillé, sans le congé et permission du sieur de la Borderye , estant aisé à juger par là qu'il y a de la desobéissance en aucuns

des habitans de vostre dicte ville que nous desirons veoir reprimée , voullant que , si aucun entreprend chose semblable cy après, sans le commandement dudict sieur de la Borderye, il soit chastié et puny, comme la faulte qu'il aura faicte le méritera,; et, pour le regard des soixantedix soldatz qui demeureront cassez, affin qu'ils n'ayent occasion, en leur retyrant, de fouller et opprimer nos subjectz, vous donnerez ordre, avec ledict sieur de la Borderye , auquel nous en escripvons, de les faire payer de leur solde, depuis le temps qu'ils ont commencé à servir jusquesaujourqu'ilz ont esté licentiez. Quant aux prisonniers qui ont esté prins à Maillé, s'ils ne sont chargez d'avoir faict acte d'hostilité , vous les ferez eslargir et mettre en liberté; et, où ils se trouveraient chargez de rébellion, vous les retiendrez et nous en voirez incontinant les charges et informacions contre

eulx faites, pour y pourveoir ainsy que le cas le requerra.

Donné à Paris le vi° jour de janvier

CHARLES

De Laubespine.

( Suscription. ) Nos chers et bien amez les maire et eschevins , bourgeois et habitans de nostre ville de Tours.