LETTRE XXIII
nu même. ( 4 février 1568. )
De par le Roy,
Très chers et bien amez , les bourgeois et habitans de nostre ville d'Orléans
de la religion catholique romaine, lesquels , à cause de l'occupation de ladite ville, ont esté contrainctz habandonner leurs maisons et biens et se réfugier en notre ville de Tours , nous ont faict remonstrer que , combien qu'ilz soient desnuez de leurs biens et la plupart d'iceulx en nécessité et les autres indisposez de leurs personnes par maladies à eulx survenues , à cause des malaises et ennuietz qu'ilz ont souffertz, depuis qu'ilz sont hors de leurs dites maisons, néantmoings on les veult contraindre à porter les armes et autres charges qui touchent le faict de ladite ville, et> d'aultant que ce seroit chose dure et inhumaine de travailler ceulx qui, pour satisfaire à leur debvoir, sont reduietz en telle calamité; à cestc cause, nouz vouz mandons et ordonnons que , aiant esgard à chose si plaine de compassion, vous aiez à recepvoir et soufrir demourer en
ladite ville tous ceux qu'il vous apparoistra estre de la qualité dessus dite et les traicter humainement et gratieusement, sans les contraindre ne souffrir qu'ilz soient contrainctz à aucunes charges qu'ilz ne puissent raisonnablement et commodément porter et sans avoir occasion de s'en plaindre.
Donné à Paris, le ime jour de febvrier
CHARLES
De Laubespine.
( Suscription. ) A noz très chers et très amez les maire et eschevins de nostre ville de Tours.
LETTRE XXIY
nu même. (9mail5G8.)
De par le Roy.
Chers et bien amez, suivant ce que vous nous avez escript et remonstré par votre requeste, que le sieur de Loué ne veult souffrir doresnavant que l'exercisse de la nouvelle religion se face en son lieu de Maillé, et d'aultant que nous désirons le gratifïier et favoriser en tous ses faietz et affaires, nous voulions et entendons qu'il soit levé et hosté dudit lieu de Maillé pour le mectre et establir en quelque aultre, le plus esloigné
de nostre ville de Tours que faire se pourra, et, pour cet effet et pour le regard aussi des garnisons dont vous demandez estre exemptez, nous escripvons présentement et mandons à nostre amé et féal cousin le prince daulphin d'en ordonner ainsy qu'il verra et congnoistra estre expédient et nécessaire, et surtout cpie ce soit au soullaigement de noz paouvres subjectz, ne voullant aussy que le dit exercice de religion nouvelle se face au lieu appelle Langés , suivant ce que vous nous en aviez escript et mandé par vostre dite lettre ; et, quand à la contribution des deniers dont le clergé et chappitre de nostre dite ville de Tours font difficulté de payer et demandent estre exemptez, nous ne voulions ny entendons en estre despesché aulcune chose, voullant toujours supporter le droict de nos dicts subjectz et les soullager en tout ce qu'il nous sera possible.
Donné à Paris, le ixe jour de may mil vc soixante huit.
CHARLES
Fizes.
( Suscription. ) Noz chers et bien amez les maire et eschevins , manans et habitans de nostre ville de Tours.
