LETTRE XXVI

du même, (juin 1568.)

Messieurs, ayant receu la lettre que vous m'avez escripte par ce porteur, j'ay incontinent eommunicqué , sur le contenu d'icelle, avecq mon nlz, qui a esté d'advis et moy aussi, pour les raisons que vous voirrez par la dépesche qu'il faict au Roy, de ne toucher à la translation du lieu de l'exercice de la relligion nouvelle de vostre ressort, sans premièrement en advertir Sa Majesté et luy envoyer la liste que vous luy avez faict tenir de ceulx où il vous semble qu'elle se doibt mcctre, pour la commodité de vous et de ceulx de la dite

relligion, affin que Sa Majesté élize celluy qui luy plaira et envoyé commandement particullier pour en faire l'establissement par mon dit filz, qui ne fauldra d'y satisfaire, sitost qu'il l'aura receu , comme je ne ferai de m'emploier tousjours à vous faire plaisir en tout où j'en aurai les moyens; ce que je tous prie croire sera d'aussi bonne volonté que je prie Dieu vous donner, Messieurs, sa saincte et digne grâce.

De Champigny, jour de juing 1568, Voustre bien bon amy,

Loys de Bourbon.

( Suscription. ) A Messieurs les maire et eschevins de la ville de Tours.

LETTRE XXVÏI