DE FRANÇOIS DE BOURBON, DUC DE MONTPENSIER

(15 juin 4568.)

Messieurs, ainsi que ce porteur est arrivé, j'estois sur la despcsche que je fais à la court pour donner advertissement au Roy de Testât des affaires des villes de mon gouvernement, où j'ay passé venant icy et particullierement pour le regard de la vostre. En quoy il ne restoit sinon à parler des affaires dont vous m'escrivez, ce que je n'eusse obmis, si j'eusse bien sceu comme je says maintenant les. fins à quoy vents tandez, lesquelles ayant entendues, je

n'ay failli de les faire adjouter à ma dite dépesche , et pour ce que le gentilhomme qui la porte la vous fera veoir en passant, je ne vous feray reditte de la teneur d'icelle, si n'est que je n'ai voullu toucher à la translation du lieu de l'exercice de la nouvelle religion, sans premièrement en advertir Sa Majesté et avoir d'elle ung particulier commandement pour cest efFect, ayant, au reste, advisé de vous envoier une ordonnance pour l'ordre et police que je suys d'advis estre tenue en vostre ville, le jour de la Feste-Dieu prochaine. Néanmoings, si vous congnoissiez qu'il se trouvast quelques ungz qui voullussent estre refFusans ou rétifz d'y obeïr, en ce qui concerne seullement le parement des rues et maisons, et que cela deust tourner à quelque scandalle ou esmotion, il n'y aura poinct de mal que tacitement vous faciez satisfaire à ce qu'ils

pourroient deffaiUir, selon le moien que vous en aurez, sans faire congnoistre que l'un soit plus defferé ou favorizé que l'aiiltre, et, avec l'assurance que vous y scaurez si saigement et modestement conduire que le tout succédera à l'honneur et gloire de Dieu. Je le vays supplier, pour fin de lettre, vous donner, Messieurs, sa saincte et digne grâce.

De Tours, ce xvc jour de juing 1568.

Le bien vostre

François de Bourbon.

[ Suscription. ) A Messieurs les maire et esche vins de la ville de Tours.