DE CHARLES VI, ROI DE FRANCE
( 13 mai 1417. )
Cette lettre de l'infortuné roi Charles VI est d'une très -grande importance historique. Nous ne connaissons aucune pièce contemporaine qui expose , avec autant de chaleur et de véritable patriotisme , les misères de toute nature qui vinrent fondre sur le malheureux royaume de France , pendant l'occupation anglaise.
Charles, saisissant corps à corps son infidèle vassal, le duc de Bourgogne, l'accuse de favoriser les entreprises des Anglais et de violer les conventions de la paix d'Auxerre. En ajoutant à la lecture de notre lettre une étude attentive du traité d'Auxerre , on a l'explication complète des intrigues et des
crimes monstrueux de cette douloureuse époque historique.
Comme la précédente , cette lettre , restée inconnue à tous les historiens, est ici publiée pour la première fois.
De par le Roy.
Chiers et bien amez, nous tenons que vous ayez bien eu congnoissance de la paix qui dernièrement fut faicte, en notre royaume et entre nos subgiez, par nous et feu notre très chier filz le duc de Guienne, que Dieux absoille, à la requeste et en la présence de feu nostre cousin le duc de Breban, de belle cousine de Haynau, des procureurs et ambasseurs de notre cousin de Bourgogne et des depputez des trois estaz du pays de Flandres; par laquelle paix, entre autres choses, fut
expressément ordonné etappointié, par nous et notre dit filz, afin qu'elle se peust mieulx garder et entretenir, que, des lors en avant, aucun de noz subgiez, feust de notre sang et lignage ou autres, ne mectroit sus ne ne tendroit en notre royaume gens d'armes ou de trait, pour quelque occasion que ce feust, sans notre congié et licence et sans mandement exprès de nous , laquelle paix notre dit cousin de Bourgogne ot agréable et la jura sollempnellement tenir et garder, si comme nous portons par ses lettres et son scellé, et si avez bien eu congnoissance, comme nous tenons, que, assez tost après, en venant contre la dicte paix ainsi jurée , ycellui notre cousin de Bourgogne vint jusques à Laignysur-Marne, près de notre bonne ville de Paris, contre notre gré et voulenté et par dessus noz défenses à lui sur
ce faictes par plusieurs foiz et là demoura par l'espace de cinq sexmaines ou environ, acoinpaigné de très grant nombre de gens d'armes et de trait, tant estrangers comme autres, qui gastèrent et détruirent le dit pays et y firent maulx et dommaiges irréparables et partout les autres pays par où ilz passèrent et, combien que depuis il se feust retrait en aucun de ses pays, néantmoins grand foison de ses dictes gens demourèrent ensemble, entre lesquelz avoit et encores a la plus grant partie de gens de petit estât, gens banniz et estrangiers assemblez par manière de compaignies, lesquelz se sont espanduz en diverses parties de notre royaume, en eulx advouant notoirement estre à notre dit cousin de Bourgogne, et y ont fait et font encores continuellement cbacun jour tous les maux que ennemis pevent faire, en prenant clias-
teaulx et villes fermées, en tuant gens, violant femmes mariées et autres, boutant feux, raansonnant gens, pillant églises et tous les lieux et pays où ilz ont esté et sont, et généralement en faisant guerre ouverte de feu et de sang à nous et à noz subgiez et tous les inaulx que pourroient faire noz anciens ennemis d'Angleterre et pis encores et, combien que par plusieurs foyz nous lui ayons mandé et commandé par noz lettres et messages que les dictes gens de compaignie il feist wider et départir, comme tenuz y estoit tant par raison comme par la dicte paix par lui jurée, toutesvoies, il ne l'a point fait ne n'y a point obey; mais, qui pis est, s'efforce, comme entendu avons, de faire le plus grant mandement qu'il peut par toutes ses terres et pays et de mectrc sus et assembler, tant par manière d'arrière banc comme autre-
ment, le plus grant nombre de gens d'armes et de trait qu'il puet, pour grever nous et noz pays et subgiez, et, pour cuidier coulourer son fait, donne à entendre que ce qu'il fait est par notre mandement ou au moins pour notre bien et pour nous venir servir, aidier et secourir et avecques ce fait publier que, combien qu'il se soit mis en tout debvoir envers nous, que nous ne lui avons voulu recevoir, mais procède l'en moult rigoureusement contre ses gens, serviteurs et officiers, en enfraingnant la dicte paix et venant contre l'abolicion autres fois par nous accordée et octroyée, en faisant ycelle paix; par lesquelles publicacions , a^ous et autres, nos bons et loiyaulx subgiez, pourriez estre deceuz, se vous n'estiez informez de la vérité des besoingnes; et pour ce, chiers et bons amis, que nous desirons , vous et tous autres ,
cstre acertenez de la dicte vérité, vous certifions que la dicte paix nous avons tenue et gardée et fait tenir et garder et que aucun procez ou condempnacion n'ont esté faitz par nos officiers, en venant contre la dite abolition, ne pour les cas advenuz au devant de la dicte paix; mais bien est vray que, pour certaines conspirations, traïsons et séditions faictes et entreprises par aucuns de notre dicte ville de Paris, par l'introduction et admonnestement d'aucuns des serviteurs et gens de notre dit cousin de Bourgogne, lesquelles se dévoient mectre à exécution le vendredi aouré et le jour de Pasques, ot un an, qui peust avoir esté inconveniant irréparable pour nous et notre seigneurie, se Dieu n'y eust pourveu, et aussi pour plusieurs autres courses, commotions de peuple et monopoles qui en continuant de mal en pis se dévoient faire
et mectre à exécution, en notre dicte ville de Paris, es mois de juing et d'aoust dernièrement passez, plusieurs des coulpables ont esté punis par beau procès et bonne justice et, par leurs propres confessions, ont esté bien et deuement justiciez et exécutez et les autres qui n'ont peu estre appréhendez ont esté banniz de notre royaume sollempnelement et comme au cas appartient, sans avoir eu aucun regard aux cas advenuz paravant la dicte paix.
En oultre, sachiez certainement que les assemblées et mandemens que fait et s'efforce de faire ycellui notre cousin de Bourgogne se font contre notre gré et voulenté et à notre très grant desplaisance, et que sur ce il n'a eu de nous mandement ne lettres quelconques , patentes ne closes, et, se aucunes en monstroit sur ce , elles soient faulses et contrefaictes , et en vérité nous avons
très grant suspicion que les dictes assemblées et mandemens ne se facent en aucune mauvaise entencion, veues les nouvelles qui sont toutes notoires du grand appareil que fait notre adversaire d'Angleterre pour descendre en notre royaume et que, sans notre congié et licence, il a esté pardevers lui à Calais et ont longuement parlementé ensemble, sans nous riens faire savoir des matières parlées entre eulx et s'envoyent l'un à l'autre gens et ambaxdeurs. Avecques ce, chiers et bons amis, vous affermons que combien que, es manières que a tenues et tient encores envers nous, notre dit cousin de Bourgogne, tant es choses dessus comme antiennes, nous ayons prins si grant desplaisir que plus ne povons et non sans cause, néantmoins, en continuant tousjours les grâces et amours que lui avons acoustumé de faire, et, à la re-
queste de notre très chier et amé cousin le conte de Haynau 1, qui, pour bien de paix, s'est entremis de cette besoingne, nous, en respondant certains articles sur ce baillés par notre dit cousin de Bourgogne, avons voulu lui faire et à ceulx aussi qui l'ont servi des grâces et amours et curalités bien largement, pourvu qu'il feist son devoir et obeist à nous, comme tenuz y est par les dictes responses à nous envoyées par escript, scellées et signées à notre dit cousin de Haynau, lequel les lui a envoyées par ses gens, dès grant temps a, comme nous sommes souffisamment acertenez; mais encores n'en a -il fait ne donné aucune réponse , au moins qui soit venue à notre congnoissance. Et, afin que vous congnoissiez et sachiez au vray la grâce et amour que, pour les
1 Albert, comte de Hainaut.
causes dessus dictes, nous avons voulu fane à notre dit cousin de Bourgogne et à ceulx qui l'ont servi et que vous ne soiez pas deceu par paroles ou escriptures non véritables, nous vous envoyons, enclose en ces présentes, la vraie copie de mot à mot des responses dessus dictes et de ce que nous lui avons voulu faire et accorder pour bien de paix et vous prions et requérons et néantmoins mandons que, en aequitant la loyauté que tousjours avez eue envers nous, comme nos bons et loyaulx subgiez, vous ne favorisiez icellui notre cousin de Bourgogne ne ne lui donniez confort ou aide en quelque manière que ce soit, à pour fournir ses entreprinses dessus dictes, ne à quelconque autre chose que pourroit tourner à préjudice ou dommaige de nous et de notre seignorie, mais l'empeschiez en ce par toutes les voies et manières que
vous pourrez, ainsi comme nous en avons tousjours eu et encores avons en vous parfaicte confidence.
Donné à Paris le xme jour de may.
CHARLES
En note , au dos de cette pièce , on lit en écriture du temps :
Présentées à la ville par Bourdon, chevaucheur du roy, mes, le xxn<= jour de may, l'an m cccc xvii.
Et plus bas : Leues et 2)ubliées au tablier de l'hôtel de ville, le xxui* jour de may, l'an dessus dit, pirésens les gens d'église, bourgois et manans.
Plus bas encore : Donné au dit Bourdon
XLV SOls.
