DE LOUIS DE BOURBON, DUC DE MONTPENSIER

(22 juillet! 568.)

Messieurs, encores que j'aye esté des derniers adverty de la follye survenue en vostre ville, ce a neantmoings esté assez à temps pour en estre très marry et y congnoistre plus de vostre mauvais debvoir que je ne vouldroys \ car, si du commancemant vous eussiez eu recours à monsieur de la Chastre pour retrancher la matière de celle esmotion , le feu ne se feust pas allumé au dommaige des pauvres personnes catholicques qui y sont morts. Je plainctz, entre aultres,

infiniment le cappitaine Sainct- Martin ' et suys seur que le Roy en sera très mai content. Cela vous doibt rendre plus songneux d'aider la recherche des coupables de si grande malheureté et à tenir la main , aultant qu'il vous sera commandé par ledit sieur de la Chastre, qu'ils soyent prins et baillez à justice , afin que la punition en soyt faicte et serve d'exemple à leurs semblables. Au demeurant, si le mal continuoit et que la présence de mon fdz feust nécessaire par delà , il ne fauldra, en estant adverty, de si acheminer incontinent; toutesfois, j'espère que la discrétion et auctorité dudict sieur de la Chastre suffiront à cela et à paciffier la querelle du cappitaine Gast et sieur de Vallemer, dont je luy escriptz, à ceste

1 Le capitaine Saint- Martin commandait le poste du pont de Tours. Il fut la principale victime de cette émeute du mois de juillet 1568, dont les historiens de la Touraine ne font aucune mention.

fin, et prie Dieu, Messieurs, vous taire aussi saiges, bons et obéissans subjectz de Sa Majesté que le désire.

Voustre bien bon amy,

Loys de Bourbon.

De Champigny, ce xxne jour de juillet

( Suscription. ) A Messieurs les maire et esche-r vins de la ville de Tours.