LETTRE XL

nu nue d'anjou, frère du roi.

( 14 septembre 1568. )

Messieurs, j'ay veu les remoiistrances contenues en vos lettres, oultre ce que vous en avez escrit au Roy, mon seigneur et frère, et loue beaucoup le zelle et la bonne affection qu'en cela vous monstrez avoir de vous conserver en son obéissance, comme naturellement et par sa clémence et bonté vous y estes

tenuz et obligez ; mais, pour le désir que Sa Majesté a de soulaiger ses pauvres subjectz, après taut de charges que, à son grand regret, ils ont supportées, il ne trouve pas maintenant à propos de vous accorder l'imposition dont vous escrivez , pourceque , Dieu mercy, les rebelles ses ennemys ne sont pas aujourd'imy en telle force ni avec équipaige et moiens de vous assaillir, me sentant sy près de vous, comme j'espère y estre en brief, avec l'armée dudit seigneur. A ceste cause, vivez en repos et soyez seulement bien soigneux de vous garder de surprinse, me tenant adverty d'heure à autre de tout ce que vous pourrez aprendre des actions et remuements desdicts rebelles, ensemble de ce que sera besoing pour vostre seureté, selon que vous en verrez les occasions, et je y pourvoiray, si Dieu plaist, en sorte que vous ne recevrez aucun inconvé-

nieul. Sur ce, je prye Dieu qu'il vous ayt en sa saincte garde. Escrit à Sainct- Maur-des-Fossez, le xive jour de septembre 1568.

HENRY

(Suscription. ) Messieurs les maire, eschevins, manans et habitans de la ville de Tours.