LETTRE XXXIX

ni' même. ( 1«" septembre 1568. )

Messieurs, j'ai esté bien aize d'entendre, par le retour du sieur de la Mothe, comme l'alarme qui vous avoit esté donnée soit cessée, combien que j'avois bonne intention, si elle feust continuée, de vous aller secourir avec tout ce que j'eusse peu en avoir de moien; mais cela m'en donnera d'aventaige d'ayder aux préparatifs de deçà, pour bientost aller veoir la contenance de ceux qui sont nouvellement arrivez à la Rochelle. En quoy, si je me trouve tant occuppé que je ne puisse estre au jour

de l'assignation qne vous avez faict donner à ceux de la noblesse catholiques, vous ne différerez de procedder à la réception de leurs sermentz, suivant la forme que monsieur mon père et moy vous avons mandée, et sera besoing par mesme moienleur dire qu'ilz nous viennent tous incontinent trouver au meilleur équipaige qu'ilz pourront, combien que s'il m'est possible moy mesmes iray leur faire ceste exhortation que je vouldrois pouvoir estre telle, soit de ma part ou de la vostre , qu'elle feust cause d'en convier quelque bon nombre à nostre ayde et secours, car je vous assure que nous en aurons bien besoing et de nous opposer d'une bonne façon aux desseings et entreprinses de nos adversaires , qui s'estant, comme ils sont ouvertement déclairez , vous ne scauriez mieulx faire, quant vous en sçaurez quelque trouppe ensemble autour de vostre ville, de les

envoie? rompre et deffaire, ainsi que le Roy Je veut etpromect, et vouldrois bien que Ton en peust faire tout de mesmes contre ceulx qui s'assemblent es chasteaux que vous me mandez. J'escritz à M. de Loué de pourveoir au sien, suivant l'advis que vous me faictes par vostre lettre, ne voullant finir ceste-ci sans vous recommander tousjours la conservation et seureté de vostre ville, où je vous prie de continuer de faire faire bonne garde, et notre Seigneur vous donner, Messieurs, sa saincte et digne grâce. De Champigny, ce premier jour de septembre 1568.

Le bien vostre,

François de Pourbon.

Monsieur mon père et moy avons pourveu , dès il y a deux jours , à ce que vous me mandez pour le chasteau de Loches et mandé à Monsieur de

Muré s'aller mettre dedans pour y commander, comme il a faict cy devant.

( Suscription. ) Messieurs les maire et eschevins de la ville de Tours.