LETTRE LU

m: même. ( 1er août 1591. )

Cbers et bien amez, si les bonnes nouelles ne doibvent jamais estre celées à

1 Nous publions cette lettre d'après une copie ancienne appartenant aux Archives départementales d'Indre - et - Loue. L'original n'existe pas dans le recueil de l'Hôtel de Ville. Cette lettre est, du reste, déjà imprimée dans le grand recueil de M. Berger de Xivrey, t. m, p. 453.

personne, on en doîbt principalement faire part à ceulx qu'on est asseuré s'en debvoir resjouir et, d'aultant que nous vous tenons pour estre de ce nombre sachans combien vous desirez la prospérité de nos affaires , nous avons voulu vous faire entendre particulièrement ce qui s'est passé en nostre armée, depuis que nous avons faict investir la ville de Noyon très-importante pour la Picardie.

Vous scaurez doncques qu'après que le visconte de Tavanes a essayé ces jours passez de mestre secours d'hommes et de pouldre en la dicte ville et qu'il fut respoussé avecq perte de ses gens par noz reytres , le quartier desquelz ils avoyent choysy pour le plus foible de noz gardes, ceste nuict il y est venu luy mesme sur la mynuict avecq quatre cens chevaulx qu'il avoit tirez de toutes les garnisons de Picardye et de Normandye et six cens hommes de pied choysys, tant d'Espa-

guols que desregimens de Trembleeourt, Gribouval et chevalier Picart. Si les premiers ne feirent aucun effect. ceulx cy ont acquis aussy peu d'honneur et de proffict en leur entreprinse . pourceque , à la première rencontre qu'ilz ont faicte des troupes du sieur de Haraucourt , qui estoit en garde sur le chemin de leur passage, ilz se sont retirez en desordre et avec telle espouvante que chargez par la cavalerie des enffans du sieur de Pienne, qui n'estoyent arrivez en nostre armée que deux heures auparavant, el celle du sieur de la Boissière, qui y sont acouruz au premier alarme , ils ont esté mis en routte, plusieurs pris prisonniers et, entre aultres, ledict visconte de Tavanes blessé de troys coups d'espée.

La nuict a esté leur seul salut, car sans cela il n'en feust pas eschappé ung seul ; mais pour se saulver plus aysement, soulz la faveur de l'obscurité et des boys

et des bleds, ilz ont quicté leurs armes, mesmes Gribouval qui marchoit à la teste. Il a esté trouvé et pris plus de vingt pertuysanes et force picques et harquebuzes. Le sieur de La Curée et d'aultres les poursuivent encores et sont couruz dans les bleds par nos soldatz de façon que d'heure à aultre l'on en ameyne de prisonniers. Nous espérons tirer de cette routte deux advantages au bien de noz affaires : l'ung que les troupes ramassées de beaucoup d'endroitz se sont retirées avec tel effroy qu'elles ne se rassembleront de longtemps, l'autre que ceulx de ceste ville ont par ce moyen perdu toute espérance de secours et en seront plus tost reduictz en nostre obéissance par amour ou par force. La conscience du dit visconte de Tavanes l'estonne fort. Nous l'avons envoyé quérir tant pour parler à luy que pour scavoir que c'est qu'il nous veult

dire et qu'il asseure nous debvoir donner contentement et, selon ce qu'il nous dira, nous le vous manderons. Cependant nous vous prions resjouir noz bons serviteurs de ceste bonne nouvelle et Dieu qu'il vous ait, chers et bien amez, en sa saincte et digne garde. Escript au camp devant Noyon, le premier jour d'aoust 1591.

Le sieur de La Curée est retourné tout présentement qui a son logis plain de prisonniers.

HENRY