PRINCE DE CONTI

(4 janvier 4593.)

Messieurs, ce nous a esté beaucoup de contentement, recognoissant par vostre lettre la bonne volonté et affection qu'il vous plaist porter à monsieur mon mary et à moy. Je me asseure qu'il vous donnera tant d'occasion de la continuer, que vous jugerez que vous n'avez point un meilleur ne plus affectionné amy que ]uy. et, pour mon regard, croyez, je

vous pry, avecq vérité, que je tiendra?

tousjours à très grand plaisir d'avoir moyen de m'emploier à quelque chose qui vous puisse apporter utilité et contentement, et que, auparavant la venue icy de monsieur de Vallancay, mondit seigneur, mon mary, estoit résolu de vous gratiffier non seulement pour ce que vous l'avez faict prier par luy, mais aussy en tout ce que vous sçauriez désirer, en ce qui deppend de sa puissance. Je le supplieray (combien que je croy qu'il ne soit point de besoin ) de faire esloigner de vous les gens de guerre le plus qu'il sera possible; et n'eust tant attendu à vous aller veoir sans que , les ennemys s'estants fort approchez, il n'eust voulu, pour mourrir, laisser ce pais ni cette ville, particulièrement à un si grand besoin , sans les veoir retirer, comme ils sont de présent, ayant eu advis certain qu'hier ils passèrent la rivière. Si. en

quelque autre occasion, j'ay moyen de vous faire plaisir, je vous pry, Messieurs, affectueusement de croyre que vous me trouverez tousjours, soit en général ou en particulier,

Vostre bien affectionnée et asseurée amye

La princesse de Conty.

D'Angers, ce 4 janvier 1593.

( Suscription. ) A Messieurs les maire et eschevins de la ville de Tours.

( Au dos, en écriture du temps. ) Madame la Princesse.

Receue le xie janvier 93.