DE MARTIN RUSÉ, SEIGNEUR DE BEAULIEU

(20 novembre 1592.)

Messieurs, vous verrez par les lettres du Roy, pourquoi il n'a peu vous gratiffier en ce que vous luy avez demandé et vous puis dire avecq vérité que ce n'est poinct faulte de bonne volonté à l'endroict de Monsieur de Souvré ny que

1 Martin Rusé avait été créé secrétaire d'État par Henri III, dès le mois de septembre 1588. Il exerça cette cbarge sous trois rois, jusqu'au 16 novembre 1013, époque de sa mort. Ses immenses richesses furent léguées à son petit neveu, Antoine Coiffier, seigneur d'Effiat, qui devint maréchal de France.

vostre suplication ne luy ayt esté fort agréable. Mais aussy tost que Sa Majesté sceut la nouvelle de la mort du feu duc de Joyeuse , qui fut à Sainct - Denis , au mesme temps de la datte de vos lettres, elle me commanda le pouvoir de Monseigneur le prince de Conty. Monseigneur le Cardinal de Bourbon porte tant d'amytié à mondit sieur de Souvré qu'il a considéré et respecté les lettres qu'il en a escrites; mais Sa dite Majesté deist qu'il ne pouvoit, sans faire tort à Monseigneur le prince de Conty, lui faire passer cette occasion devant les yeux, joinct que desja il avoit telle auctorité et commandement aux provinces de Tourayne.

Anjou et le Mayne, qu'il ne lui restoit plus que la qualité de gouverneur, laquelle il ne pouvoyt luy desnier, et moings encore la donner à ung aultre.

Ce sont les seulles raisons qui ont agi contre votre contentement et qui ont

fermé la bouche à tous ceux qui eussent eu quelque volonté au contraire. Si j'ay moyen de vous servir en aultre endroict, employez moy comme celuy qui en a tousjours eu la volonté et l'aura toute sa vye et croyez que je vous y serviray de très bon cœur. Vous saluant sur ce, je prie Dieu qu'il vous donne, Messieurs, en santé, très bonne et longue vye. Du camp d'Estampes, le xxc jour de novembre 1592.

Vostre bien humble et affectionné

serviteur ,

Ruzé.

(Suscription.) Messieurs, Messieurs les maire et eschevins de la ville de Tours.

(Au dos, en écriture du temps. ) Lettre de Monsieur de Beaulieu Ruzé , du xx° novembre 1592.

Leue en l'hostel de ville le nc décembre audit an.

LETTRE LYII

(21 novembre 1592.)

Nos amez et féaulx, affin de vous faire part de tout ce qui se passe, tant près de nous qu'aux autres endroictz de nostre royaume, nous vous envoyons l'extraict d'une lettre qui nous a esté escripte de Languedoc, par laquelle vous verrez au vrai ce qui s'y est faict à l'advantage de nos affaires, ensemble ung petit discours de ce que nous avons faict de deçà, que nous ne tenons pas pour estre de si peu d'importance qu'il ne méritte d'être sceu.

Vous en ferez part à tous nos bons serviteurs, après en avoir prins la resjouissance qui en est deue à vostre bonne vollonté et à l' affection que vous portez au bien de notre service; priant sur ce nostre Seigneur qu'il vous ait, nos amez et féaulx, en sa sainte et digne garde. Escrit au camp d'Estampes, le xxie jour de novembre 1592.

HENRY

Ruzé.

(Suscription. ) A nos amez et féaulx les maire et eschevins de nostre ville de Tours.