LETTRE LX

(19 juin 1593.)

Noz amez et féaulx, vous avez esté advertiz du siège que nous avons mis devant ceste ville ' . Vous sçaurez maintenant que nous avons usé de telle dilligence à tout ce qui estoit pour en advancer la prinse , qu'après avoir faict tirer ce matin quelques coups de canon aux deffences, et en batterye faict ung

* La ville de Dreux.

Irou par lequel pouvoit passer ung homme ou deux tout au plus, nous avons, pour recognoistre la contenance et resolution des assiégez , envoyé quinze soldatz, qui ont trouvé si peu de résistance, qu'ils sont entrez par le dict trou et tost après ont esté suivis des trouppes ordonnées pour l'assault, sans perte d'un seul homme, Dieu mercy. De sorte que, puisque nous sommes maictres de la ville, le duc de Mayenne ne nous fera plus lever le siège. Nous aurons aussi, comme j'espère, bientost la raison du chasteau, estant nos trouppes logées tout auprès. De quoy nous vous avons voulu donner advis , affin de vous occasionner de louer Dieu du bon succès qu'il lui a pieu nous donner en ceste entreprise, avec espérance qu'il sera bientost suivy de quelque autre meilleure nouvelle.

Pryans sur ce nostre Seigneur qu'il vous ait, nos amez et féaulx, en sa saincte

et digne garde. Escrit au camp de Dreux, le xixe jour de juing 1593.

HENRY

Ruzé.

(Au dos :)

Nos amez et féaulx les maire et eschevins de nostre ville de Tours.