LETTRE LXI

du MÊME. (30 juin 4593. )

Noz amez et féaulx, il y a deux choses, entre aultres, propres et particulières aux rebelles et malfaicteurs : l'une, d'attirer soubz quelque prétexte de bien le

plus qu'ilz pourront de personnes à leur rébellion , tant pour couvrir leur insigne mesclianceté que pour en éviter le juste chastiment qu'ilz méritent par la multitude des personnes tombées en mesme desloyaulté; l'autre, de semer des faulx bruictz à leur advantaige pour confirmer, par le moien de cest artifîice , leurs complices, séduire et intimider les plus simples, qui n'ont pas l'esprit assez solide pour juger les affaires du inonde, et avillir par quelques mauvaises nouvelles le courage de ceux qui ne veullent participer à leur rébellion. Maintenant que l'on recongnoist assez l'apparance du bien promis par nos subjectz rebelles estre vaine, et que les misères et pauvretez qu'ilz ont causées en nostre royaume descouvrent tellement leur mesclianceté qu'ilz ne peuvent plus abuser personne soubz ce prétexte de bien, nous ne doublons poinct qu'ilz ne s'aident de L'autre

expédient, et qu'aux moindres occasions qui se puissent présenter ils ne facent courir beaucoup de faulx bruictz à leur advantaige , comme il s'en présenta hier une par la blessure de nostre très cher et très amé cousin le duc de Montpensier, au lieu de laquelle ils manderont partout sans doubte que nous avons esté tué, affin d'estonner, en ce faisant, nos bons et fidelles serviteurs et subjectz; mais, afin que nul ne se perde en tels artiffices plains de vanité et dignes de ceulx qui les emploient par faulte de meilleure monnoye, n'ayans aultre fondement de leur infidellité que leur ambition, nous avons bien voullu vous faire la présente pour vous asseurer que , grâces à Dieu , nous n'avons seullement pas esté blessé, mais bien nostre cousin le duc de Montpensier, près de nous, d'une blessure touteffois si favorable , qu'il n'en aura que le mal, s'il plaist à Dieu, sans

en estre seullement estropié ne difforme, et que , dans dix jours, il pourra monter à cheval pour se trouver à la bataille , si les ennemis veullent entreprendre de nous venir coinbatre, comme ilz en font courir le bruit. C'est la pure vérité, de laquelle vous pourrez randre certains nos bons subjectz, afin qu'ilz n'en prennent plus grande alarme et ne demeurent longtemps en la peine que leur pourroient causer les faulx bruictz desdictz rebelles. Et, sur ce, nous prierons Dieu qu'il vous ait, nos amez et féaulx, en sa saincte et digne garde. Escrit au camp de Dreux, le dernier jour de juing 1593.

HENRY

Ruzé.

( Suscription. ) Nos amez et féaulx les maire et eschevins de nostre ville de Tours.

( Au clos est écrit , en écriture du temps. )

Receue et leue en l'hostel de ville , le xmi" juillet 1593.