DE M. PIERRE DE DONADIEU DE PUCHA1RIC, SÉNÉCHAL D'ANJOU

< 26 décembre 1593. )

Messieurs, le service du Roy et Finterest particulier que vous auriez à

nostre perte, qui nous est quasy comme infaillible s'il n'y est promptement remédié, me faict vous faire celle-cy pour vous dire que monsieur de M . . . part demain de Nantes et s'en vient joindre son armée à Ingrande, qui est composée de six à sept mil hommes de pied, et d'environ mil chevaux; il a quatre canons et deux coullevrines. Tous les advis que vous avons confirmés par messieurs de Racain et de Lestre sont qu'ils viennent aux ponts de Sez, comme il y a grand apparence, veu le grand apprest qu'ils ont faict par eau, quelque bruict quïlz facent courir d'aller à Sablay. Le dict pont de Sez est de telle importance à la conservation de ceste ville, pour estre sa mère norrice, que je crains fort que les ennemis n'y facent quelque grand effort. Si ce n'est pour garder, ce sera pour ruiner et brûler les moullins, à quoy il nous est impossible de nous pou-

voir opposer pour le peu de gens de guerre quy nous sont restez après le lèvement du siège de Rochefort, que nous avons retenus à force d'argent; c'est ce qui nous faict avoir recours à ceulx qui peuvent participer au mal qui nous tallonne, comme à vous aultres, Messieurs, pour vous supplier très humblement nous voulloir assister à une si urgente nécessité de tout ce que vous pourrez de vos garnisons ou des trouppes qui sont proches de vostre ville, et de les voulloir envoier avec le plus de dilligence qu'il se pourra, par eau ou aultrement, afin de les jeter dans les ditspontz de Sez ou là où nous adviserons, pour empescher la course des ennemis. En ce faisant vous ferez ung signalé service à Sa Majesté, obligerez beaucoup ceste ville otmoy particulièrement, Messieurs, qui vous en randray très humble service partout où il vous plaira m'honorer de

vos commandement. Attendant lesquels je prie Dieu vous donner. Messieurs, en très parfaicte santé, très se are et très longue vie.

Votre très obéissant serviteur,

PUGHAIRIC.

Fait à Angers, ce xxvi" jour de décembre 1593.

( Suscription. ) A Messieurs, Messieurs les maire et eschevins de la ville de Tours.

(Au dos, on lit.) De Monsieur de Pucharyc. Receue le xxixe décembre 93