DES MAIRE ET ÉCHEVINS DE LA VILLE DE 13LOIS

(29 janvier 1594.)

Monsieur, nous avons receu la lettre qu'il vous a pieu nous escrire par mon-

sieur de la Forest, oultre laquelle il nous a tesmoigné de combien vous désirez le repos de ceste pauvre province, et l'amytié que vous nous portez. Ce n'est pas de ceste heure que nous la eognoissons, de quoy nous ne vous saurions assez remercier et vous supplier, comme nous faisons, de la nous voulloir tousjours continuer, et nous donner ad vis de ce que vous apprandrez de la négociation de la tresve d'Anjou et le Mayne, affin que, suivant icelluy, nous avisions à tenir le mesme chemin que vous ferez; car, comme vous dictes, il n'est pas besoing que nous facions paroistre l'envye que nous avons d'y estre comprins, de peur que l'on nous le feist bien achepter ; mais de faire en sorte , par le moyen de monsieur le comte de la Rochepot, qu'il fust deftendu à ceulx dudit Anjou et le Mayne de faire la guerre en Thouraine, Blaizois et le Vendosmois, et à ne

prandre ni détenir aucuns prisonniers; cependant il sera fort à propos que le prevost des maréchaulx de vostre ville et celui de ceste cy ayt bonne intelligence pour faire la guerre à ses volleurs, qui courent ordinairement entre Tours et ceste dite ville , et mesme sur la levée et en Beausse , la plupart desquels sortent de vostre gouvernement , et , pour cest effect, d'adviser entre eulx à se donner ung rendez-vous, ainsi qu'il a esté commandé au prévost de ceste dite ville; vous suppliant, Monsieur, d'en faire de mesme au vostre, y employant tout ce qui sera en votre pouvoir pour les faire attrapper et en libérer le pais, nous asseurant que cela sachant ils auront occasion de prendre une autre contrée et de se retirer; et sur ce, attendant de vos nouvelles , nous prieions Dieu vous donner, Monsieur, en parfaicte santé, bonne et longue vye. De la

maison commune de Blois, ce xxixr jour de juillet 1594.

Vos bien humbles et affectionnés amys et serviteurs les eschevins de la ville de Blois

Baudry, Londaine(?) et Drinton(?)

(Suscription. ) A Monsieur, Monsieur de Bauldry, conseiller du Roy, trésorier général de France, en Touraine, et maire de la ville de Tours, à Tours.

( Au dos, en écriture du temps. )

Lettre de MM . de Blois, receue le xxxe j uillet 94.