JUILLET. — ÉDICTS DE PACIFICATION

De par le Roy.

oz amez et feaulx, Nous vous envoyons la déclaration que nous avons, avec l'advis des Princes, officiers de la Couronne et autres grandz et notables personnaiges de nostre Conseil qui sont icy près de nous, conclue et résolue pour la revocation des Edictz des années mvc un" V, et mi" vin, extorquez par violance pour la revocation des Edictz de pacification precedens; lesquelz par

les malheurs, ruynes et désolations qui ont esté causées par les autres et sont encores trouvez plus utiles et nécessaires qu'ilz n'avoient esté par cy devant, ne pensant avoir de rien tant à nous excuser envers noz subjectz que de n'avoir plus tost faict et publié ladicte déclaration, comme sans doubte nous eussions faict, sans que nous espérions tous les jours de pouvoir à la dicte revocation joindre l'establissement d'une bonne paix universelle, dont Dieu n'a pas voulu permectre que les ennemis rebelles se soient encores peu rendre capables, qui est cause que nous n'avons plus voulu laisser davantaige subsister lesdictz Edictz , par lesquelz non seulement nous et nostre dignité, mais l'honneur et réputation de noz bons et fidèles subjectz sont injustement intéressez; et sera de vostre devoir de poursuivre que ladicte déclaration soit promptement publiée et veriffiée en nostre Court de Parlement; à quoy nous vous mandons et enjoignons de vacquer sans intermission, préposant cest affaire à tous autres, comme il n'y en peult avoir qui le puisse precedder estant de la conséquence dont vous jugez assez qu'il est. Ce que nous asseurant que saurez bien considérer, nous n'estimons icy nécessaire de vous en dire sur ce subject davantaige, sinon que nous aurons le soing et la diligence que vous, y apporterez pour très bon et très agréable service. Donné à Mante le viue jour de juillet 1 591 .

FORGET

(Fonds Dupuy (copie), 618, f° 7, R°.)

1591, 4 SEPTEMBRE. — A MON COUSIN LE SIEUR D'AUMONT MARÉCHAL DE FRANCE.

on cousin, Le Sr de Sillery, mon ambassa- & deur en Suisse, m'a faict entendre que des soixante et dix mil escus de l'empfunct faict

audict pays pour lequel ceulx de mon pays de Bourgongrie entrent en obligation avec moy, vous faictes instance d'en avoir trente cinq ou quarante mil pour les affaires dudict pays, et que cela estant, on demeureroit de beaucoup court du mois que doivent toucher sur ladicte somme les collonelz et cappitaines en considération desquelz principalement ledict prest a esté faict, comme aussy ilz en ont faict l'ouverture et principale poursuicte par le moyen de leurs parens et amis ; montant ledict mois cinquente mil escus, dont si Ion leur retranchoit quelque chose, cela exciteroit un grand mécontentement au pays, et possible empescheroient ilz la sortye de l'argent. Toutesfois il a voulu sur ce sçavoir ma volonté, me mandant que en les satisfaisant de ladicte somme entière, il ne vous en pourroit estre baillé gueres plus de vingt mil escus, à cause qu'il y a l'année de la rente à rabattre et quelque autre partye que je luy ay ordonné d'employer pour mon service. Vous sçavez, mon cousin, en quel estât sont mes affaires de delà et le besoing que j'ay d'y

conserver mes serviteurs entre lesquelz voulant éviter toute occasion de plaincte et crierie pour ce faict particulier, je mande audit Sr de Sillery qu'il préfère en cela leur contentement à toute aultre chose; dont je vous ay bien voulu advertir, affm que sçachant qu'il a ce commandement de moy, vous preniez en bonne part ce qu'il fera en cest endroict; comme je vous prie aussy rendre tellement cappabîes ceulx de mondict pays de Bourgongne de la raison que j'ay eu de l'ordonner et de l'interest que eulx rnesmes ont à maintenir ladicte nation en bonne intelligence avec moy, qu'ilz y acquiescent volontairement, comme à chose qui avec le gênerai de mon service regarde aussy en particulier le bien et seureté de leur province. Sur ce, je prie Dieu , mon cousin , vous avoir en sa saincte garde. Escrit à Noyon le 1111e jour de septembre 1 591 .

Henry.

Revol.

(Port, Godefroy, 262, pièce 21e.)