SEPTEMBRE. — A MONSIEUR L'ABBÉ DE GADUGNE

ONsr de Gadugne, Ayant entendu que ma b cousine la Grand Duchesse de Toscane vous i a despesché pour aller en Lorraine et autres endroictz pour ses affaires particuliers, et que néant-

moings vous desirez avant que passer oultre avoir un passeport de moy, je le vous ay bien voulu envoyer , le faisant adresser au Sr de Sillery, mon ambassadeur en Suisse, pour le vous bailler, si vous estes encores audict pays, comme Ton m'a dict que vous y pourriez attendre ledict passeport, et vous veulx bien aussy asseurer que tout ce qui est de la part de madicte cousine m'est si recommandé que non seulement elle peult attendre toute seureté de mon costé à ceulx qu'elle y employera, mais aussy qu'ilz y recevront toute la faveur et assistance dont ilz auront besoing de sorte que pour mon regard et de ce qui deppend de moy vous ne devez faire difficulté de passer oultre et aller ou bon vous semblera, soit au dedans ce royaulme ou debors, selon l'ordre et commandement que vous avez de madicte cousine, m'asseurant que comme elle n'y vouidroit rien faire traicter contre mon service, que aussy vous ne le vouldrez entreprendre de vous mesme. Sur ce , je prie Dieu , Monsr de Gadugne, vous avoir en sa saincte garde. Escrit à Noyon, ce 1111e jour de septembre 1 591 .

Henry.

Revol.

(Port. Godefroy, 262, pièce 22*.)