OCTOBRE. — AUX MÊMES

hers et bien amez, Estant nécessaire pour nostre service que nostre Cousin le Duc de Montpensier s'achemine au plustost en son gouvernement de Normandye , et ne voulans laisser nostre païs de Bretaigne despourveu d'un chef, Nous avons ordonné nostre très cher et bien amé Cousin le Mareschal d' ku mont pour commander et représenter notre personne en nostre armée et pais de Bretaigne, lequel estant poulsé d'un singulier zelle au bien de nostre service, et pareillement affectionné a noz serviteurs et subiectz duditpais, Nous espérons par sa prudence et valeur, et les forces que nous luy avons destinées , que Dieu luy fera la grâce de faire bientost prospérer nos affaires de delà. C'est pourquoy Nous vous mandons que vous ayez à le recongnoistre et luy obéir comme sy cestoit nostre propre personne, Nous assurant que de sa part il embrassera et s'emploiera pour ce qui sera pourvostre bien et soullagement avec

la mesme affection que vous mesmes pouvez désirer, si ny faictes faulte, Car tel est nostre plaisir. Donné au Camp de Champs Le cinqme jour d'octobre M.vciiijxxxij.

Henry.

Potier.

(* Archives municipales de Rennes; f° 48 du registre cité.)

1092,25 OGTOBBE. — A NOZ BIEN AMEZ LES ESCHEVINS ET H A BIT ANS DE NOSTRE VILLE DE CAEN.

hers et bien amez , vous scavez de quelle importance est pour le bien gênerai et particulier de noz bons subiectz de faire bien garder la coste de la mer proche de vous, ce qui ne se peult faire que par le moien des vaisseaux de guerre que nous avons cy devant destinez pour la garde de ladite coste, et estant bien raisonnable que ceux qui en tirent commodité comme vous faictes contribuent a leur entretenement , nous avons bien voulu vous escrire la présente, affin que suivant ce qui vous a este cy devant mandé , vous ayez a paier au plutost les deniers a quoy vous avez esté taxez pour lentretenement desditz vaisseaux, comme font de leur part ceulx de nostre ville de Dieppe et autres, sy ny

faictes faulte , car tel est notre plaisir. Donné a St Denys le xxve jour d'octobre 1 592.

Henry.

Potier.

(* Archives municipales de Caen; original.)

1592 , 22 NOVEMBRE. — A NOS AMEZ ET FEATJLX CONSEILLERS ET PROCUREURS GENERAUX DE NOSTRE COURT DE PARLEMENT DE BOURGONGNE.

Le Roy ne veut pas que le Parlement de Dijon ordonne rien contre une Bulle du Pape, quoyque contraire à l'Estat et à ses drois ; voulant attendre TefFect de la légation du sr de Pisany.

oz amez et feaulx, d'autant que nous avons estimé que certain escrit sorty recentement de Paris soubz le tiltre de Bulle du Pape, très contraire à nostre auctorité et aux droictz et légitime constitution de ceste nostre Couronne, venant à la congnoissance de nostre Court de Parlement et à la vostre, le devoir de voz charges vous pourroit inciter à procéder contre iceluy par les voyes de droict permises et accoustumées ; et que se rencontrant d'ailleurs en mesme temps le voyage du Sr marquis de Pisany à Rome, au nom des Princes de nostre sang, et autres Princes, Ducz, Pairs, officiers de nostre Couronne et generallement de tous les estais de ce royaume, nous

avons trouvé bon de surceoir tous actes et procédures pour ce regard; attendant que par le moyen dudit voyage l'on puisse veoir quelle sera l'inclination du Pape à ce bon œuvre qui luy touche par devoir et interest du bien et tranquilité de toute la Chrestienté, ou que par bon et meur conseil nous ayons ad visé de quelle façon nous aurons à nous pourvoir pour la deffence de nosdictz droictz et prérogatives de nostredicte Couronne, selon la délibération qui en sera par nous faicte en une assemblée que entendons faire au plus tost à ceste fin, ainsy que nous l'escrivons à nos- Ire dicte Court de Parlement, vous ayant bien aussy voullu en particulier faire entendre nostre intention sur le tout pour vous y conformer à tenir qu'il y soit satisfaict en ce qui peult despendre de vous comme nous vous commandons n'y faire faulte : Car tel est nostre plaisir. Donné au camp d'Estampes ce xxne jour de novembre 1 592.

Henry.

Revol .

(F. Dupuy, 670, f° 98, r°. )

1593, M JANVIER. — A MONSr DE SILLERY, CONSEILLER EN MON CONSEIL D' ESTAT ET MON AMBASSADEUR EN SUISSE.

VI owsrde Sillery, Après le long temps que les reh gimens de Berne, Glaris, et des Grisons ont Jf demeuré absens de leurs maisons et familles pour me faire service il a esté raisonnable de condescendre de ma part au désir qu'ils ont eu d'y retourner, comme leurs affaires domestiques le pouvoient requérir, afin d'éviter le préjudice que leur plus longue demeure par deçà y pouvoit apporter. A ceste cause je les ay licentiez ainsi qu'ils m'en ont requis, leur ayant faict donner toute la plus grande commodité comptant sur ce qui leur est deu que la nécessité de mes affaires et les grandes dépenses desquelles je suis encores chargé, pour résister aux injustes entreprises de mes ennemys? l'ont peu permettre; et du surplus faict passer bonnes et valables obligations avec intention de les faire acquiter le plus tost que mes moyens le pourront porter. Je suis très marry de ne leur avoir peu donner la satisfaction condigne à leurs mérites et services qui sont tels qu'il m'en demeure ung très grand contentement, ainsi que je l'escrys à leurs sieurs et supérieurs ausquels je désire que vous le confirmiez encores de ma part, avec asseurance que je feray pourveoirau paiement des obligations passées

aux Collonels et Cappitaines desclicts regimens Je plus tost qui sera possible; lesquels se sont rendus si recommandables en mon endroict que je serois déplaisant qu'ils fussent ce pendant molestez et en peine pour raison de ce qu'ils doivent à leurs soldats, qui est cause que je prie par mes lettres leurs dicts supérieurs de leur en vouloir moienner par leur auctorité la patience et relasche qu'il sera besoing, en attendant que je leur puisse donner moien de les satisfaire. En quoy je vous prie leur faire tous les bons offices que vous pourrez, comme en chose qui me touche et dont je tiendray la gratiffication faicte à moy mesme. Ceulx de quatre villes ont particulièrement désiré que je priasse oultre ce leurs dicts supérieurs de les vouloir accommoder de quelque somme d'argent; ce que je desirerois bien pour le soulagement desdicts Collonels et Cappitaines qu'ils voulussent faire; mais je n'ay pensé estre à propos de les en prier expressément craignant que cela ne fut receu d'eulx en la bonne part que je voudrois, mais j'en ay seulement touché parles lettres que je leur escry ce que vous verrez en leur faveur et recommandation pour ce regard, et seray bien aise si vous pensez qu'ils ne s'en tiennent offensés que vous aidiez en cela lesdicts Collonels et Cappitaines de ce que vous pourrez; remettant à vostre prudence et jugement de vous y conduire selon que sur les lieux vous congnoistrez mieulx en devoir user. Et pour fin de la présente je prie Dieu, Monsr de Sillery, vous avoir en sa saincte garde. Escrit à Chartres ce xie jour de janvier \ 593.

Henry.

Revol.

(Port. Godefroy, 262, pièce 35e.)

1593, 31 JANVIER. — A MONSr DE CILLERY, CONSEILLER EN MON CONSEIL D'ESTAÏ ET MON AMBASSADEUR EN SUISSE.

ons1* de Sillery, Tout ce qui s'est peu faire pour donner quelque satisfaction au Collonel Galaty est peu au prix de ce qui lu y est deu et du mérite qu'il adjouste à ses services passez par l'affection qu'il faict de plus en plus congnoistre avoir au bien de mes affaires; mais considéré le peu de moiens que j'ay et les grandes despenses lesquelles je suis chargé, je vous prie dire qu'il a esté traicté en cela autant favorablement qu'il a esté possible, luy ayant esté baillé huit mil escus pour son particulier et six cens escus pour son voiage, je suis bien en volonté de faire mieulx pour son contentement à mesure que la commodité m'en accroistra, affin qu'il puisse conserver son crédit que je m'asseure qu'il emploiera toujours pour l'avancement de mon service aux occasions qui s'en présenteront, ainsi que je sçay par vostre tesmoignage mesme, qu'il a vertueusement faict par le passé ; et pour ce qu'il craint estre tellement pressé de ses créanciers qu'il pourra tomber en peine avant que pouvoir estre secouru de deçà pour les appaiser, il m'a proposé et prié vouloir faire rechercher les S" de Zurich de me presser jusques a quinze ou vingt

mil escus pour l'en accommoder. Je scay bien que, leur estant débiteur d'ailleurs comme je suis, ils pourront trouver estrange si au lieu de les paier ceste nouvelle requeste leur est faicte de ma part. Toutesfois je désire tant le contentement et repos dudict Collonel que je n'ay voulu laisser de vous en escrire et vous prier que si vous voiez tant soit peu d'apparence de pouvoir honnestement et sans les rebuter de mon amitié faire cest essay, vous y emploiez toute l'industrie que vous pourrez; en offrant de leur passer obligation en mon nom, comme aussi je veuix que vous faciez s'ils vous veulent accorder ce prest, vous envoiant une lettre en vostre créance sur ce subject, affin de vous en servir, si vous vous résolvez a faire cest office, comme je le remets a vostre prudence; et si vous pouvez obtenir quelque somme d'eulx,vous la ferez délivrer audict Collonnel en déduction de ce que je lui dois, en m'asseurant que ce qui luy touche vous est tellement recommandé que vous ne vous espargnerezen rien de ce que vous congnostrez pouvoir faire p[our] luy. Je ne vous feray la présente plus longue que pour prier Dieu, lMonsr de Sillery, vous avoir en sa saincte garde. Escrit à Chartres le dernier jour de janvier 1 593.

Henry.

Reyol.

(Port. Godefroy, 262, pièce 36.)

1593, c26 FÉVRIER. == A NOZ CHERS ET BIEN AMEZ LES ESCHEVINS ET HABITANS DE NOSTRE VILLE DE MOU- LINS.

hees et bien amez, ayant ordonné a nostre cousin le duc de Nevers, gouverneur de nostre direction générale en Champaigne et Brye, de faire ramener au plus tost ez nostre dicte province de Champaigne les deux canons que nostre cousin le mareschal d'Àumont a cy devant laissé en nostre ville de Moulins, nous escrivons au sieur de Chazeron qu'il faut dellivrer ces deux canons a nostre dict cousin ou a ceulx qu'il enverra pour les recepvoir en vous rendant les recepissez des deux dicts canons que le dict sieur de Chazeron et vous aurez donné a nostre dict cousin le mareschal d'Aumont, de quoy nous vous avons bien voullu advertir affïnque de vostre part vous n'y faciez aulcune difficulté. Car tel est nostre plaisir et le bien de nostre service le requiert. Donné a Tours le xxvi* jour de febvrier 1593.

Henry.

Potier.

(* Fonds Béthune, ms. 9113, fol. 23.)

XLIY

1593, 23 MARS.— A MONSr DE SïLLERY, CONSEILLER EN MON CONSEIL D'ESTAT ET MON AMBASSADEUR EN SUYSSE.

onsf de Sillery, je suis après pour faire fonds pour une levée des Souisses, de laquelle je désire que le collonnel Galati ait la conduicte , comme personnage de la suffisance, valleur et fidélité duquel j'ay parfaicte confiance. Pour le regard des cappitaines de la dicte levée je me remetz a ce que vous et ledict collonnel en adviserez par ensemble. Et n'estant la présente a aultre fin, je prie Dieu, monsr. de Sillery , vous avoir en sa saincte garde. Escript a Tours ce xxme jour de mars 1593.

Hejxry.

FORGET

(Port. Godefroy, n° 462, pièce 40.)

1593, 23 MARS. — A MONSIEUR DE SILLERY, CONSEILLER EN MON CONSEIL D'ESTAT ET MON AMBASSADEUR EN SUYSSE.

ons1* de Sillery, sur les sept mil escuz ordonnez pour le régiment du collonnel Galaty, composé de quatorze compaignies, j'entendz que le cappitaine Studer en touche douze cens, et le cappitaine Hessy mil, dont les quatre cens luy seront seullement rabbatus sur ce qui luy est deu, et des six cens de reste je luy en faict don, pour le recompenser et reconnoistre de la perte qu'il a soufferte, à cause de l'inconvénient que luy est advenu pour mon service avec le cappitaine Fieuller. Je veulx aussy que la part qui debvoit venir aux cappitaines Zanner et Kessel et Fieuller soit baillée au dict cappitaine Studer, attendu qu'ilz sont du party de mes ennemys et ont porté les armes contre moy depuis leur licentiement. Vous me ferez service bien agréable d'y tenir la main ; car je désire gratiffier en tout ce qui deppendra de moy ledict Studer et Hessy pour leur donner moyen de continuer toujours en la bonne affection que j'ay reconnu qu'ilz ont au bien de mes affaires. Sur ce je prie Dieu, Monsr de Sillery vous avoir en sa saincte garde. Escript à Tours le xxme jour de mars 1593.

Henry.

FoRGET.

(Port. Godefroy, n<>262, pièce 39.)

1593, MAI. —MEMOIRE AU Sr DU MAURIER1 DESPESCHE PAR LE ROY VERS LA REYNE D'ANGLETERRE ET LE Sr DE LOMENYE SON AMBASSADEUR PRES D'ELLE.

omme l'intention de Sa Majesté a toujours esté de n'entreprendre aucune chose qui luy importast, sans en avoir le prudent advis et conseil de la dicte dame , pour s'estre toujours monstrée l'aymer et avoir soing de sa conservation, aussy ne veult il en ce qui se passe maintenant faire aucune chose sans l'en tenir advertye, de peur que ses ennemys qui ne manquent d'artiffices pour tascher de le desunir d'avec elle et ceulx qui Fay ment, ne facent semer quelque bruict de luy a son préjudice et de Funyon et correspondance qui doibt estre entre eulx.

Pour ce, ledict Du Maurier représentera à la dicte Dame comme le dict seigneur Roy se voyant de plus en plus oppressé par ses ennemys, soustenuz des moyens du roy d'Espaigne et de ceulx du Pape qui n'espar-

1. Benjamin Aubery, seigneur du Maurier, zélé protestant , ambassadeur en Hollande en 1613, mort en 1636, avoit commencé par servir le duc de Bouillon. Henri IV l'employa, en 1606 , aux négociations relatives à sa soumission et à la reddition de Sedan. Ancillon affirme qu'il négocia diverses affaires avec la reine Elisabeth; les auteurs de la France protestante le nient , mais la pièce suivante nous semble le constater parfaitement, en faisant cette fois plus d'honneur à la finesse qu'à la franchise de Henri IV.

gnent aucune chose pour advancer sa ruyne, bastissant sur icelle le fondement de leurs espérances, et voyans ses amys et confederez se refroidyr quelque peu a cause de la longueur des guerres; aussy que Sa Majesté veoyoyt naistre parmy quelques ungs de son party, nommément des gens d'Eglise (à luy mal affectionnez a cause de la Religion de laquelle il faict profession , ) quelque mauvaise vollonté, et que tacitement ilz sembloyent approuver l'eslection que ses en»emys prétendent faire d'ung Roy Catholique en l'assemblée estant en la ville de Soissons ; auroy t esté constrainct de renoncer le traicté cy devant commencé à Rome , duquel la dicte Dame auroyt esté advertye par son ambassadeur et voulloyt entendre a se faire instruyre en la Religion Catholique. Mesmement parceque le Grand Duc de Toscane, la Seigneurie de Venise et autres Princes, ses alyez et amys, l'auroyent adverty que, s'il ne se faisoyt catholique, il leur estoit du tout impossible de lui envoyer ayder, comme ilz en avoyent bonne envye , ce qui auroyt esté cause qu'il auroyt pryé Monsieur le Cardinal de Gondy d'entreprendre le voyage vers le Pape; et poursuyvant sa délibération la invyté afin d'en conférer avec luy, qu'il F auroyt ces jours passez veu a Nojant sur Seyne ou il prenoyt par la son chemyn; auquel il auroyt faict entendre quelle estoyt sur cella son intention et Fenvye qu'il avoyt d'apporter tout ce qui despendroyt de luy pour mectre fin a ces misérables guerres et le désir qu'il avoyt d'estre instruict en la Religion Catholique,

Et le lendemain pour luy confirmer ceste mesme resolution et d'adviser des voyes les plus douces sur

ce mesmes que Sa Majesté luy auroyt proposé que tout d'ung coup il ne ne pouvoit si tost changer de Relligion, veu qu'en celle de laquelle il faict profession il avoit esté nourry dès sa jeunesse, il auroyt envoyé pour traicter avec ledict Sr Cardinal les Srs duc de Buillon, marquis de Pizany, Schomberget Revol, qui, après plusieurs propoz, se voyant tombez d'accord que le dit Sr Cardinal proposeroyt comme de luy mesme au Pape, sans faire semblant d'en avoir charge de Sa Majesté, qu'il estoyt asseuré que le Roy entendroyt a se faire instruire en la Relligion Catholique, pourveu que l'on luy en donnast le temps et que par la voye de la force on ne s'efforçast d'obtenir sur luy ce qui se pourroyt gaigner avec le temps et la raison ; ce qui auroyt esté trouvé bon par ledict Cardinal qui se seroyt chargé de le luy faire entendre et supplier comme pere commun de voulloir ambrasser cest affaire duquel il seroit l'âme,.... pere et pape qu'en grande louange et gloire, qu'en pere de catholicque instruict.

Cependant ladicte Dame sera advertye que l'intention dudict Sgr Roy est de ne se départir de la religion de laquelle il a tousjours faict comme il faict encores profession et que pour faire traisner ceste negotiation en longueur ledict Sr Cardinal seroyt du Sr marquis de Pizany, lequel de la part de la Noblesse de ce Roiaulme doibt supplier respectueusement le Pere commun de trouver bon que ledict Sgr Roy fust... plus qu'il luy sera possible. Il a pensé que la voye de laquelle il se voulloyt servir estoyt la plus propre, pour cependant adviser et pourvoyr à sa conservation ; à quoy il suppliera ladicte Dame de luy donner son advis, s'asseurant qu'elle ne le luy refusera et ne luy vou-

droit aussy conseiller de changer de religion ny de rien faire contre sa conscience.

Ledict Sgr Roy est donc résolu, suyvant ce qu'il a propozé audict Sr Cardinal de Gondy, d'assembler près de luy les Prelatz de son Roiaulme qu'il cognoist les moins passionnez et les plus affectionnez à son service et au bien de son Estât, leur faire entendre que sa resolution est de se faire instruire en la religion catholicque, s'asseurant que par belles promesses, parolles ou aultrement faire traisner cest affaire en telle longueur qu'elle voudra, leur faisant bon visage ou leur faisant des dons, de sorte qu'encor qu'ils advancent peu en leur desseing, neantmoings ils contenteront les Princes estrangers, les ecclesiasticques et le peuple (a l'oreille desquelz ce bruict arrivera) de l'espérance qu'ils concevront de la réduction de Sa Majesté, qui cependant fera en ce temps là trouver près d'Elle les plus scavantz ministres de son Roiaulme, pour aux difficultez qui se présenteront les faire conférer amiablement ensemble et par telle conférence et avec le temps de pouvoyr gaigner quelque chose sur les ungs et les aultres et ramener par la douceur les espritz desvoyez a cause des guerres.

Ce que le dict Du Maurier sçaura très bien représenter à la dicte Dame et l'asseurer de la part de Sa Majesté que non seullement en cest affaire qui luy est de telle importance, mais en quelque autre qui se puisse offrir pour le bien de son service il ne fera aucune chose, sans en avoyr le prudent advis et conseil de ladicte dame, lequel il a toujours esprouvé très bon et salutaire pour luy et son Estât, la priant de la part de sadicte Majesté de ne le luy refuzer en chose si im~

portante et de tenir cest affaire segrettement , sans le communicquer a pas ung de ceulx de son conseil, de peur que ses ennemys en ayent advis et que cella estant sceu il prejudiciast au bien de son service qu'il scayt ladicte Dame n'affectionner pas moings que le sien propre.

(Dupuy (copie), 152, fo 110. r«>.)