XLVI
1593, 9 MAI. — A MESSIEURS LES DEPPTJTEZ POUR LA CONFERENCE QUI SE FAICT DE PRESENT A SURESNÈS, CONSEILLERS EN MON CONSEIL D'ESTAT.
| ests, j'ay sceu par vostre dernière lettre qui S) m'a esté rendue par ce porteur, ce qui a esté |Jf traicté en vostre dernière conférence avec les depputez de l'assemblée de Paris et le dellay qu'ilz ont prins jusques a demain d'entrer plus avant en affaires; ce qu'ilz ne doibvent différer davantage; et vous prie les presser de vacquer sans intermission a ladicte conférence et tenir la main qu'il ne s'y perde une seulle heure de temps, affin de veoir promptement ce qui se peult espérer de fruict et utillité de ceste negotiation dont vous pourrez faire jugement par leur retour et les ouverturtures (sic) qu'ilz feront de leur part, dont vous me donnerez incontinent advis, sui-
vant lequel je pourvoiray au gênerai de mes affaires et me resouldray de partir de ce lieu ou y sesjourner d'avantage. Mandez moy aussi ce que vous aurez aprins du retour du duc de Mayenne à Paris et ce qui se passe de delà important mon service. Et sur ce, je prie Dieu qu'il vous ayt, Messieurs, en sa saincte et digne garde. Escrit à Mantes le ixe jour de may 1 593.
Henry.
Potier.
J'ay présentement receu la vostre que m'a rendue le Sr de Chattes. Je vous envoyé les depesches nécessaires pour la prolongation de la surcéance pendant aultres dix jours.
(Port. Godefroy , 262, pièce 41.) A cette intéressante lettre, nous croyons pouvoir ajouter la déclaration suivante :
| ous Princes, Officiers de la Couronne et aul- » très seigneurs du Conseil du Roy, soubznommez, voulans oster à ceulx delà Religion dicte Reformée toute occasion de doubter que au traicté qui se faict entre les depputez des Princes, officiers de la Couronne et aultres seigneurs catholiques recongnoissans Sa Majesté et par sa promission et les depputez de l'assemblée de Paris accordé auîcune chose au préjudice de ceulx de ladicte Religion et de ce qui leur avoit esté accordé par les Eedicts des feus Roys, attendant les resolutions qui pourraient estre prinses pour Testablissement et entretenement du repos de ce Royaume, avec l'advis des Princes, Seigneurs
et aultres notables personnages tant d'une que d'aultre religion que Sa Majesté a advisé de faire venir et assembler près d'elle en ceste ville de Mante au xve de juillet prochain; promectons par la permission de Sa Majesté que, en attendant les dictes resolutions, il ne sera rien faict ny passé dans ladicte assemblée de par lesdictz depputez de nostre part au préjudice de la bonne unyon et amityé qui est entre les Catholiques qui recongnoissent Sa Majesté et ceulx de ladicte Religion ny desdictz Eedictz, ne ferons rien ny donnerons conseil, consentement ou adveu au contraire de ladicte unyon d'iceulx eedictz. Promectant aussi d'advertir lesdicts Srs depputez estans à Suresne de nostre présente resolution et promesse par nous faicte, comme jugée nécessaire pour éviter toute altération entre les bons subjectz de Sa Majesté, affin que de leur part ilz ayent à s'y conformer. En tesmoing de quoy nous avons signé la présente, à Mante le xvie jour de may 1 593.
François Orléans.
Chavanes. Charles de Montmorancy. Rogier de Bellegarde. Haumont. François d'O. FrançoysChales. Caspar de Schonbeeg.
(Fonds Dupuy (copie), 522, f° 294, r°.)
1593, 29 MAY. — CONTINUATION DE SURCÉANCE D'HOSTILITE.
e Roy désirant que la conférence qui se faict a Suresne se termine avec la mesme seureté qu'elle a esté commencée et poursuyvye jusques a présent, Sa Majesté, outre les prolongations cy devant accordées, veult et entend que jusques a vendredy prochain inclusivement il ne se faixe aucun acte d'hostilité en l'ectendue des lieux limitez par les deppetez de part et d'autre pour ladicte conférence ; ainsy qu'il a esté observé et s'observe encores a présent; et enjoinct très expressément a tous ses justiciers, officiers et subjects de tenir exactement la main a l'exécution de la présente ordonnance, pourveu que de la part de ses ennemys le semblable soit promis et gardé. Faict à Mante le xxixe jour de may 1 593.
Henry.
Potier.
(Port. Godefroy,262, pièce 42.)
1593, 13 JUIN. — A MESSIEURS DE MON CONSEIL DÉPUTEZ POUR LA CONFERENCE.
Essrs Pour response a voz lettres, la plainte p> de ceux de la Ligue sur mon entreprise de 4 ce siège me confirme toujours davantage en ma resolution et me faict juger que c'est le bien de mes affaires et leur dommage, car je ne tiens un seul de la Ligue pour si homme de bien que je doive conduire mes actions par son conseil ny reigler mes deportemens par son advis. Vous ne laisserez donques pas de traicter en vostre conférence selon la charge que je vous en ay donnée, et maintenir tousjours la juste occasion que j'ay eue de ne laisser pas mon armée inutille, cependant que le duc de Lorraine et le comte Charles font tous leurs effortz et le pis qu'ilz peuvent contre les places de mon obéissance. Je suis logé en deux endroictz sur la contrescarpe et ceste nuit je seray en quatre, si Dieuplaist, et prendray demain un bastion, en espérance d'estre maistre de la ville dans quatre ou cinq jours. Si le duc de Mayenne me présente la bataille pour m'en empescher, comme il en faict courir le bruict, il sera si bien receu que Dieu m'en donnera aussy heureuse victoire qu'il fit à Ivry. Quant a la revocation de mes passe-
portz, je vous envoyé ma déclaration la dessus en plaçait et en envoyé présentement une patente au Sr de Cheverny, mon chancellier, pour la sceller et la vous faire tenir incontinent, afin qu'elle donne a vous et aux députez de la Ligue plus d'asseurance de ma bonne et syncere volonté. Et pour fin de lettre, je prie Dieu qu'il vous ayt, MessrS? en sa saincte et digne garde. Escrit au Camp devant Dreux le xme jour de juing 1 593.
Henry.
Ruzé.
| EssrS Je vous envoyé le Sr Desmery bien instruitct tant de ce qui est de mon intention sur le subject de son voyage que de ce qui s'est passé icy en la réduction de ma ville de Dreux en mon obéissance ; et me remettant sur sa suffisance de tout ce que je vous en pourrois escrire, je prieray Dieu qu'il vous ayt? Messrs, en sa saincte et digne garde. Escrit au camp de Dreux le xxe jour de juing
Henry.
Ruzk,
Essrs J'ai receu avecques voz lettres la dernière proposition faicte par les Espagnols et le cardinal de Plaisance, ensemble celles que vous escrittes et envoyées au Sr de Lyon , que j'ay trouvé très bonnes et fort a propos pour mon service, mesmes en la saison qu'elles ont esté receues à Paris Dieu veuille esclaircir les yeux a ceux qui sont si troublez d'ambition qu'ilz ne congnoissent pas leur salut d'avecques leur ruine et le gratieux commandement d'un vray François leur Roy légitime d'avecques la tyrannie de l'Espagnol estranger. J'attens en bonne dévotion quelle response ilz vous auront faicte dans cejourd'buy, pour y prendre ma dernière resolution. Cependant je ne pers point de temps en mon entre- prise, ayant osté la communication du tout du chasteau de ceste ville avecques la grosse tour des Vignes; pris toutes les tours qui sont entre deux et faict de si bons corps de garde qu'ilz sont du tout séparez les uns des autres; avecques bonne espérance d'en avoir bien tost aussy bonne yssue que jel'ay eue de la ville; et sur ce je prie Dieu qu'il vous ayt, Mess", en sa
saincte et digne garde. Escrit au camp de Dreux, le xvne jour de juing 1 593.
Henry.
Ruzé.
LU
Essrs J'ay veu avec vostre lettre le double de celle que vous avez escripte au Sr de Belin, que j'ay trouvée fort a propos pour mon service, ensemble la prolongation de la surcéance d'armes jusques a dimanche prochain; de quoy j'attenderay des nouvelles en bonne dévotion ; et pour ce que ceulx qui essayent d'empescher la jouissance du bien pour lequel vous travaillez pourront faire courir le bruict que j'auray aujourd'huy esté tué, affin de refroidir par ce moyen le courage de ceulx qui tendent a une si bonne fin je vous ay bien voulu asseurer du contraire par la présente et vous dire que grâces a Dieu je n'ay pas esté seulement blessé, mais bien mon cousin le duc de Montpensier, toutefois d'une blessure si favorable qu'il n'en aura que le mal, n'en sera pas seulement estropié n'y difforme, et pourra monter a cheval dans dix jours pour se trouver a la bataille, si les ennemys veullent entreprendre de me combattre, c'est la pure vérité avec laquelle vous
pourrez vous opposer aux faulx bruictz que les meschans pourroient faire courir au contraire, comme ilz ont accoustumé en toutes leurs actions d'user d'artiffices et cautelles. Cependant je ne perdz point de temps en mon entreprise, de laquelle j 'espère l'entière exécution dans le temps que vous avez accordé pour la prolongation, de quoy je vous donneray advis, comme de vostre costé vous m'advertirez incontinant de ce que vous avez faict. Pryant sur ce Nostre Seigneur qu'il vous ait, Messrs, en sa saincte et digne garde. Escript au camp de Dreux le xxixe jour de juing 1 593.
Henry.
Ruzé.
