FÉVRIER. — AU PARLEMENT DE TOURS

ez amez et féaulx, sur la recongnoissance en laquelle les habitans de nos villes d'Orléans et de Bourges sont entrez avec le Sr de la Chastre de la fidélité et obéissance qu'ils nous doivent et la protestation qu'ils nous ont envoyé faire par leurs députez de la nous vouloir cy après rendre comme bons et loyautx subjectz, nous les avons aimablement recueillis et embrasses et avons voulu non seulement leur oster toute appréhension de ressentiment des choses passées, mais encore user envers eulx de spéciale gratisfications pour d'autant plus les asseurer de nostre bonne grâce et confirmer en la bonne et louable resolution qu'ils ont prinse ainsi que verrez par nos lettres patentes en forme d'edit qu'avons sur ce faict expédier, lesquelles nous avons fait advisé de vous envoier par ce porteur exprès l'ung de nos huissiers de chambre pour être veriffiees et interinees en notre court de parlement et d'autant que s'il y intervenoit difficulté ou longueur, cela pourroit apporter quelque altération de leurs bonnes volontés qui seroit non seulement de dangereuse conséquence , mais aussi de mauvais exemple pour les autres villes qui peuvent avoir semblable inclination, a ceste cause,

nous vous mandons et très expressément ordonnons que vous aiez a procéder incontinent et avant tout autres affaires a la dite vérification d'icelles noz lettres patentes purement et simplement et sans aucune restrinction ne modification a ce que estant plustost rapportées en icelles villes avec ladite expédition, toutes choses y puissent estre ordonnées et establies ainsi qu'il appartient pour le bien de nostre service dont le principal fondement dépend de l'assurance que par ce moyen ils espèrent et attendent de nostre part, ainsi que nos amez et feaulx presidens et conseillers de nostre dite court vos déléguez vers nous l'ont particulièrement entendu , auquelz nous avons ordonné vous escrire les justes occasions et le besoing d'acceîerer cest affaire ensemble nostre intention pour ce regard selon la déclaration que leur en avons faicte.

Donné a Chartres le xxve jour de février 1 594.

Henry.

Revol.

* (Archives de l'Empire, section judiciaire X, 10144, f° 114, original.)

1594, 7 AVRIL. — A NOZ CHERS ET RIEN AMEZ LES ESCHEVINS, M AN ANS1 ET HARITANS DE NOSTRE VILLE DE RENNES.

ers et bien amez, Nous resentons de jour a autre par nouveaulx effectz de la bonté et grâce de Dieu le soing quil luy plaist avoir de la restauration de cest Estât; la réduction journalière des principalles villes dicelluy en nostre obéissance le tesmoigne assez. Et dhabondant la déclaration faicte par les habitans de noz villes de Troyes et Auxerre depuis troys jours dont nous avons presantement esté advertîz et de leur ferme resolution à nous servir et obéir doresnavant, de quoy nous avons aussy tost rendu grâces publicques à Dieu, comme nous asseurons que vous ferez de vostre part quant vous aurez receu la présente, vous ayant par icelle voulu faire part de ceste bonne nouvelle en espérance qu'elle servira a confirmer nos bons subiectz en leur debvoir, et pour y ramener ceulx qui en sont encores. esloingnez. Donné à Paris le septiesme jour d'Avril mil vc mi" quatorze.

Henry.

Potier.

(* Archives municipales de Rennes.)

1. On nommoit ainsi jadis les individus qui avoient un manoir; manantiso équivalent à propriété rurale. Voy. sur l'étymologie de ce mot les charmantes éludes de M. Quitard sur le langage proverbial, p. 32.

1 594, 1 0 AVRIL. — A MONSIEUR DE SILLERY, CONSEILLER EN CONSEIL D'ESTAT ET MON AMBASSADEUR EN SUISSE.

ons1" de Sillery, D'autant que j'ay mandé a mon service le docteur Albery, professeur de philosophie en l'Académie de Lausanne, j'en ay bien voulu advertir les Srs de Berne, mes bons amys et confederez, ausquelz vous rendrez celle que je leur en escritz a ceste fin et les prierez de licentier ledict Albery, et luy donner son congé et qu'il soit libre pour me venir servir près de ma personne. A tant je prie Dieu, Monsr de Sillery, vous avoir en sa saincte garde. Escript a Paris le xe jour d'avril 1594.

Henry,

Revol.

(Port. Godefroy, 262, pièce 61.)