FIN AVRIL. — CIRCULAIRE
Lettres du roy Henry IV prenant soubz sa protection la ville et citadelle de Cambray, Duché et Comté de Cambresis, et autres lieux de l'Artois et de Hainault, dont le sr de Ballagny estoit jouissant.
Promet faire paier par chacun an audit Sr de Ballagny la somme de lxxm livres pour l'entretenement des gens de guerre de la garnison de Cambray.
Ceux de Cambrai et du Cambresis venans à demeurer en France n'auront besoing de prendre les lettres de naturalité , ains jouyront des mesmes droiz et privilleges que les naturelz.
La traite des bledz, vins, etc.... accordée à ceulx de Cambrai et du Cambresis soubz certaines conditions. A St-Germain en Laye, en avril 4 594.
enry, par la grâce de Dieu Roy de France et % de Navarre, a tous presens et avenir, salut. Comme en tout temps les Cambreziens ayent eu une naturelle inclination envers la nation Françoise , laquelle ilz ont assez manifestée à toutes occasions qui se sont offertes ; comme aussy les deffunctz Roys, noz prédécesseurs de glorieuse mémoire, les ayent eus en singulière recommandation, les ont tousjours honnorez d'infinies gratiffications, de leurs bonnes grâces et toutesfois n'ont jamais sceu tant gangner sur les volontez de ses peuples qu'ilz les ayent peu induire à donner d'eulx plus avantageux
gaige de leur amitié que la continuation d'icelle ; ausquelz termes ilz ont continué de vivre et se maintenir jusques au temps que nostre cher et bien amé Jean de Montluc, chevalier de nostre ordre, Sr de Balagny, à présent commandant dans la citadelle, ville de Cambray et pais de Cambresis, par sa vertu et conduite a faict voir en icelle ville et païs les enseignes françoises au plus fort du siège que les Espagnolz, leurs ennemis et les nostres, tenoient devant ladicte ville, passant au travers de leur camp pour y entrer ; en laquelle ville dès ce temps et depuis par sa prudence, dextérité et douceur de son gouvernement, il a sy bien sceu gaigner le coeur des habitans de tous estatz et ordre , que ladicte ville préservée des injustes armes et si rudes ennemis, par l'effort des siennes, eux aveq luy, et luy avec eux conjoinctement uniront sy constemment persévéré en leurs bonnes affections envers cette Couronne qu'ilz se sont dignement acquis le mérite d'en estre protégés et deffendus à rencontre de qui que ce soyt. Ce que ayant tousjours désiré favorablement recognoistre en leurs endroictz leur aurions plusieurs fois présenté et faict offrir nostre protection et des Roys noz successeurs en la Couronne de France ; laquelle enfin ilz auroient volontairement receue et acceptée pour en icelle vivre et se maintenir à perpétuité. Pour ces causes et aultres bonnes et grandes consideratious à ce nous mouvans et aprez avoir pris l'advis d'aucuns Princes estans prez nostre personne et autres seigneurs de nostre Conseil, Nous avons dict et déclaré et par cestuy nostre edit perpétuel et irrévocable, disons et déclarons que Nous avons pris, mis et receu, prenons, metons et recevons en nostre pro-
j24 LETTRES INÉDITES
tection et de nos successeurs Roy s et Couronne de France dès maintenant et à perpétuité ladicte ville et citadelle de Cambray, pays, duché et comté de Cambresis, ordres, membres, estatz et habitans d'icelle ville et pais et autres lieux et villages de l'Àrthois et Haynault dont ledit Sieur de Balagny jouist selon le texte de la trefve d'entre ledit pais de Cambresis et les Pais bas en leurs privilleges, franchises et immunités anciennes ensemble et conjoinctement lesdictz Sr et Dame de Ballagny, leurs enfans et successeurs avec mesmes auctorités, pouvoirs, charges, commandemens, droictz, biens et commoditez generalles et particulières qu'ilz jouissent et y ont de présent et telz aultres tiltres d'honneur, quallitez, prérogatives, commandemens et possessions que a eux, leurs enfans et successeurs leur seront ou pourront estre cy aprez conceddez, donnez et attribues par les Estatz, Ordres, membres et peuples desdicte ville et pais. Lesquelz sieur et Dame de Ballagny, enfans et successeurs, Estatz, ordres, membres, peuple desd . ville et pais, Nous jurons et promettons, en foy et parolle de Roy, maintenir et conserver de tous noz pouvoir et moiens soubs nostre dite protection et de nosdictz successeurs et Couronne de France a perpétuité en tous leursdictz biens, dignités, honneurs et prérogatives susdictes, franchises et biens quelconques, et les garder et deffendre de toutes injures, oppressions et actes d'hostilité envers tous et contre tous, sans nulz excepter. Et pour cet effet avons promis et promettons pour nous et nozdictz successeurs Roys faire paier et dellivrer audict Sr de Balagny la somme de soixante dix mil escus par chacun an et par avance de quartier en quartier pour Fentretenement des gens
de guerre, tant de cheval que de pied de la garnison de la citadelle et ville de Cambray tant seullement au nombre qui y est de présent , selon les monstres et les rooles qui en seront expédiés par les commissaires de noz guerres que pour ce faire nous commetons et de luy en faire bailler bonne, seure et vallable assignation à son eontantement. Et advenant que ladicte citadelle, ville de Cambray et pays de Cambresis fussent assaillis, ou lesdictz de Ballagny sa femme, enfans, successeurs, membres, ordres et estatz de Cambray et Cambresis troublez et inquiétez audict estât et pays par qui que ce soit, Nous promettons, tant pour nous que pour nosdictz successeurs Roys, de les secourir en corps ou autrement, ainsy qu'il en sera besoin , tout ainsy que s'ilz estoient nos propres et naturels sujetz, mesmes d'augmenter et entretenir la garnison de ladicte citadelle et ville de plus grand nombre de gens de guerre qu'il n'y a de présent, s'il y eschet et en est besoin. Promettons aussy que noz ambassadeurs et ceux de noz successeurs Roys et autres noz ministres, tant en la Cour de Rome, celle de l'Empereur que autres Princes et Roys de la Chrestienté soutiendront, protégeront de nostre part les personnes, affaires et causes desdictz Sr et Dame de Balagny, de leursdictz enfans et successeurs, ensemble les membres , ordres, estatz et habitans de ladicte ville de Cambray et pays de Cambresis, comme celle des propres sujets de nostre Couronne de France; que toutes personnes de quelque estât et condition qu'elles soient nées et à naistre ausd. ville et pays pouront venir habiter et demeurer en tous lieux et endroits de nostre Royaume et jouir des mesmes droicts et privilleges que jouissent les naturels origi-
naires d'icelluy, sans qu'ilz soient tenus prendre lettres de naturalité ny paier aucune indemnité ; qu'il ne se pourra faire aucun traicté ny accord par Nous ny nosdictz successeurs aveq quelque Prince ou Estât que ce soyt pour la redition dudit Cambray ny au préjudice de la présente protection ny des droiz, qualités, tiltres, biens presens et avenir et privilieges aveq lesquelz lesdictz Sr et Dame de Balagny, enfans et successeurs et lesd. villes, membres, ordres et estatz de Cambray entreront et sont receus en nostredicte protection. Et generallement promettons de ne rien obmettre pour le secours, seureté, deffense et conservation desdictz Sr et Dame de Ballagny , leurs enfans et successeurs , membres, ordres et estatz dudict Cambray et Cambresis ; et d'employer tout ce qui sera en nostre puissance pour l'entretenement de ladicte protection. Et toutes aultres cboses gratiffier lesdictz Sr et Dame de Balagny, manans, habitans et communeauté de ladicte ville de Cambray et pays de Cambresis et leur faire ressentir les effectz favorables de nostre protection, et pour autres bonnes considérations à ce nous mouvans, leur avons permis et accordé et octroyé, permetons, octroyons et accordons par ces présentes signées de nostre main, voulions et nous plaist qu'ilz puissent et leur soyt loysible pendant les guerres qui sont en ce Royaume ou es Pais bas, enlever, faire sortir et tirer hors edit Royaume , soyt des villes de nostre obéissance ou rebelles par telz endroictz d'iceluy et par telles personnes que bon semblera la quantité de mil muidz de bled, mesure de Paris, par chacun an, pour mener audict Cambray et pais de Cambresis, franchement et quictement de toutes impositions et droictz
quelconques tant anciens que nouveaux imposez ou à imposer ; et pareillement durant cinq années après lesdictes guerres finies et paix faicte en ce Royaulme ou aveq le Roy d'Espaigne. Lesquelles cinq années expirées ladicte traicte sera modérée et réduite à la quantité de cinq cens muidz , mesure susdicte, ainsy franchement et quitement dessus ; leur estant neanmoings loysible et leur avons permis et permettons en tirer plus grand nombre, outre l'une ou l'autre quantité susdicte. en payant les droictz, comme nos vrays et naturels sujetz. Semblablement Nous leur avons aussy permis, accordé et octroyé, promettons, accordons et octroions pareille traicte franche de quatre mil pièces de vin par chacun an durant lesdictes guerres , qu'ilz pouront aussy tirer et enlever de nostre dit Royaume, pais et villes de nostre obéissance ou rebelles et par telz endroictz et personnes que bon leur semblera , franchement et quictement de tous droictz anciens et nouveaux, comme dessus et en temps de paix, jusques à la quantité de quatre mil tonneaux, faisant seize mil pièces par chacun an , franchement et quictement de tous droictz et impositions, selon qui leur avoyt esté accordé par le feu Roy dernier deceddé , que Dieu absolve I sauf et réservé pour les thoillettes manufactures dudict Cambray et pays de Cambresis, lesquelles Nous leur avons depuis permis et permettons de faire vendre et débiter dans nostredict Royaume et transporter hors d'icelluy ou bon leur semblera, franchement et quictement de tous droictz quelzconques, anciens et nouveaux, imposez ou à imposer, ainsy qu'il est dict cy dessus ; et pour le regard de toutes autres sortes de marchandises jouiront de
semblable exemption de tous drois, tant anciens que nouveaux, tant à l'entrée que sortie du Royaume, soyt paix ou guerre, jusques à la concurrance de dix mil escus par chacun an pour lesdictz droictz , suivant le reiglement qui en sera faict par advis commun, pour obvier à tous abus du payement; de tous lesquelz droictz pour les choses susdictes Nous les avons exemptez, quittez, deschargez, exemptons, quitons et déchargeons,, et voulons qu'ilz soient tenus quictez, déchargez et exemptez partout ou il appartiendra, deffendans comme nous deffendons très expressément à tous nos officiers, fermiers ou commis à la recepte desdictz droictz leur en demander aucune chose en quelque sorte et fasson que ce soit. Lesquelz Nous voulons aussy en estre respectivement deschargez et iceux rabattus de leurs fermes et receptes partout ou besoin sera ; en rapportant seullement Vidimus ou extraict de ces présentes deuement collationné, et certifïication de ceux qui feront lesdictes voictures de la jouissance de noz présente grâce et exemption, et à la charge que les voicturiers conduisans lesditz bledz, vins, danrées et autres marchandises, seront tenus les consigner en bureaux establis pour la perception de noz droictz pour y estre tenu registre de la quantité et qualité d'icelles, et de raporter certiffication duditSrde Balagny, et des prevost et eschevins d'icelle ville de Cambray comme ilz luy auront menez et conduictz audict Cambray, à ce qu'il n'y soyt commis abus ou excez ; le tout à peine de confiscation en cause de contravention. Moyennant lesquelles choses susdictes, ledit Sr de Ballagny, ensemble lesditz ordres , estatz et membres de Cambray et pays de Cambrésis, tant pour eulx que
DE HENRY IV. 129 leurs successeurs accepteront et reconnoistrorit Nous et noz successeurs Roys de France pour leurs protecteurs; leur promettront et jureront foy , loyauté et service envers tous et contre tous pour demeurer perpétuellement joinctz et unis soubz ledict nom de protection aveq la Couronne de France, sans jamais s'en départir ny faire aucun traité ny autre acte au préjudice dHcelle, ains ayder et procurer de leur pouvoir le bien et advancement des affaires des Roys et du Royaume, et de ce bailler promesses auctentiques sous leurs seings etscelz, et en feront déclaration et profession ouverte dans vingt jours après l'expédition de ces dictes présentes. Si donnons en mandement à noz amez et féaux conseillers les gens tenants noz Cours de Parlemens, Chambres de noz Comptes, Cour des Àydes, Trésoriers de France, et tous autres noz justiciers et officiers qu'il apartiendra que ces présentes ilz facent lire, publier et enregistrer, et le contenu en icelles garder, observer et entretenir inviolablement ores et à Fadvenir à tousjours, sans aller ny venir directement ny indirectement au contraire. Mandons en outre à tous noz lieutenans généraux, gouverneurs de noz provinces, marescbaux de France, collonelz conducteurs de noz gens de guerre, Maistres de ponts , ports et passages et à tous autres qu'il appartiendra que ces présentes ilz observent et entretiennent, facent observer et entretenir chacun en droit soy, et sy comme à luy appartiendra selon leur forme et teneur, sans y contrevenir ne souffrir estre contrevenu en aucune manière, car tel est nostre plaisir, nonobstant toutes ordonnances sur le faict des traictes, mandemens, deffences et lettres à ce contraires, ausquelles
pour ce regard seullement et sans tirer à conséquence, Nous avons dérogé et dérogeons par cesdictes présentes, ausquelles affin que ce soyt chose ferme et stable, Nous avons faict mettre et apposer nostre scel, sauf en autre chose nostre droit et l'autruy en toutes. Donné à Saint Germain en Laye du moys d'avril l'an de grâce 1 594 et de nostre règne le cinquième.
Henry.
(Fonds Dupuy, 157, F» 68.)
4 594, 9 MAI. — A MONSIEUR DE SILLERY, CONSEILLER EN MON CONSEIL D'ESTAT ET MON AMBASSADEUR EN SUISSE.
onsf de Sillery, Je ne vous diray de combien mauvaise conséquence je juge le traicté que l'on poursuit euvers ceulx de Genève ny avec quel déplaisir je l'ay entendu, dont les raisons vous sont tellement congneues qu'il n'est besoing vous en faire particulière déduction, lesquelles ne regardent seulement ceulx de Genève et mon service, mais aussy ceux lesquels les ennemys feront servir en leur desseing; toutesfois comme ils sont offusquez par artifices et vaine espérance d'une paix et repos asseuré, ne voyans pas que au contraire cest pour les plonger
avec les troupes en une ruyne inévitable, qui leur faict moins considérer la faulte et préjudice qu'ils font à mondict service, j'ay advisé de leur en escrire bien expressément pour leur faire congnoistre combien je le ressents, et seroit la continuation de ceste poursuite contraire à ce qu'il me semble pouvoir par raison attendre du devoir de l'alliance qu'ils ont avec ceste couronne et de l'amitié dont elle a toujours esté accompagnée entre nous et eulx et qui a esté si soigneusement entretenue entre nos prédécesseurs. Je vous envoyé les lettres pour les leur faire tenir et y adjouster les offices que vous congnoistrez y pouvoir servir, comme à ceste fin je y laissé lieu en vostre créance pour vous y prendre selon le subject et la congnoissance que vous avez du mérite et de la qualité de l'affaire. J'escris aussy auxdicts Srs de Genève pour les advertir de la dicte depesche et les asseurer que en quelque occasion que ce soit je ne leur deffauldray de toute l'assistance et service qui pourra deppendre de moy. J'ay faict pourveoir d'une somme d'argent pour ayder à l'entretenement de quelques hommes de cheval auprès du baron de Souforzan et pour luy donner main en son particulier d'y pouvoir continuer son service qu'il ne sçauroit employer en lieu où il me fust plus agréable. Soyez toujours soigneux de conforter leurs bonnes volontez, et de faire tous les offices que vous pourrez en faveur de leurs affaires, là ou vous en verrez les occasions. Sur ce je prie etc.
(Collection Godefroy, t. 514.)
