MAY. — AUX ECHEVINS ET HABITANS DE SAINT-QUENTIN

hees et bien araez, Nous avons estimé ne pouvoir admettre au commandement de nostre province de Picardie personne plus digne et affectionnée au repos et conservation dicelle que nostre cousin le comte de S1 Pol auquel nous l'avons estably et dont nous vous mandons et vous plaise que vous le recongnoissiez, le recevant et admettant aux fonctions dy celluy et déférence a l'autorité que nous luy avons donnée sur vous avec tout l'honneur le respect et l'obéissance que ceste charge et le bien de nostre service exigeront. Ainsi ni ferez faulte car tel est nostre plaisir. Donné à Fontainebleau le 17e jour de may 1595.

Henry.

( * Archives municipales de Saint-Quentin. Original.)

lo6

1595, 20 MAY. — A MONSIEUR DE VILLEROY, CONSEIL- LER EN MON CONSEIL D'ESTAT ET SECRETAIRE DE MES COMMANDEMENS.

onsf de Villeroy , J'arrivis hyer en ce lieu , fort travaillé du fascheux temps et mauvais chemin ; qui sera possible cause de me faire séjourner lundy en ce lieu, tant pour me reposer que pour le long temps que je seray sans y venir. Si je partz lundy difficilement pourray-je arriver d'assez bonne heure le mercredy ; pour donner loisir de faire mon entrée je partiray mardy au plus tard pour aller faire ma fecte à Rouen où je veulx que toute ma chapelle se trouve et que l'on y trouve prest ce qui est nécessaire pour célébrer la dicte feste. Je feray mon entrée à Troyes vendredy ou samedy et oyray la grande messe et le sermon le dimanche en la grande église, s'il n'est nécessaire que j'y arrive le vendredy je prendray ledict jour pour courre le grand cerf qui est audict Pont. J'ay résolu de renvoyer Déportes, c'est par mon advis, auquel toutesfoys j'ay esté confirmé par ceulx qui sont prez de moy ausquelz j'en ay parlé; n'en faictes toutesfoys jugement que vous n'ayez veu Lomenie, lequel je feray partir lundy avec ledict Déportes et le feray passer par où vous serez pour

vous dire la charge que je luy ay donnée. Tenez prestes toutes les despesches du Sr de Sancy, afin qu'il puisse partir deux jours après mon arrivée audict Troyes, J'ay veu la lettre de mon cousin le maral de Biron, laquelle je vous renvoyé ; tenez ma responce preste pour luy envoyer quand je seray arrivé à Troyes; cependant asceurez luy pour ce qui concerne le marquis de Myrebeau et par l'opinion qu'il a prinse sur les adviz qu'il m'avoit donnez, luy faisant congnoistre qu'il n'a nul subject ny occasion de prendre telles impressions. Vous luy tesmoignerez le contantement que j'ay de ses services et le louerez beaucoup du debvoir qu'il y faict, ce que je sçay qu'il aura très agréable. Je luy envoiray une lettre de créance par Lomenye remettant sur ledit Lomenye ce qui est de la charge que je luy donne, et, sur vous la responce de celles qu'il m'a escrites. Pour le regard de l'abbaye de La Ferté de laquelle m'avez envoyé le placet, la dicte abbaye m'ayant esté demandée en mesme temps par la dame de Montereaulx pour la recompense qu'elle doyt à mon cousin le maral de La Chastre, je la luy ay accordée, en conséquence de la reserve que je luy avois baillée de la première qui viendroit a vacquer ; ce que vous ferez entendre a mondit cousin. Et sur ce je priray Dieu, Monsr de Villeroy, qu'il vous ayt en sa garde. De Monteraulx le 20 may 1 595.

Henry.

J'ay veu les lettres du Sr de Chamliveau et les autres depesches touchant Vezou . J'ay veu la responce faicte par ceulx de mon conseil au dit Chamliveau, laquelle

a esté faitte bien à propos ; n'estimant le danger tel qu'il le fait, je trouve bon que l'on ayt envoyé un maistre des requestes sur les lieux.

Potier-

(Port. Godefroy,262.)