MAY. — AU MÊME
ONSr. de Villeroy, J'ay esté à Paris dont je suis revenu ce jourd'huy, ayant fait ce que je degjf siroys. Je passeray toute la journée de demain à Meaulx pour y faire la feste, et partiray vendredy pour aller à Monglat, et le lendemain à Pont; espérant faire mon entrée dimanche ou lundy àTroyes, et de continuer mon voyaige sans m'arrester un seul jour, afin que je puisse arriver assez à temps pour secourir Vezou et effectuer les autres desseings desquels les occasions s'offrent pour le bien de mon service. Cependant escrivez à ceulx qui conduisent les trouppes qu'ils s'advancent sur la frontière au lieu où mon cousin le maral de Biron est d'advis qu'elles s'assemblent, et escrivez à mondit cousin le maral qu'attendant mon armée il face ce qu'il pourra pour secourir Vezou . Mon cousin le conte de Soissons partira samedy pour me venir trouver et arrivera mardy à Troyes où le Sr de
Schomberg l'accompaignera. Si vous recevez quelques autres advis, vous me les envoirez droit audit Monglat. J'ay renvoyé Des Batides trouver mondit cousin le maralavec la responce des lettres qu'il m'avoit escrites. Je feray partir en mesme temps que je monteray à cheval celles que Trembleeourt m'a envoyé , lequel est présentement arrivé. Et sur ce je prye Dieu, Mons1* de Villeroy, vous avoir en sa saincte garde. Escrit à Monceaulx le xxiïii jour de may 1595.
Henry.
Potier.
(Port. Godefroy, 262.)
4595, 4 4 JUILLET. — A MESSIEURS DE VILLEROY, DE ROCQUELAURE ET DE SENECEY , CONSEILLERS EN MON CONSEIL D 'ESTAT.
'M ess", Arrivant en ce lieu ou je suis venu veoir * h ma maistresse, j'ay receu vostre lettre du xme î§Jf ou j'ay veu le bon acheminement que vous avez donné à vostre négociation , dont j'ay contentement, et mesmes de ce que mon cousin le duc de Mayne faict tousjours congnoistre avoir plus de disposition a recongnoistre son debvoir, affin qu'il congnoisse aussy que de ma part je continue en la bonne volunté que j'ay de le recevoir. J'ay voluntiers accordé la trefve qu'il vous a proposée ; laquelle je vous envoyé et la
feray demain publier en mon armée et donneray ordre qu'elle le soit par toutes les villes de ce gouvernement. Il ne sera néanmoins que bien à propos que vous en adver tissiez ceulx qui sont proches de vous. Je m'en retourneray dès demain à Ossonne, ou j 'espère bien de n'y perdre pas temps. Je vous ai envoyé hier les nouvelles du combattue l'on a eue avec les Espoignols, qui se trouve encores plus grand que je ne vous ay mandé , par ce qu'il se trouve desjà jusques à cinq cornettes de prises, et sy l'on m'asseure que Ton trouvera encores une aultre. J'ay esté fort entretenu de Don Alonez qui compte luy-mesme la coyonnerie et peu de courage des siens. Il a bien oppinion que le connestable de Castille doibt estre fort estonné ; ce qui m'est encores confirmé par les trompettes que j'ay envoyez èn son camp pour apprendre des nouvelles de quelques gentilshommes des nostres qui ont esté pris en leurs retranchemens, poursuivans la victoire. Continuez, je vous prie, de me donner souvent de voz nouvelles, comme je feray aussy des miennes, qui ne seront, Dieu aydant, que bonnes. Sur ce je le prie, Messrs, vous avoir en sa saincte garde. De Saint Jehan de Losne ce xiiii juillet 1 595.
Henry.
J'ay envoyé à l'adcat Besnard le passeport dont vous m'avez escript et l'ay faict advertir qu'il parte dès demain pour s'acheminer à Chaalons.
FORGET
(Port. Godefroy, 262.)
1 . La journée de Fontaine-Françoise gagnée par le roy Henry IV en Bourgogne sur les Espagnols.
Essrs, Je viens présentement de recevoir vostre depesche, et pour ne retenir plus longuement vostre courrier qui m'est venu trouver jusques en ce lieu, ma responce en sera plus courte et sera seullement pour vous dire que je demeure tousjours ferme en ma première resolution de ne rien changer de la charge que je vous ay donnée sur les propositions qui ont ja esté faictes , mais sur les nouvelles qui y ont esté depuis adjoutées, me les faisant entendre, je \ous feray aussy tost sur ce sçavoir ma volonté. Cependant je trouve bon la prolongation de la trefve pour encores huict jours, dont je vous envoyé présentement l'ordonnance, pour en advertir les garnisons qui sont proches de vous ; encores que de ma part je ne laisseray de la faire publier aux lieux de ce gouvernement ou il est nécessaire. Quant aux passeports qui vous ont esté demandez pour envoyer en quelques provinces, je reserve a les accorder jusques a ce que j'aye veu quelles seront ces nouvelles demandes, car elles pourroient estre telles qu'elles romproient tout le traicté, et ce faisant lesdits passeports ne se debvroient plus accorder ; mais aussy sy elles ont de l'apparence
je les accorderay voluntiers et les vous envoyeray aussy tost, et quelles qu'elles soient je n'entends poinct pour cela que vous rompiez le traicté ny que vous partiez pour me venir trouver que vous n'aiez premièrement de mes nouvelles. Je n'en ay point d'icy d'autres a vous donner, sinon que, la ville et chasteau de Pesmes, après avoir faict ceste après disnée un peu demyne de se deffendre, ont cappitulé pour se rendre demain à mydy. Sur ce je prie Dieu, Messrs, vous avoir en sa saincte garde. Escriptà Àuxonne ce xxc juillet 4 595.
Henry.
Forget.
(Port. Godefroy, 262.)
