S95, 11 AOUST. — AUX MESMES

EssrS, Jereceu hier les lettres que, vous, Monsr de Villeroy, avez escrittes auSr deBeaulieu, par lesquelles j'ay veu le peu de satisfaction que me donne le duc de Mayenne contre les promesses que les siens m'avoient faictes , mais je les tiens pour telles que j'ay tousjourscongneu celles des Ligueurs, et trouve fort bon que vous vous soyez departiz et retirez a Mascon. Lignerac etBevilliers sont a

sept lieues d'icy qui m'ont envoyé de l'escorte pour me trouver, ce que je fay tout présentement et vous asseure qu'après avoir bien parlé àeulx, je les renvoieray comme vous vous en estes retournez, car je n'ay pas délibéré de rien changer au pouvoir que je vous avois donné. Quant à mes nouvelles j'ay tiré de Bezançon trente mil escuz, de Arboys et encores de quelques autres petites places. Je partz demain pour m'en aller à Poligny dont j'espere tirer encore quelque commodité, de façon que mon voyage n'aura pas esté si inutille que je ne tire près de troys moys pour mes Suysses. Je n'yray poinct pour ce coup à Salins, non pour la craincte de la garnison , encores qu'il y ayt mil Suysses dedans, et moings pour la bonté de la place, car elle ne vault rien du tout ; mais pour le seul respect des Ambassadeurs de Suysse qui sont a deux lieues de la , il y a desja troys jours, et me pressent fort de les oyr et cesser ce pendant tout acte d'hostilité; demain passé vous sçaurez plus souvent et plus commodément de mes nouvelles, d'aultant que les chemins ne seront plus si traversez et dangereux qu'ils ont esté depuis huict ou dix jours que nul ne pouvoyt passer sans courir grande fortune, plus des paysans que des gens de guerre. Priant sur ce Nostre Seigneur vous avoir, Mess", en sa saincte garde. Escript au camp de Montigny le xie jour d'aoust 1 595.

Depuis ma lettre j'ay advisé qu'il vault mieux que vous veniez à Pont de Vau et de là à Louan pour ce que au mesme temps que vous y armerez je seray a Lyon , et Saulnier qui ne sera que a quatre lieues de moy ; et je ne me puis plus passer de vous, Monsr de

Villeroy, pour mes despesches estrangeres, mesmes pour le traicté avecq les députez des Cantons qui me pressent,

Henry.

Ruzé.

(Port. Godefroy, 262.)

ess", Je vous envoyé ma volonté sur ce que le Sr de Bevillier m'a apporté, affin que je trouve toutes les choses résolues selon mon intention a mon arrivée a Mascon, ou vous m'attendrez, encores que je vous aye escrit de vous trouver à Louan. J'escritz au Sr conte de Cheverny et au trésorier Gobelin qu'ils travaillent à trouver lesmoiens de satisfaire à ce qui sera promis et accordé, soict par les ouvertures que ledict Sr de Bevillier en a faictes ou aultres qu'ils verront estre plus a propos. Je vous prie les en presser encores et y apporter chacun tout ce que vous pouvez pour ung si bon œuvre, comme je m'asseure que vous en avez toute la volonté et que j'en ay en vous toute confiance. Priant sur ce Nostre Seigneur vous avoir, Messrs, en sa saincte et digne garde. Escrit au camp de Pouligny le xne jour d'août 1 595.

Henry.

Ruzé.

(Port Godefroy, 262.)

1595, 25 AOUST. — A NOZ TRES CHERS ET RIEN AMEZ LES NORLES, ROURGEOIS ET HARITANS DE NOSTRE VILLE DE RENNES.

res chers et bien amez, pour ce que nous avons advisé de convoquer et faire assembler les trois Estatz de noz pais et duché de Bretaigne pour leur faire proposer et remonstrer plusieurs choses concernans le bien des affaires de nostre royaume et de nosditz pais et duché, et que nous voulons comme il est bien requis que vous y envoyez quelques bons et notables personnages pour y assister et comparoir de votre part, Nous vous mandons que vous ayez a envoyer en la ville de Rennes ceux des plus notables et apparens personnages de vostre ville au vingtiesme jour du mois de novembre prochain avecq pouvoir exprès et bien ample pour donner vostre advis sur ce qui sera proposé en l'assemblée desdictz estats et pareillement pour consentir et accorder ce que y sera conclud et arresté. Donné à Lyon, le 25e jour d'aoust 1595.

Henry.

Ruzé.

(*Arch. mun. de Rennes.)

1GT>