JUILLET

Lettre de convocation pour l'assemblée des notables qui , projetée d'abord à Compiègne , eut lieu à Rouen au mois d'octobre de cette année.

oivsr. Des le temps qu'il pleust à Dieu de m'appeller à la succession de ce royaume, auquel pour la plus part j'ay esté contrainct d'entrer par conquestes, je trouvay ung tel desordre en toutes mes provinces qui depuis à l'occasion des guerres civilles et estrangeres y a esté continué à la foule et oppression de mes bons subjectz, que la mort me seroit moins dure qu'il ne m'est de veoir et souffrir plus longuement les misères dont ce royaume est accablé; ce que je recongnois procedder principalement du tenement des champs de gens de guerre qui ne peuvent estre diciplinez sans paye ne servir sans entretenement ; à quoy m'ayant esté jusques à présent impossible de pourveoir, je souffre en mon ame une douleur extresme ; d'ung costé il ne m'est loisible d'abandonner la conservation de mon estât, d'aultre part je ne puis qu'avecq ung sanglant et invincible regret oyr les justes plainctes de mon pauvre peuple, sans y apporter le remède convenable à la charge et dignité en laquelle il a pieu à Dieu de m'eslever. Implorant sa

grâce en toute humilité, j'ay prins conseil de convoquer présentement une notable assemblée d'aucuns de mes subjectz dont la fidélité , suffisance , probité et affection au bien de cest Estât a esté expérimentée et congneue par leurs bonnes et louables actions, entre lesquelz j'ay estimé de vous debvoir choisir pour la dignité et charge que vous soustenez en l'église de Dieu et pour l'asseurance que j'ay à vostre valeur et vertu et dignes rapportz qui m'en sont faictz. A ceste cause je vous prie incontinent la présente receue de vous disposer à venir en ma ville de Compiegne pour vous y trouver le xve du mois d'aoust prochain, et vous informer auparavant fort exactement de Testât de vostre province, prendre Tadvis de mes bons serviteurs et subjectz de ce à quoy il est de besoing de pourveoir pour asseurer un g bon et asseuré repoz, et aussy de ce dont je puis eslre secouru, afin que j'aye le moien d'empescher les desordres qui se veoient maintenant en ce Royaulme et de résister par la force aux forces et mauvais desseins de mes ennemys. Pour à quoy parvenir il n'y a chose que je n'entreprenne et à laquelle je ne me résolve. Grâces à Dieu, ce Royaume est plain de vaillans hommes, d'un bon nombre de chefs de guerre, me demeurant ce seul pensement de pourveoir à leur entretenement qu'il fault mettre peine de trouver en mes finances, retranchant tout ce qui est volontaire et dont l'on se peult passer, pour estre employé à ce qui est le plus nécessaire ; en quoy je désire estre assisté de vostre sage et prudent conseil et de celuy que recueillerez de mes bons serviteurs de vostre province, et par mesme moien faudra adviser ou se pourra recouvrer ailleurs ce qui ne se trou-

vera en mes finances, voulant espérer que tous mes subjectz quicongnoistrontpar effect ma ferme resolution de faire dispenser et emploier tout le secours qui me sera faict et ce qui sera advisé de prendre en mes finances à la conservation de F Estât et non ailleurs, suivant la resolution qui en sera prinse en ladicte assemblée, se disposeront volontiers à m'accorder pour ung temps quelque partie de leurs moyens pour saulver le surplus avecq leur patrie, de la conservation de laquelle deppend celle de leurs honneurs, de leurs vies, de leurs femmes et enfans, ce que j'eusse volontiers faict représenter en une plaine assemblée des Estatz generaulx de ce Royaume, si les armes et effortz de noz ennemys permettoient que Ton peult différer plus longuement de pourveoir et remédier au mal qui nous presse si violemment; ce que différant à ung aultre temps je vous diray que mon intention est, attendant la tenue desdictz Estatz, faire cesser les desordres tout au mieulx et le plus tost qu'il se pourra, et que en la convocation que j'ay présentement ordonnée soient faictz les mesmes reglemens et reformations, en ce principallement qui concerne la police militaire, l'ordre et distribution de mes finances, que si l'affaire estoit traittée en plaine assemblée d' Estatz generaulx. Vous me viendrez doncq trouver audict jour xve du mois d'aoust prochain, bien instruict et résolu sur tous les poinctz contenuz en vostre lettre ; vous asseurant que oultre le service que vous ferez à vostre patrie en vous emploiant dignement en cest affaire, ainsy que je me promectz de vostre fidélité, que je vous en sçauray très bon gré et aux occasions vous feray congnoistre l'estime que je fay de ceulx

qui affectionnent mon service et le bien de l'Estat, estant assisté de mes bons et loyaulx subjectz ainsy que requiert le bien de ce Pioyaulme et le leur propre. Je veulx espérer moyennant la grâce de Dieu, en laquelle j'ay toujours mis ma fiance, que se présentant devant nous l'armée espaignolle elle en rapportera le mesme traictement qu'elle a faict cy devant quand elle s'est voulu résoudre au combat. J'ay esté l'espace de VII moys au siège de la Fere que Fennemy a mieulx aimé laisser perdre à sa veuë que de s'obliger au combat. Je contribueray franchement pour mettre fin à ceste guerre, ma peine, tous mes moyens, mon sang et ma propre vie, dont quand il s'est agy de conserver l'Estat je ne fuz jamais chiche*, me promettant la mesme affection et loyalle assistence de ma Noblesse que j'ay souvent esprouvée es occasions qui se sont présentées, estans mes forces occupées audict siège de la Fere, par je ne scay quel malheur nostre ennemy s'est advanlagé de deux villes frontières, ne s'estans trouvées si bien munies et fortiffiées comme il eust esté besoing; ayant esté la fortiffication des places de ma province de Picardie par trop négligée durant la longue paix dont elle a cy devant joy. A quoy aussy depuis mon advenement à la Couronne je n'ay peu pourveoir pour avoir esté occuppé ailleurs, lors que la pluspart dudict pais ne m'avoit recongneu. Ces evenemens ne peuvent estonner les cœurs généreux de ma Noblesse estans ces pertes avenues contre toute raison humaine et non par valleur qui se puisse remarquer en noz ennemys. Il fault maintenant que nous resveillions tous en noz cœurs l'ancienne vertu françoise, que ma Noblesse se résolve avecq moy de

ne despouiller jamais les armes que nous n'ayons eu la raison de noz ennemys, ce qui semble n'estre point difficile si, avecq la valleur de la Noblesse, l'Ecclésiastique aydera l'Estat en ce qui est de sa vocation et de ses moiens , et si nous serons secouruz et assistez de noz bonnes villes et plat pais selon les moyens que un chacun en aura, qui seront trop mieulx emploiez au paiement d'une armée qui s'opposera courageusement à celle de l'Espaignol, que si par ce deffault l'ennemy ne trouvant poinct des forces en campaigne qui s'opposent aux siennes s'en fera le maistre, ravagera le plat pais et saccagera les villes comme bon luy semblera ; comme ung chacun sçait, succédant à ceste Couronne j'y ay trouvé une extrême pauvreté, on ne peult dire que j'aye jamais consenty ny que mon naturel soit d'approuver que les revenuz du Royaulme soient mal ménagez ny employez en despences superflues et volontaires. Je désire la reformation au faict de mes finances qu'ait jamais faict prince qui ait porté ceste Couronne ; et en tout ce qu'il escherra je commenceray volontiers larefformation par moy mesme, jugeant que l'ordre et bon mesnage dont il sera usé fera que l'on pourra satisfaire aux despences nécessaires pour la conservation de l'Estat et me donnera moyen de soulager mes pauvres subjectz, contribuant à la taille d'une partie des levées qui se font sur eulx ; ce que je désire de tout mon cœur et ne vivray jamais content que ce mien désir n'ayt esté témoigné par les effectz.

(Dupuy, 88, f° 123.)

XGIII

1596, 3 JUILLET. — A NOS TRES CHERS ET BIEN AMEZ LES PREVOST DES MARCHANS ET ESCHEVINS DE NOSTRE BONNE VILLE DE PARIS.

M es chers et bien amez, d'autant que nostre » cher cousin le cardinal de Florence 1 Légat ^ de nostre S1 Pere doit arriver bien tost en nostre ville de Paris, et qu'à l'exemple des Roys nos prédécesseurs, nous desirons qu'il y soit receu , logé , et accommodé avec tous les témoignages d'affection et de respect que l'on luy pourra rendre, nous avons commandé au Sr de Bellievre de pourveoir et donner ordre a ce qu'il conviendra pour effectuer nostre intention, vous priant de vostre part vous y disposer, et y apporter tout ce qu'il vous sera possible pour rendre a nostre d. cousin et aux siens tout l'honneur que l'on a accoustumé de faire en semblables occasions a ceux de sa qualité. Et au surplus croire le d. de Bellievre sur ce subjet, comme nous mesmes, et vous nous ferez service très agréable. Donné à Abeville le 3e jour de juillet 1596.

Henry.

De Neuf ville.