Alexandre de Médicis

1596, 17 JUILLET. — A MON COUSIN LE DUC DE MONT- MORENCY, PAÏR ET CONNESTABLE DE FRANCE.

}/% on cousin , D'aultant qu'il n'a encores esté l satisfaict à ce qui a esté promis au Sr d'Esf trées pour le recompenser du chasteau de Piersefons et qu'il est nécessaire de pourveoir ce pendant à la seureté dudict chasteau , sur l'instance que ledict Sr d'Estrées m'en afaicte, je vous ay faict la présente pour vous prier d'adviser quel nombre de gens de guerre sera nécessaire pour la conservation de la dicte place et tenir la main qu'il soit pourveu à leur entretenement jusques à ce que ladicte récompense , soit fournye audict Sr d'Estrées. Et n'estant la présente à autre effect, je prie Dieu, mon cousin, qu'il vous ayt en sa saincte garde. De Monceaulx le xvne jour de juillet 1 596.

Potier.

(Port Godefroy, 262.)

XGV

1596, 49 JUILLET. — A NOS AMEZ ET FÉAUX LES GENS DE NOS COMPTES A PARIS.

os amez et féaux. Ayant nostre S1 Pere député 1 par devers pour Légat en ce Royaume nostre | très cher et très amé cousin le Cardinal de Florence, désirant qu'il y reçoive tout honneur et favorable réception, avons ordonné que en nostre bonne ville de Paris luy soit fait Entrée, comme cy devant a été fait aux Légats envoyez aux Roys nos prédécesseurs , ou vous avez accoustumé de députer certain nombre de presidens et maistres, pour témoignage du respect que l'on desireleur estre porté en ce d. Royaume. A ces causes, ayant fait preuve si notable de la bonne volonté de nostre d. S1 Pere, ne voulant qu'il soit rien obmis envers nostre d. cousin le Cardinal de Florence qui représente sa personne de ce que l'on a accoustumé de faire envers les autres Légats, vous mandons et ordonnons par ceste cy que vous ayez a députer ceux que adviserez d'entre vous pour satisfaire à ce devoir, qui se trouveront dimanche prochain au lieu accoustumé pour telles réceptions. Donné à Paris le 19e jour de juillet 1 596. Henry.

FORGET

(Le recueil Colbert (t. 410, p. 166 et 170), auquel nous empruntons cette lettre et l'avant- dernière , rapporte en ces termes la réception

que le roi fit au représentant du Saint-Siège : « Le jeudi 18e jour de juillet 1596, le Roy, estant à Monceaux, adverty que Monsr le cardinal de Florence légat du St Siège apostolique approchoit de Paris, print la poste et arriva le mesme jour en ceste d. ville accompagné de messrs les ducs de Montpensier , de Mayenne , de Nemours , grand escr, des seigneurs de Brissac 7 Roquelaure, de Beauvais, Nangis, de Suze et autres seigneurs. Et le lendemain 49e du d. mois sur les huict heures du matin , Sa Majesté accompagnée desd. seigneurs jusques au nombre de trente , partit exprès de ceste ville pour aller trouver le d. sr Légat a Montlhery ou il estoit lors; de quoy ayant eu advis le d. sr Légat, se tint a la porte et entrée de son logis pour recevoir Sa Majesté. Ou estant arrivé après plusieurs révérences et remerciemens de la peine qu'il avoit pieu a sa d. Majesté de prendre en ce voyage, iceluy sr Légat a commancé a s'excuzer de l'honneur que sa d. Majesté luy faisoit , que ce n'estoit a luy a qui cet honneur estoit deub , et que c'estoit le St Siège qui l'a délégué qui le recepvoit, remerciant bien humblement sa d. Majesté de l'honneur et bonne volonté qu'il porte au d. St Siège, dont toute la chrestienté s'esjouira , desmontrant une si grande joye et affection en prononçant ces d. paroles qu'il sembloit les larmes luy vouloir tomber des yeux.

Ce faict sont entrez en une salle estant au d. logis ou ils ont tenu plusieurs propos, Sa Majesté parlant françois, ses propos étoient translatez en langue italienne et prononcez au d. sr Légat par Mr Forget, sr de Fresnes, secrétaire d'Estat. Et le d. sr Légat parlant en langue italienne ses propos n'estoient point translatez a sa d. Majesté, qui entend fort bien la langue italienne, mais ne s'arreste à la prononcer , et feurent ensemble environ une heure avec démonstration de tant de joye , allégresses et applaudissemens qu'il n'est possible de la pouvoir exprimer, s)

XCVÏ

1596, 25 JUILLET. — A NOSTRE CHER ET BIEN AMÉ LE MAIRE DE NOSTRE VILLE DE RENDES.

her et bien amé. Des que le temps qu'il a pieu a Dieu nous appeler a la succession de ce royaulme, auquel pour la pluspart nous avons esté contrainctz d'entrer par conqueste , nous avons trouvé un tel desordre en toutes noz provinces qui depuis a l'occasion des guerres civilles et estrangeres y a esté continué a la foulle et oppression de noz bons subjectz, que la mort nous seroit moins dure qu'il n'est de voir et souffrir plus longuement les misères dont ce royaume est accablé. Ce que Nous recognoissons procéder principalement du tenement des champs des gens de guerre qui ne peuvent estre disciplinez sans paye, ny servir sans entretenement; a quoy ne nous ayant esté jusques a présents possible de pourvoir, Nous souffrons en nostre arae une douleur extrême. Dun costé il ne Nous est loisible d'habandonner la conservation de nostre estât, d'autre part Nous ne pouvons qu'avec un sanglant et incroyable regret ouyr les justes plaintes de nostre pauvre peuple, sans y apporter le remède convenable en la charge et dignité en laquelle il a pieu à Dieu nous eslever. Implorant sa grâce en toute humilité, Nous avons pris con-

seil de convocquer présentement une assemblée d'aucuns de noz subiectz dont la fidélité , suffisance , probité et affection au bien de cest estât a esté expérimentée et cogneue par leurs bonnes et louables actions, entre lesquelz Nous avons estimé vous debuoir choisir pour l'asseurance que nous avons de vostre fidélité, et pour la cognoissance que vous avez des affaires de nostre paix de Bretaigne et speciallement de nostre ville de Rennes. Mais vous prions, incontinants la présente receue vous disposer à venir en nostre ville de Compiègne pour vous trouver le dernier jour du mois d'Aoust prochain et vous informer auparavant fort exactement de Testât de nostre dicte ville, prendre l'advis de noz bons serviteurs et subiectz de ce à quoy il est besoin de pourvoir pour y establir ung bon et assuré repos, et aussi de ce dont nous pouvons estre secouruz, afin que nous ayons moyen d'empescher les desordres qui se voyent maintenant en ce royaume et de résister par la force aux forces et mauvais desseings de noz ennemis. Pour à quoy parvenir il ny a chose que nous n'entreprenions et à laquelle nous ne nous résolvions. Grâces a Dieu, ce Royaume est plain de vaillans hommes, d'un bon nombre de chefs de guerre, Nous demeurant ce seul pensement de pourvoira leur entretenement qu'il fault mettre peine de trouver en noz finances, retranchant tout ce qui est de volontaire et dont l'on se peult passer pour estre employé à ce qui est plus nécessaire, en quoy Nous desirons estre aussi assistez de vostre sage et prudent conseil et par mesme moyen faudra adviser où se pourra recouvrer ailleurs ce qui ne se trouverra en noz finances, voulans espérer que tous noz bons subiectz qui cognoistront

par effects nostre ferme resolution de faire despenser et employer tout le secours qui nous sera faict et ce qui sera advisé de prendre en noz finances à la conservation de Testât et non ailleurs , suivant la resolution qui en sera prise en ladicte assemblée , se disposeront volontiers à nous accommoder pour un temps de quelque petite partie de leurs moyens pour sauver le surplus avec leur patrie de la conservation de laquelle dépend celle de leurs honneurs , de leur vye, de leurs femmes et enfans. Ce que Nous eussions volontiers faict représenter en une plaine Assemblée d Estatz généraulx de ce Royaume, si les armes et effortz de noz ennemys permettoyent que l'on peust différer plus longuement de pourvoir et remédier au mal qui nous presse si violamment, ce que différant à un autre temps, Nous vous dirons que nostre intention est, attendant la tenue desdictz Estatz , de faire cesser tous ces desordres au mieux et le plustost que se pourra et qu'en la convocation qu'avons présentement ordonnée soient faictz les mesmes reiglemens et reformations, en ce qui concerne principalement la police militaire, l'ordre et distribution de noz finances, que si l'affaire estoit traictée en plaine assemblée d'Estastz generaulx, voulans espérer, moyennant la grâce de Dieu , en laquelle Nous avons tousiours mis nostre fiance, que se présentant devant Nous l'armée Espagnole, elle en reportera le mesme traictement qu'elle a faict cy devant quand elle s'est voulu resouldre au combat; Nous avons esté, l'espace de sept mois, au siège de La Fère que l'ennemy a mieux aymé laisser perdre à sa veue que de s'obliger au combat. Nous contribuerons franchement , pour mettre fin à ceste

guerre, nostre peine, tous noz moieris, noslre sang et nostre propre vie dont, quand il s'est agi de conserver l'Estat, Nous ne fusmes jamais chiches, Nous promeetans la mesme affection et loyalle assistance de nostre noblesse que nous avons souvent esprouvée es occasions qui se sont présentées. Estans nos forces occupées audict siège de la Fere, par je ne scay quel malheur, nostre ennemy s'est advantagé de deux villes frontières, ne s'estant trouvées si bien munies et fortiffiées comme il eust esté besoing, ayant esté la fortiffication des places de nostre province de Picardie par trop négligée durant la longue paix dont elle a jouy. Àquoy aussi depuis nostre advenement à la Couronne Nous n'avons peu pourvoir pour avoir esté occupez ailleurs lorsque la plupart dudict pays ne nous avoit recogneuz. Ces evenemens ne peuvent estonner les cœurs généreux de nostre noblesse, estans ces pertes advenues contre toute raison humaine et non par valleur qui se puisse remarquer en noz ennemis. 11 fault maintenant que nous reveillons tous en noz coeurs l'antienne vertu françoise, que nostre noblesse se résolve avec nous de ne despouiller jamais les armes que nous n'ayons eu la raison de noz ennemis. Ce qui semble n'estre point difficile, si avec la valleur de la noblesse l'ecclésiastique ayde l'Estat en ce qui est de sa vaccation et de sesrnoyens et si nous sommes assistez de noz bonnes villes et plats pays selon les moyens que chacun en aura qui seront . trop mieux employez au payement d'une armée qui s'opposera courageusement a celle de l'Espagnol, que si, par ce deffault l'ennemy, ne trouvant point de forces en la campagne qui résistassent aux siennes, s'en faisoit le maistre, ravageoit le

plat pays, et sacageoit les villes, comme bon luy semblerait. Succédant à ceste couronne, ainsy que chacun scait, Nous y avons trouvé une extrême pauvreté. On ne peult dire que nous ayons jamais consenty ny que nostre naturel soit d'approuver que les revenuz du Royaume soient mal mesnagez et employez en deppences superflues et volontaires. Nous desirons la reformation au faict de noz finances autant qu'ayt jamais faict prince qui ayt porté ceste Couronne. Et en tout ce qui escherra et serons conseillez, Nous commencerons volontiers la Reformation par nous mesmes jugeant que l'ordre et bon mesnage dont il sera usé fera que l'on pourra satisfaire aux despences nécessaires pour la conservation de F Estât, et nous donnera moyen de soullager noz pauvres subiectz , contribuables à la taille d'une partie des levées qui se font sur eulx. Ce que nous desirons de tout nostre cœur et ne vivrons jamais contens que cestuy nostre désir n'ayt esté tesmoigné par les effectz. Et au cas que par empeschement ou maladie, vous ne puissiez venir audict Gompiegne, Nous voulons que le premier Eschevin de nostre dicte ville de Rennes si achemine à vostre deffault. Donné le vingt c1nqme jour de juillet mil cinq cens quatre vingtz seize.

Henry.

De Neufville.

1596, 8 SEPTEMBRE. — A NOZ CHERS ET BIEN AMEZ LES MANANS ET HABITANS DE NOSTRE VILLE DE RENNES.

hers et bien amez, afin que nostre province de Bretaigne ne demeurast sans la conduicte de quelque personne de qualité et mérite qui en eust autant de soing que nous en affectionnons le repos et la conservation, et de nos bons subiectz et serviteurs qui sont en icelle , au mesme temps que nous fusmes advertiz du decedz de nostre cousin le Mareschal d' Au mont, Nous fismes eslection de nostre cousin le Comte de Brissac Maral de France, en la prudence duquel Nous avons telle confiance que nous croyons fermement ne pouvoir commettre l'importance de ceste charge à aucun autre qui plus dignement s'acquitte du debvoir dicelle que luy. Il sy achemine présentement selon le commandement bien exprès qu'il en a de nous, ayant encores adjousté à sa charge celle qu'avoit en la mesme province le Sr de S1 Luc qui sen est demis pour estre occuppé en autres de non moindre importance. Mais comme noz commande mens et volontez dépendent entièrement du soing que nous attendons de luy pour les faire exécuter, où le besoing le requerra, aussy est-il nécessaire que vous

les faisant entendre vous y obéissiez comme à toutes autres qu'il vous prescrira et ordonnera pour le bien de nostre service et qui dépendent de l'une et l'autre charge avec la submission et le mesme respect que vous estoit tenu de defferer à Nous mesmes. A quoy vous ne ferez faulte, car tel est nostre plaisir. Donné à Montcaulx le buictiesme jour de septembre mil vc iiij" seize.

(* Archives municipales de Rennes. Ces archives contiennent aussi une lettre du 16 octobre, datée de Rouen , qui est une convocation pour les États de Rretagne assignés à Guingamp au 2e décembre prochain ; elle est textuellement , sauf le nom de la ville et la date du mois, identique à celle du 25 août 1595.)

XGVIII