MAI

Réponse qui fut baillée de la part du Roy à Mess6* de l'assemblée de Saumur.

a Majesté ne peult adjouster aulcune chose à ce qu'elle a cy devant accordé sur le faict de la Religion sur laquelle Elle c'est ja estandue en leur faveur autant que le bien de son service et Testât de ces affaires le peult permettre; aussy ont ilz grande occasion de contentement, veu que, oultre les villes et aultres lieux quy leurs sont dellaissez pour y continuer l'exercice public de leur dicte Religion, en-

DE HENRY IV. 229 cores qu'il ne leur feust permys par l'esdit mil vc soixante dix sept, Elle leur donne de nouveau ung lieu en chascun des anciens baillages pour y faire publicquement l'exercice de ladite Religion quy est double ce qu'il leur estoyt accordé par ledit esdit; et quant au petit fief, le nombre de personnes quy s'y pouvoient assembler pour y faire l'exercice de ladite Religion y est triple ; joinct qu'en sa suytte et es armées ilz savent comme ilz ont esté et sont encores favorablement traictez.

Pour le reguard de la Justice, Sa Majesté se contente de composer une Chambre de Justice des Presidens et Conseillers du Parlement de Paris des plus modérez et dont ceulx de ladite Religion conviendront pour fere resyder ladite Chambre en la ville de Tours, ou aultre que Sa Majesté advisera sur la rivière de Loyre, ou seront traictés et desidez les procès de ceulx de ladicte Religion des Parlementz de Paris et Rouen.

Ceulx de ladite Religion quy ne vouldront evocquer des Parlementz de Paris et Rouen pourront recuzer deux de leurs juges sans déclarer les causes de leur récusation.

Que ceux de ladite Religion pretandue reformée quy seront proveuz (sic) d'offices seront receuz audit Parlements, comme il est porté par l'esdit, et ou ilz en feroient refuz ou difficulté, qu'il seront receuz en ladite Chambre de Justice et sy elle en fesoyt aussy reffus Sa Majesté les fera recepvoir en son Conseil ; et vauldront lesdictes réceptions faites en ladite Chambre de Justice ou audit Conseil comme sy elles estoyent faictes dans lesdicts parlements.

Sy ceulx de la province de Poytou ou pays d'Onyz

désirent estre joincts à la Chambre my partye de Guyenne Sa Majesté le leur accorde, pourveu qu'en ce faisant les choses demeurent pour le reste desdicts parlements de Parys et de Rouen en Testât qu'elles sont à presant.

En attandant que la Chambre my-partye quy est accordée pour la Guyenne soyt establye , Sa Majesté donne surceance à ceux de ladite religion de ladite province , pour troys moys pour la décision de leurs procès.

Quant aux garnisons, Sa Majesté accorde la somme de soixante mille escus pour le paiement d'icelles; desquelles Testât sera faict par Sa Majesté qui faira tousjours bonne considération sur Tadvis qui luy sera donné par lesdits de la Religion prêt, au resor du département d'icelles.

Si lesdits de la Religion se veulent contenter de la parolle de Sa Majesté , Elle leur promectra continuer Tentretenement desdites garnisons pour six ans; mais s'ils veulent avoir ladite promesse par escrit, Elle ne la leur peult bailler que pour deux ans seulement.

Sa Majesté accorde aussi jusques à quarante mille escus pour le payement des ministres , montant avec la somme accordée pour les garnisons , à la somme de deux cents mille escus, qui leur seront assignés sur les receptes et tabliers ou seront lesdites garnisons.

C'est tout ce à quoy Sa Majesté se peult estendre, et partant se resoult de ne mectre plus cest affaire en aucune délibération et veult qu'il se termine à ceste fois, sans plus y retourner ; en estant la longueur plus grande et l'incertitude très incommode à ses affaires,

comme ils pourront veoir par les coppies des lettres du duc de Mercur qui ont esté interceptés, et le grand fondement qu'il faict de fortiffier son parti de la poursuitte que font ceulx de ladite Religion et des amplialions qui leur pourroient estre accordées.

Sa Majesté désire, faisant ce que dessus, que les ordonnances qu'ilz ont faictes en leur assemblée pour arrester ses deniers soient révoquées et qu'au plustost que faire se pourra ils se retirent chascun en sa province pour luy rendre le servisse qu'ils luy doivent , sans plus tenir aucune forme d'assemblée, ou de conseil gênerai, soubs quelque prétexte que ce soit pour en estre la conséquence trop grande, d'autant qu'à leur exemple les Catholiques en vouldront faire de mesmes, comme ils sçavent que les projects sont desja tous prêts et commancés.

(Fonds Dupuy, 618, f° 14, r°.)

GV