JUILLET. — AU DUC DE LUXEMBOURG

|on cousin , ] Vous n'aurez encores ceste depesclie par Marconnay puis qu'il ne peult

partir qu'il n'ayt esté payé des frais de son voyage, lesquels il n'a encores receu; mais il en pourra estre dressé en peu de jours. Cependant je n'ay voulu

différer à la vous envoyer, remettant à escrire par luv à nostre Sainct Père le Pape et aux Cardinaulx qui m'ont escript par luy. Je suis revenu en mon armée depuis mon aultre lettre escripte, afin d'advancer ce siège auquel j'ay continuellement travaillé depuis, de sorte que j'ay depuis deux jours achevé les tranchées et fort dont j'ay voulu fermer mon camp, tant contre la ville que contre ceulx de dehors qui voudroient venir au secours. Durant ceste besongne il s'est faict quel ques combats tant delà que deçà ausquelsils ont tousjours esté battus; aux derniers il leur fut tué plus de trois cents hommes, entre lesquels s'est trouvé Don Juan de Guismam, cappitaine de leur cavallerye légère, qui y avoit peu auparavant conduit quelque secours de gens de cheval. Depuis cela ils ne sont point sortis qu'à coups de canon , dont ils sont très liberaulx ; toutesfois ils ont faict peu de mal jusques à présent ; j'ay commencé depuis deux jours à travailler aux tranchées qui doivent nous conduire à eux ; ilz sont jà fort advancées pour le temps, de sorte que j' espère bientost compter avecq eulx. Cependant ayant sceu que le General des Cordeliers estoit arrivé à Paris auprès de Monsieur le Légat, j'ay mandé au Sr de Bellievre qu'il l'ameine icy où il arrivera après demain. Quand je l'auray ouy je vous feray sçavoir ce qu'il m'aura rapporté et la responce que je luy auray faicte; mais mes ennemys ont tant divulgué ceste négociation que je crains bien qu'elle ne produise que du bruit à mon dommage. Je vous en esclairciray par ma première, comme je serois très aise de l'estre plus souvent de ce qui se passe par delà dont je n'ay receu lettres il y a long temps. Je prie Dieu, mon cousin.

qu'il vous ayt en sa saincte garde, Escript au camp devant Amyens le dixiesme jour de juillet 1 597.

(Fonds Dupuy , N° 212. F» 78 R°.)

GVI