JUILLET. — AUX MAIRES ET ESCHEVINS DE LA VILLE DE CLERMONT

hers et bien améz, voyant le peu de compte que le Sr de Leviston a tenu jusques a cest heure d'obéir à tout et divers commandemens que nous luy avons faict de cesser les levées de deniers, concutions et exactions qui se sont faictes et se font journellement par luy ou par son commandement et consentement, et prévoyant combien ceste licence continuée apporteroit de ruine et détriment a noz pauvres subjectz, Nous avons résolu de blocquer noz ville (et) chasteau de Montegu qui luy servent de retraicte et par la force le faire obeyr à ce que la raison et son debvoir le doibvent volontairement ranger. Nous avons commis lexecution de ce dessein à nostre cousin le maresclial de la Chastre , lequel pour ceste cause nous voulons , vous mandons et ordonnons de recongnoistre en ceste charge et obéir et entendre a tout ce qui! vous ordonnera et prescrira pour lenlier et prompt effect dud. blocus, l'assistant des moyens

quil aura besoing de recouvrer de vous et tenant la main a l'advancement de ceste affere aultant quil sera besoing et requis de vous que nous remettons anostre cousin à vous fere entendre et y estre par vous satisfaict sans difficulté, A quoy vous ne ferez faulte car tel est nostre plaisir. Donné au camp devant Amyens le 20e jour de juillet 1597.

Le Sr de Vitry porteur de la pnte vous fera entendre ce que vous aurez à fere attendant la venue de mond. cousin, sur quoy vous le croirez comme nous mesmes

S?OTIER.

(* Bibliothèque de Clermont, original.)

GVII

4597 , 18 AOUST. — A NOSTRE AMÉ ET FEAL CONSEILLER EN NOSTRE CONSEIL D' ESTAT ET PROCUREUR GENERAL EN NOSTRE COURT DE PARLEMENT DE PARIS , LE Sr DE LA GUESLE.

ostre amé et féal, Vous scavez comme nostre eedict pour la création des procureurs postulans distinctz et séparez des charges d'advocats es provinces d'Anjou, le Mayne, duché de Beaumont et Vendosmois a esté veriffyé en nostre parlement ; à l'establissement desquelz offices estant

nécessaire de pourveoir nous y aurions depputé certains commissaires lesquelz voulans exécuter ledict eedict en nostre ville d'Angers y auroient trouvé quelques difficultés et empeschemens par les advocats dudict pays pretendans faire reunir les dictes deux charges comme elles estoient auparavant la vérification de nostredict eedict, soubs prétexte de quelques frivoles remonstrances et offres par eulx faictes en nostre conseil pour le remboursement desdictz offices, dont ils auroyent esté déboutiez par deux arrescts , apprès avoir esté ouys en nostre conseil ; et a présent nous sommes advertis que combien que ledict eedict soit veriffyé, comme dict est, neantmoings les dictz se veullent encores opiniastrer obstinément à l'exécution d'icelluy tant par récusation desdictz commissaires que par forme de quelques oppositions qu'ils ont ou veullent former en nostre parlement, s'aidans par ce moyen de vostre appuy et assistance pour estre receuz en ladicte opposition, ce que neantmoings nous ne voulons croire pour la conséquence que vous scavez que telles poursuites et oppositions apporteroient au bien de nostre service, estant ledict eedict si utille et nécessaire pour l'administration de la justice que l'establissement en doibt estre désiré de tous pour le bien publicq; joinct aussy que le secours' que nous avons espéré dudict eedict demeureroit du tout infructueulx : à ceste cause Nous vous mandons et enjoignons par ces présentes que vous vous doniez bien garde de recep voir lesdictes oppositions ny y adhérer en aucune façon, ce que Nous vous deffendons très expressément à peyne de Nous en prendre à vous; estant chose à laquelle lesdictz advocatz ne peuvent et

ne doibvent estre receuz sachant bien que toutes les poursuites et traversses ne sont que pour empescher le cours de l'exécution dudict eedict que Nous voulions avoir lieu ; et à ce ne faictes faulte sur tant que desirez le bien et advancement de nos affaires, et affin qu'il n'y soit faict aucune surprise, et que nos advocats n'ignorent sur ce nostre intention et volonté vous leur monstrerez la présente, pour n'y estre aucunement contrevenu, car tel est nostre plaisir. Donné au camp devant Amiens le xviii6 jour d'aoust 1 597.

Henry.

FORGET

(Port. Godefroy, 262.)