CX1V

1597, 18 DECEMBRE. — A NOZ TRES CHERS ET BIEN AMEZ LES NOBLES, BOURGEOIS, ESCHEVINS ET HA- BITANS DE NOSTRE VILLE DE RENNES.

hers et bienamez, Jusques a ceste heure Nous avons différé noslre partement pour aller en Bretagne attendant la certitude du secours que Nous espérions de vous, pour ayder aux grandes despenses que Nous avons à faire avec nostre armée de delà, n'estant neantmoins deliberéz de retarder daventage , ains de partir au premier jour pour nous advancer et approcher de nostredicte province , Nous mandons présentement à nostre cousin le Mareschal de Brissac de presser ceste resolution, et sçavoir de vous, comme de noz autres subiectz de nostre province, ce dont nous pouvons faire estât de ceste

part que vous ne faudrez de luy faire promptement entendre et aussy tost que vous aurez advisé ce que vous debvez fournir de mettre la main et donner tout le plus grand advancement au recouvrement et fournissement qu'il vous sera possible, afin que la longueur ou remise n'apporte préjudice ou retardement quelconque au progrez que Nous espérons en Dieu faire très adventageux pour vostre commun repos et contentement. Car tel est nostre plaisir.

Donné a Saint Germain en Laye le dixhuictiesme jour de décembre mil vc quatre vingtz dix sept.

Henry.

Potier.

(* Arch. municip. de Rennes. )