Lettre du Roy apportée par l'ordinaire de Valerio

DE HENRY IV. 2S5 vostre précédente m'avoit mis en peine : car je lui souhaite toute prospérité et santé pour le bien public de la Chrestienté, pour le mien particulier et celuy de mon royaume, recognoissant combien il nous est utile à tous, et principalement à moy, qui en ay receu et reçois journellement tant de grâces et faveurs, que je désire que Sa Saîncteté croye qu'il n'y a Prince au monde qui luy soit si acquis et asseuré que moy, comme je veux que vous luy déclariez souvent, et pareillement à ses nepveux. Vous vous rejouirez doncques avec luy de sa guarison et luy direz que j'aprehende grandement la peine que luy donnera la guerre de Ferrare pour la crainte que j'ay quelle face tort à sa santé qui est à tous très chère ; car je sçay qu'il est si jaloux de sa conscience et de son honneur, que congnoissant combien l'un et l'autre l'obligent de conserver à Dieu et à son Eglize le Duché qui luy appartient, il ne voudra obmettre de ce qui y pourra servir ; en quoy je prevoy que sa bonne et droicte intention sera tousjours traversée par ceux qui, au lieu de servir Sa Saincteté et le Sainct Siège, en redoutent plus l'augmentation et accroissement qu'ilz ne debvroient faire, s'ilz avoient autant de soing de sa réputation et de son âme,, qu'ilz ont de son utilité ; ce que je crains qui aflige et tourmente trop Sa Saincteté, et enfin prejudicie à sa santé ; considérant mesmement combien Sa Saincteté est par sa naturelle prudence et bonté aliéné de toute violence et effusion de sang, et d'ailleurs combien Elle affectionne l'union et concorde des Princes Chrestiens, en cette saison que la Chrestienté estant assaillie par son ennemy commun a besoin d'assistance plus que jamais; ce

qui rendra cTaultant plus coupables envers Dieu et les hommes ceux qui desfavoriseront les armes de Sa Saincteté en la poursuite d'une si juste cause, pour la défense de laquelle vous luy direz que je me souhaite souvent auprez de Sa Saincteté pour l'assister, car je le ferois très volontiers pour recognoissance particulière des grâces qu'Elle m'a départies et m'acquitter envers le Sainct Siège du debvoir de premier filz de l'Eglize, à l imitation des Roys mes prédécesseurs , et m'exposerois encores de meilleur coeur, s'il est ainsy que les Espagnolz aient entrepris la défense de Dom Cesare, comme le bruict en est tout publicq. Mon plus grand regret est de n'avoir plus de moien de mettre en effect ma bonne volonté, et voudrois que celuy que vous m'avez escript par vostre lettre du 29e avoir proposé au cardinal Sainct George, duquel j'estime aussi vous avoir touché quelque chose par mes précédentes, peut avoir lieu ; la difficulté ne seroit qu'au recouvrement des guerres pour le regard du chasteau d'If et de Marseilles je n'en recevrois aucun empeschement. Je voy fort clair en ce qui se passe de ce costé là ; toutesfois vous ne laisserez à remercier ledict Cardinal de l'advis qu'il vous a donné; sur ce subjet doncques vous continuerez a faire offre à Sa Saincteté de ma bonne volonté, et de tout ce qui est en ma puissance, en attendant qu'il s'offre occasion de luy en faire recevoir les effectz. Plusieurs ont opinion que le Pape se voyant contredit et abandonné en ceste poursuitte par le Roy d'Espagne et les autres Princes et potentatz d'Italie , quittera la partie et se contentera d'en tirer recompense; à quoyje désire que vous preniez garde exprez pour m'en advertir et reigler pour vostre conduite.

DE HENRY IV. 257 Je vous ay escrit ma resolution pour Calais; à laquelle il semble que le Cardinal d'Austriche se vueille accomoder; de quoy le Srde Villeroy, revenu de S'Quentin, m'a dit que le General des Cordeliers, renvoyé par deçà par ledict Cardinal, medoibt donner toute asseurance, et m'a convié d'entrer plus avant en traicté , dont vous serez adverty plus certainement quand je pourray ouyr ledict General. Cependant vous tiendrez cet avis secret pour plusieurs respectz qui importent à mon service. Le Légat est demeuré audict S1. Quentin attendant le retour dudict General, par lequel nous avons eu confirmation de l'advis d'Angers contenu au billet que je vous ay envoyé avec ma despesche du 1 7me du mois passé ; duquel vous aurez un duplicata avec la présente.

J'ay faict recommander au Provincial de l'ordre des Carmes, qui demeure en ceste ville , le pere Albert Draghy, lequel vous favoriserez de vostre costé , comme vous sçavez que sa vertu et mon service le méritent.

Puisque jusques à présent nous navons eu aucun advis de la promotion des Cardinaux, j'estime que Sa Saincteté n'en aura faict devant Noël, comme on esperoit, dont je seray esclaircy par vos premières.

Je loue la poursuite que vous avez entreprise pour le Sr Séraphin , sur la vaccation de l'abbaye S' Mansus, encores que je vous aye à la fin escrit en faveur de la coadjutorerie de ladicte abbaye à l'instance de mon frère le duc de Lorraine ; car puisqu'il appartient à Sa Saincteté d'y pourveoir et qu'elle vacque , Elle en peult gratiffier ledict Sr Séraphin, sans que personne ait occasion de s'en plaindre; partant continuez d'en

faire instance sans vous arrester à mes dictes lettres. Je vous diray à ce propos que le Cardinal de Lorraine me presse d'escrire à Rome pour obtenir la Coadjutorerie de l'evesché de Metz en faveur d'un doyen de Toul duquel j'ay oublié le nom; mais jenel'ay encores faict ; et prendrez garde que ce pendant il ne s'en expédie rien par delà par surprise ou autrement, vous opposant à tous ceux qui en feront instance ; et si vous pouviez obtenir l'Induit pour les bénéfices vaccans aux eveschez de Metz , Thoul et Verdun , semblable à celuy de Bretaigne, vous me feriez un bon service; au moien de quoy continuez en la solicitation , et si vous estimez qu'il soit bon que j'en escrive à Sa Saincteté je le feray.

J adjousteray icy que je n'ay peu fleschir ma soeur au faict de sa religion, pour facilliter le mariage qui avoit esté proposé avec le prince de Lorraine, de sorte que je croy qu'il ne passera oultre ; dont je suis très marry pour plusieurs considérations qui importent à mes affaires. J'auray esgard à Fadvis que vous m'avez donné en faveur du Secrétaire des Brefz; mais je vous prie, mon cousin, vous résoudre de servir par delà encores un an ; car il fault que nous voions l'issue de la négociation de la paix publicque devant que vous en partiez , pour plusieurs considérations qui ne regardent moins vostre réputation que mon service; mais je feray donner tel ordre au payement de vostre éstat ceste année que vous en serez mieux dressé que vous n'avez esté à la dernière. Je prie Dieu, mon cousin etc. Escrità Paris le 4e jour de janvier 1598.

(Dupuy, n« 212, f° 178 R°.)