FÉVRIER. — AU MÊME

| on cousin, Comme je voulois fermer mon îj autre lettre, j'ay receu la vostre du xxve de janvier, par laquelle j'ay sceu la vérité et les

particularitez de l'accord de Ferrare, dont je ne double point que nostre Sainct Pere le Pape n'ait receu grand contentement, duquel je souhaitte qu'il jouisse longuement. Par la première despesche que je vous feray je luy escriray une lestre de resjouissance, quoy attendant vous le visiterez de ma part et luy tesmoignerez la joye que j'ay receue de ce bon succez à la gloire duquel je cuide avoir part comme filz aisné de nom et d'affection du Sainct Pere et de la personne particulière de Sa Saincteté , luy disant que je ne suis marry de ce qui est advenu, que pour avoir perdu l'occasion de faire preuve de ma gratitude en son endroit et luy faire cognoistre la différence qu'il y a de ma franchise et droicte intention aux artiffices et dissimulations ordinaires de mon ennemi , avec lequel je veux bien m' accorder pour le respect de Sa Saincteté et du bien gênerai de la Chrestienté , mais non pour autre considération, car s'il fault que la guerre dure, j'espere que Dieu me fera justice de son usurpation et du mal qu'il m'a faict pour assouvir son ambition, et encores

que mon royaume ayt besoin de repos, toutesfois je désire que Sa Saincteté et tout le monde sçache que je ne l'accepteray jamais aux dépens de ma foy ny de mes amis et alliez, quoy qu'il en puisse arriver, comme j'ay tousjours déclaré , et dont je ne me despartiray point, et d'aultant que par mon aultre lettre je vous ay mandé en quelz termes est de présent la negotiation de ladicte paix , je ne vous en feray redicte. Mais quant au duc Mercoeur sa condition empire d'heure à autre , si bien que j'estime qu'il a plus grand besoing d'assistance et que l'on ayt commisération de luy, qu'il n'a d'estre admonesté et persuadé à se recognoistre et s'acquicter de son debvoir en mon endroit, toutesfois puis qu'il a pieu à Sa Saincteté prendre la peine de luy en escripre et de commander son Légat d'en faire office envers luy, cela ne pourra servir qu'à le ranger tant plus tost et avec plus de descbarge, je ne diray à son debvoir, mais à son propre salut , car je n'ay pas tant de besoing de l'un qu'il a de pourveoir à l'autre, comme j'espere que chacun cognoistra en peu de temps. Je m'attendz aussi d'estre faict certain par les premières de ce que deviendront les forces qu'a retenues Sa Saincteté sur les discours qui s'en font, comme chose qu'il importe que je sçache pour plusieurs considérations , partant mettez peine d'en approfondir la vérité pour m'en advertir; et si nostre Saint Pere va à Ferrare je désire que vous l'y accompagnez ayant sur cela faict une bonne recharge à ceulx de mon conseil affîn qu'ilz donnent ordre à vostre entretenement, tant de l'année passée que de la présente , pour vous donner moyen de faire ce voyage, auquel je ne doubte point que Sa Saincteté ne face une création de Cardi-

DE HENRY IV. 261 naulx, si elle ne Fadvence, auquel cas il sera nécessaire que vous vous trouviez auprès d'Elle pour luy ramentevoir ses promesses et ceux que je luy ay recommandez, entre lesquelz puis qu'il n'y a moien de vaincre Sa Saincteté pour le Sieur Séraphin , jauray à plaisir que les deux desquelz vostre lettre faict mention soient préférez aux autres. A tant je prie Dieu, mon cousin, qu'il etc. Escript à Arthenay le vingt uniesme jour de febvrier 1 598.

(Dupuy, n« 212, f'° 199

GXVII

1598, 21 FÉVRIER. — A NOZ CHERS ET BIEJN AMEZ LES NOBLES, BOURGEOIS ET HABITANS DE NOSTRE VILLE DE RENNES.

hers et bien amez, vous ne debvez douter désormais de nostre acheminement pour le secours de nostre province de Bretaigne. Le Sr de Cucé, que nous faisons advancer en nostre ville d'Angers pour tenir la main a ce que s'y offre pour Temploy de nostre armée, vous mandera le lieu ou nous sommes et la resolution par nous prise de ne retarder pas le chemin que nous ne soyons en nostre ville d'Angers ou ayant a trouver toutes les forces que nous y assemblons pour composer nostre dicte armée, il est 1res nécessaire que nous ayons en main de l'ar-

gent pour les contanter, faire espérer tout bon traictement pendant qu'ilz serviront en nostre dicte province. Mettez donc toute la peine qu'il vous sera possible pour faire fournir ce que vous avez promis pour le premier mois que nous entrerons en nostre dicte armée, et qu'il n'y ait aucun retardement de

nostre part qui sans doubte

.... avec la réputation de noz dictes affaires empescheroit quant et quant l'effect et exécution de noz desseings au grand préjudice de nostre service. Nous avons donné charge audict sieur de Cucé recevant de vous la response des présentes de la nous faire tenir avec laquelle vous nous advertirez s'il s'offre quelque chose par l'advancement desdictz deniers qui requiert daventage de nostre authorité , afin de pourvoir ainsy qu'il appartiendra. Donné à Thoury le vingt ungme jour de feburier mil vc mixx dix huict.

Henry.

Potier.

( * Arch. mun. de Rennes.)