OCTOBRE. — AU PAPE

Lettre du Roy au Pape pour la dispence d'un mariage (celui de M. le Connestable), contracté entre personnes aliées.

REssainctPère, Après la mort de feue Dame***, nostre cousin, ayant recogneu l'amitié que luy portoit et à ses enfans, ** seur germaine de la mere de ladicte, l'auroit, nonobstant ladicte proximité dont elle luy attouchoit à cause de sadicte femme, espousée en face de saincte Eglise sur l'espérance qu'il avoit conceue que Vostre Saincteté, en luy départant ses grâces, luy donneroit la dispense requise en cesî endroict, pour avoir contracté ledict mariage au degré prohibé et deffendu par les sainctz decretz et constitutions canoniques ; et encores que les grandz et signalez services que nostredict cousin et les siens ont faictz à la religion catholicque et à cest Estât le r endent assez recommandable pour obtenir de Vostre Saincteté les grâces dont il s'est rendu digne; toutesfois nous y avons bien voulu joindre nostre intercession par ceste lettre , par laquelle nous prions et requérons Vostre Saincteté autant affectueusement que faire pouvons qu'il luy plaise accorder à nostre dict** la dispence qui luy est nécessaire pour avoir contracté ledict ma-

riage avec ladicte Dame1 ** audict degré défendu; et vostre dicte Saincteté favorisant de ladicte dispence ledict mariage obligera grandement nostredict cousin à continuer en la bonne volonté qu'il a de servir à l'Eglise de Dieu , et nous fera en particulier plaisir très grand et très agréable ainsi que le Sieur de Syllery, conseiller en nostre conseil d'Estat et nostre Ambassadeur par delà, vous fera cognoistre plus amplement. Et à tant nous prions Dieu, Très Sainct Père, qu'icelle Vostre Saincteté il veille maintenir, garder et préserver longuement et heureusement au bon régime, gouvernement et administration de nostre mere Saincte Eglise. Escrit à Fontainebleau le vne jour d'octobre 1599.

(*Dupuy, no 3, f" 113 R°.)

4599, 9 DÉCEMBRE. - A M' DE SILLERY, CONSEILLER EN MON CONSEIL D'ESTAT ET MON AMBASSADEUR EN COURT DE ROME.

oNSrde Sillery, J'escripts à Nostre Sainct Pere le Pape les lettres que vous luy présenterez et suyvant icelles vous employerez, intercéderez et tant ferez envers Sa Saincteté que le bon

1 Laurence de Clermont , cousine germaine de Louise de Budos , seconde femme du Connétable.

plaisir d'icelle soyt à ma nomination, prière, requeste et suplication pourveoir Me Lancelot de Mulet de l'abbaye Ss Pierre de Vertueil, en Médoc, ordre de S8 Augustin , diocèse de Bordeaux , vaccante par la mort de feu Me Guillaume de La Chassaigne , dernier abbé commandataire et paisible possesseur d'icelle; luy en octroyant et faisant à cette fin expédier toutes et chacunes les Bulles et provisions apostolicques qui pour ce luy seront nécessaires , suy vant les mémoires et suplication s qui en seront présentées à Sa dicte Saincteté et vous me ferez service très agréable. Priant Dieu qu'il vous ayt , Monsr de Sillery, en sa saincte et digne garde. Escrit à Paris le 9e jour de décembre 1 599.

Henry.

Ruzé.

(Port. Godefroy, 262.)

GXXXVIII

1599, 31 DÉCEMBRE. — A MON COUSIN LE CARDINAL D'OSSAT, MON AMBASSADEUR A ROME

| on cousin, Je vous prie de présenter à nostre » très sainct Père le Pape les lettres que presentement je luy escripts et suivant icelles

intercedder et tant faire envers sa Saincteté que son bon plaisir soit à ma nomination , prière et requeste

pourveoir Mr Tristan Guillemyer du prieuré commendataire de Sainct Clément de Quiberon , ordre de Sainct Benoist, diocèse de Vannes, et Mr Jehan Vallet de l'abbaye de Nostre Dame du Mont Sainct Martin , ordre de Premonstré , diocèse de Cambray ; lesdicts prieuré et abbaye vaccans par les cessions de cornmendes et permutations qu'ont respectivement faictes d'iceulx lesdictz Guillemyer et Vallet, leur en octroyant et faisant à ceste fin expédier toutes et chacunes les Bulles, dispenses et provisions apostolicques nécessaires, suivant les mémoires et supplications qui en seront présentez à Sadicte Saincteté, avec reserve audict Guillemyer de soixante six esc us, deux tiers de pension, sa vie durant, sur le revenu d'icelle abbaye. Ce faisant vous me ferez plaisir très agréable. Priant Dieu qu'il vous ait , mon cousin , en sa saincte et digne garde. Escript à S1 Germain en Laye le dernier jour de décembre 1599.

Henry.

Ruzé.

(Port. Goclefroy, 262.)

2yy

1600 , 3 JANVIER. — A MONSIEUR DE SILLERY, CONSEIL- LER EN MON CONSEIL D' ESTAT ET MON AMRASSADEUR A ROME.

*| owsieur de Sillery, Je vous prie présenter a h notre 1res S1 Pere le Pappe les lettres que présentement je luy escris pour la résignation que M1 Claude Sublet a faicte du prieuré de Ste Marye du boys de Allonne, ordre de Granimont, diocèse de Poictiers, en faveur de Mr Michel Sublet, clerc au diocèse de Paris son frère, et suyvant icelle vous employer, intercéder et tant faire que le bon plaisir de sa Saincteté soyt a ma nomination, prière et requeste pourveoir ledict Mr Michel Sublet du dit prieuré de Ste Marye luy en faisant a ceste fin expédier toutes les lettres, bulles, dispenses et provisions apostolicques qui pour ce luy seront nécessaires suyvant les mémoires, supplications et procurations qui en seront présentées a sa dite Steté et vous me ferez service très agréable. Priant Dieu, Monsieur de Siliery, quil vous ayt en sa sainte garde. Escript a Paris le 3e jour de janvier 1600.

Henry.

De Neuf ville.

(Port. Godefroy,263.)

1600 , 28 AVRIL. — A MONSp DE THOU, CONSEILLER EN MON CONSEIL D'ESTAT, ET PRESIDENT EN MA COURT DE PARLEMENT DE PARIS.

îhi oNsr. de Thou, Je vous prie de vous en venyr icy et de vous y rendre dimanche au soir; c'est pour chose que j'ay fort a cueur et ou vostre présence me sera très agréable; hastez vous doncq de venir. Et n'estant ce mot à aultre fin , je prie Dieu qu'il vous ait, Monsr de Thou, en sa saincte garde. Escrit à Fontaynebleau ce xxvmme d'avril 1 600.

Henry.

De Neufville.

(Fonds Dupuy, 801, f° 189.)

GXLI

1600, 3 MAY. — A NOZ AMEZ ET FEAULX CONSEILLERS LES GENS TENANS NOSTRE COURT DE PARLEMENT DE ROUAN.

ous avons faict voir en nostre conseil voz remonstrances du vingt huitiesme jour d'apvril dernier passé, sur nostre edict de la vente et revente de nostre domaine en nostre pays de Normandie jusques à la somme de deux cent mil escuz, par lesquelles remonstrances, au lieu de suivre nostre volonté et intention en la veriffication du d. edict, suivant les très exprès commandemens que nous vous en avons faict , vous nous suppliez de députer des commissaires de la province pour casser les contracts simulez et desguisez, mesme retirer nostre domaine vendu ou engagé a petit et vil prix et moindre qu'au denier dix, et d'aultant qu'il ne s'agit maintenant de l'estimation mais de faire promptement recouvrance de la dite somme de deux cent mil escuz pour subvenir a noz besoins et pressez affaires suivant Testât que nous en avons faict, après avoir ez nostre dit conseil pareillement délibéré sur vos dites remonstrances qui y ont este veus, entendues et considérées, nous vous mandons cette fois pour toutes que sans vous arrester aux raisons portées par vos dites remonstrances, qui n'entendent au bien ny aux causes

notifiées (ficelles, vous ayez a procedder promptement à la veriffication pure et simple de nostre dit edict et iceluy faire publier et enregistrer ez registres de nostre court, pour estre exécuté selon sa forme et teneur, sans y mestre d'aultre longueur, modification, restrinction, reffus ou difficulté soubz quelque couleur ou prétexte que ce soit, et sans attendre de nous une plus expresse jussion ou déclaration de nostre volonté que nos lettres présentes, qui vous serviront de toutes autres jussions ou commandemens de bouche ou par escript que vous pourriez désirer de nous , d'aultant que nous avons a coeur la veriffication du dict edict et n'entendons qu'il y fut mis aucun empeschement, mandant en oultre a noz advocatz et procureurs generaulx ez nostre court de requérir et poursuivre la veriffication pure et simple de nostre dict edict, car tel est nostre plaisir, nonobstant vos dictes remonstrances et les arretz du reffus que vous donnez au dit edict, que nous voulons avoir lieu, et quelconques autres arretz; ordonnances, restrinctions, mandemens defensifs et lettres à ce contraires auxquelles nous avons par ce regard dérogé et dérogeons par nosdites présentes. Données à Fontainebleau le troisme jour de may l'an de grâce mil six cent et de notre règne l'onzième.

Henry .

De Neufvillf..

(Bibl. Mazarine, Ms. 1549, f°73.)

1C00, 2 JUIN. — A MONSIEUR DE SILLERY, CONSEILLER EN MON CONSEIL D'ESTAT ET MON AMRASSADEUR A ROME.

onsieur de Sillery, Je vous prie présenter a notre très S* Pere le Pappe les lettres que présentement je luy escris et suivant icelles vous employer intercedder et tant faire envers sa Sleté que le bon plaisir d'icelle soit a ma nomination, prière et requeste pourveoir M1 Charles de Silly, eleve du diocèse de Thoul, de labbaye Notre Dame de Rieval, ordre de Premonstré, diocèse dudit Thoul, vaccante par la résignation qu'en a faicte en sa faveur Mr Denys de Coulomp dernier paisible possesseur d'icelle, a la réservation toutesfois de la somme de cinquante escuz de pension par chacun an pour le dit de Coulomp sa vie durant a prendre sur les fruictz et revenus de la dite abbaye, la dite pension franche et quicte de toutes charges et aultres subcides ; en faisant a ceste fin expédier toutes lettres, bulles, dispenses et provisions appostolicques qui pour ce seront nécessaires suivant les mémoires , supplications procurations et concordatz qui en seront présentes a sa dite S!eté. Et vous me ferez service très agréable. Priant Dieu

Monsieur de Sillery, quil vous ayt en sa Stc garde. Escript a Paris le 2e jour de juin 1600.

Henry.

De Neufville.

(Port. Godefroy, 263.)

1600, 8 JUIN. — A NOS AMEZ ET FÉAUX CONSEILLERS LES GENS TENANS NOSTRE COURT DE PARLEMENT DE PARIS.

'aultant que vostre arrest intervenu le vingt deuxiesme d'aoust dernier passé sur nos lettres patentes du dixiesme juing mil cinq cens quatre vingts dix neuf aussi dernier cy attachées soubz le contrescel de noslre Chancellerie pour l'exécution de nostre edict de l'an mil vc lxvii et déclarations depuis faictes sur icelluy es années quatre vingts quatorze et quatre vingts dix huict en ce qui regarde particulièrement les arrests et jugements donnez contre feu nostre amé et féal cousin le sieur de Chastillon , admirai de France, ne nous semble assez exprès pour l'importance de l'affaire, et que la mémoire de ceux speciffiez en icelluy ne sçauroit estre trop effacé de la souvenance des hommes ; ayant simplement esté dit par vostre dict arrest qu'ils seront raïez tant du greffe de nostre dicte Court que aultres et mis en marge des

Registres : Rayé par ordonnance de la Court, Sç>vom vous faisons que par nos dictes dernières lettres, et déclarations preceddentes nos voulloir et intention ont esté et sont encor que touttes les charges et informations, pièces et procédures, sentences, jugemens et arrestz donnez contre nostre dict feu cousin le sieur de Chastillon déclarez nuls par iceux esditz et déclarations seront non seullemant raiez, biffez et mis hors des greffes tant de nos Courts de Parlement que touttes aultres quelconques jurisdictions , mais entièrement supprimez, sans qu'il en puisse demeurer aucune marque ny mémoire à P advenir, non plus que de chose non advenue, ce que nous vous mandons et très expressément enjoignons de faire et à nostre Procureur gênerai et ses substituds d'y tenir la main et en requérir et en poursuivre l'exécution de poinct en poinct : car tel est nostre plaisir. Donné à Paris le huictiesme jour de juing, l'an^ de grâce mil six cens et de nostre règne le unziesme.

(Fonds Dupuy, 428, f° 160, r°.)

4 600, 23 JUILLET. — A NOZ AMEZ ET FEATJLZ LES GENS DE NOSTRE COURT DE PARLEMENT DE ROUAN.

ous estimions que, quand vous auriez entendu nostre volonté sur les remonstrances que vous nous avez faict présentées sur nostre edict de vente et revente de nostre domaine de nostre pais de Normandie jusques a la somme de deux centz mil escuz, vous procéderiez a la veriffication pure et simple d'icelluy, suivant ce que nous vous en avions mandé par nos Lettres de jussion du troisième de mai dernier. Toutefois, par vostre arrest du dixiesme de ce mois, vous avez ordonné que nous serions très humblement supplié de vous dispensé de procedder a la dicte veriffication, de quoy nous sommes aussi mal satisfait comme de vos aultres reffuz precedens , veu les commandemens sy souvent réitérez que vous en avez reçu de nous et la déclaration que nous vous avons faicte qui estoit chose qui regardoit le bien et advantage de nostre service, et par ce que nous continuons tousjours ez semblable désir de veoir la veriffication de nostre dit edict pour les causes qui nous ont mu de le faire expédier, A ces causes nous voulons et vous mandons que, sans plus tarder ny délayer davantage, vous ayez , toutes aultres affaires escartez

et postposez pour quelque occasion que ce soit, a veriffier purement et simplement nostre edict sans aucune modiffication, reffuz ou difficulté ainsy qu'il vous a esté par nous cy devant mandé et ordonné, n'attendant sur ce plus exprès commandement de nous, soit de bouche, ou par escript, que ces présentes signées de nostre main que vous recevrez pour dernières finalles jussions que vous pourriez avoir espéré de nous ez cest endroit, mandant a nos advocatz et procureurs generaulx et nostre dicte court, poursuivre diligemment et instamment la verriffication pure et simple de nostre dict edict, requérir promptement tous consentemens et faire les réquisitions nécessaires. Car tel est nostre plaisir, nonobstant vosdictes remonstrances et supplications que nous tenons pour faictes, ouyes et entendues et quelconques edictz , ordonnances, mandemens differens et lettres a ce contraires, auxquelles à la desrogatoire de la desrogatoire y contenues nous avons desrogé et desrogeons par lesdictes présentes. Donné à Lion le vingt troisiesme jour de juillet Tan de grâce mil six centz et de nostre règne le onziesme.

De Nfufvillf.

(Bibl. Mazarine, Ms. 1S49, f° 79.)

CXLY