AOUST. — A MONSIEUR DE SILLERY

onsieur de Sillery. Mon grand escuyer sera porteur de la présente, laquelle il a charge de vous faire tenir si tost quil sera arrivé a Florence. Elle servira de responce a votre lettre du xxue du mois passé, de la réception de laquelle je vous ay faict donner advis par le sieur de Villeroy , par une lettre quil vous a escripte le xme du présent qui vous a este envoyé par Florence , par laquelle vous aurez aussi esté adverty des termes ausquels je me retrouvois lors avec le duc de Savoye , et comme la resolution que javois prise de ne perdre plus de temps a l'attacquer ne me permectoit dattendre le patriarche de Constantinople, ayant jà commandé au mareschal de Biron dassaiilir la Bresse , et au sieur de Lesdiguieres dentrer en Savoye, cognoissant que le dit duc de Savoye navoit aultre but que de mamuser et faire suspendre mes armes soubs prétexte de traicter, affin de pouvoir avec plus de loisir et commodité munir ses places de gens de guerre et se fortifier de ceulx que Ion dict que Don Jean de Mandoct1? luy a offerts de la part du Roy d'Espagne, or Dieu a tellement

1 Mendoza,

favorisé mes armes que ledit mareschal s'est rendu maistre de la ville de Bourg en Bresse et du pont dain , et ledit sieur de Lescliguieres de la ville de Montmellian, assez heureusement, encores quils ayent rencontré ceux qui les gardoyent sur leur armes, mais la justice des miennes qui est notoire a tout le monde les a faict prospérer de sorte que jay perdu fort peu d'hommes en ces deux exécutions, qui ont este faictes en mesme temps, Je me suis aussi acheminé en ceste ville pour soubstenir et favoriser le dit sieur de Lesdiguieres, lequel je fais compte de joindre des demain auprès de Chambery, soit que la ville se rende par composition comme il y a apparence quelle fera, ou que je soit contrainct de la forcer, résolu de pousser ma fortune jusques aux derniers passages de laSavoye en Piedmont , et my arrester jusques a ce que jaye nestoyé la Savoye et la Bresse avec le pais que jauray laissé derrière ou que le dit duc parle aultre langage que celuy quil a tenu jusques a présent, j'estime que ledit patriarche sera de présent arrivé à Lyon accompagné du — et chargé de parolles de la part du dit duc , qui sattend tousjours de m'en repaistre en se mocquant de moy et se jouant de sa foy. Mais jespere que Dieu men fera la raison ; tout mon desplaisir sera celuy que je scay que sa Stelé recepvra de ceste guerre, tant j'affectionne son contentement. Mais je la supplie quelle en accuse ceux qui en sont cause mectant en considération les debvoirs ausquels je me suis mis pour lesviter, tant devant que depuis l'accord faict a Paris avec ledit duc lequel na moins mesprisé ma patience que sa foy, pour contenter sa convoitise et triompher de son usurpation,

chose que je nay peu endurer plus longuement, et veulx croyre, sil plaict a sa dite Steté de raectre a part les considérations de la tranquillité publicque quelle louera plustost quelle ne condamnera ma procédure et ma résolution, qui ne tend que a recouvrer ce qui mappartient et apprendre au dit duc quil ne doibt se mocquer de sa foy et d'ung prince tel que je suis, comme il a faict jusques a présent, protestant den estre passé si avant avec tous les regretz du monde et contre mon cœur, aultant pour la révérence que je porte a sa Steté que pour le peu de besoing que je recognois que mon royaume et lestât présent de mes affaires avoient d'entrer en guerre. Mais ledit duc my a porté comme par force pour conserver ma réputation et esviter ung plus grand mal, estant certain que la présomption qui a transporté jusques a présent ledit duc avoit besoing destre refrénée non moins que sa convoitise insatiable laquelle il ne ma que trop descouverte quand je lay veu ; car il na tenu a luy , quil ne m'ayt embarqué a faire la guerre au Roy d'Espagne , et, si je neusse esté plus jaloux que luy de lobservation de ma foy et du repos de la chrestienté, je neusse rejeté les offres quil raen a faictes ; car, a prendre les choses humainement, je y eusse plus gagné que perdu, daultant que jeusse a peu de frais facillement engagé ledit duc a troubler les estats dudit Roy d'Espagne et des aultres potentats d'Italie dont, si les evenemens eussent este incertains, du moins les pais du dit duc en eussent porté les premiers efforts comme il eust faict le principal blasme et reproche de ce qui sen fust ensuivi ainsi que vous avez peu remarquer par les langages que vous a tenus a Rome sur ce subject l'ambassadeur

du dit duc, encores quils nayent esté a beaucoup près si libres et presciz que ont esté ceux avec lesquels ledit duc sest esforcé de mesbranler. Mais il a trouvé ma foy trop ferme et constante pour ses espérances et extravagances, quoy voyant il a eu recours a ses ruses tant envers ledit Roy d'Espagne que envers moy , et maintenant envers sa Steté, ayant par icelles mis ledit Roy en telle jalousie et umbrage de moy, quil se Test rendu favorable, don procède tout le mal. Car si ledit Roy eust voulu s'esclaircir avec moy desdits umbrages, je leusse rendu contant, dautant que je luy eusse donné toute occasion de croyre que je nay aultre but et desseing que de recouvrer du dit duc ce qui m'appartient , vivre en paix et amitié avec tous mes voisins; mais, au lieu de ce faire, il apresté l'oreille au dit duc et luy a donné des espérances qui luy ont faict oublier sa foy, mespriser la justice de ma cause avec ma personne et mes armes et bazarder ses propres pais pour contenter sa passion. Maintenant il veult continuer a nous abuser soubz le nom de sa Stelé, sesforçant de luy faire croire quil veult accomplir de bonne foy le traicté de Paris, et me rendre mon marquisat, pourveu que je luy rende ce quil luy appartient. Mais en effet il ne veult que allentir mes armes pour se prévaloir du temps a mon dommage et a ma honte comme il a faict jusques a présent. Mais soyez asseuré que je ne my fieray jamais et certes il neust refusé la forme d'exécuter ladite restitution de nos places que je luy avois proposée sil eust eu envie de bien faire ; car il ne sen pouvoit trouver de meilleure ny plus seure ainsi que je vous ay escript, et si sa Steté entreprend de cautionner les promesses du dit

duc sans bons gages elle y sera trompée, toutesfois quand jauray ouy le dit patriarche, jen pourray parler plus seurement , dont je vous donneray advis. Cependant vous asseurerez sa dite S,eté que comme je nay point changé de volunté aussi je .... tousjours a mon premier but qui est de recouvrer ce qui mappartient par les voyes permises a tous princes ausquelz la justice est desniée, il est vray que le dit duc mayant faict entrer en ceste guerre avec beaucoup de frais et d'incommoditez, j'entends qu'il m'en recompense et quil l'amande de façon quil n'y demeure rien du mien , ayant sceu que ledit duc non seullement a sceu que je ne m'atacquerois jamais a luy par la voy des armes, mais que les ayant prises je serais tousjours très aise de les poser pour avoir ledit Marquisat de sorte que, en tous cas, il en serait quicte pour le rendre, en quoy jespere Dieu me fera la grâce de luy faire cognoistre quil sest doublement mesconté ; je ne doibs doubter que ledit Roy d'Espagne ne se range du costé dudit duc principalement si ce jeu dure, quand mesmes il nauroit du commencement volunté de sy engager pour l'interest quil a non tant a la conservation du dit duc que a mon accroissement, toutesfois je feray tout ce qui me sera possible pour l'esviter, affin de ne rompre avec luy, comme vous direz a sa Steté a la prudence de laquelle je remectz de faire pour ce regard les dilligences et offices qui deppendent d'Elle, l'asseurant quils seront tousjours receux de moy avec la révérence que je luy doibs, et ne fauït point s'attacher a l'inégalité de la recompense , que jay voulu avoir du dit duc pour ledit marquisat ny a l'importance delà ville de Pignerol qui a apporté

jalousie aux Espagnols, car si on m'eust rendu le dit marquisat je feusse demeuré contant , mais si Ion espère ou désire me faire quicter le mien soubs prétexte des jalousies que les Espagnols ont de moy l'on sabuse grandement, car je couperay ma teste plustost que de céder a l'injustice et obstination de pareilles demandes, ny recepvoir la loy de ceux de qui je ne la doibs ny veulx prendre, et fault que le Roy d'Espagne se fie de moy comme je me veulx fier de luy croyant qu'estant rentré au dit marquisat, il m'aura pour bon et paisible voisin de ce costé la comme il a ailleurs par ou je le pourrois troubler aussi facillement et avec aultant ou plus de prétexte que par le costé d'Italie si je le voulois faire et avois lame aussi inquiète que a ledit duc; mais je suis trop jaloux et soigneux de l'observation de ma foy et de lentretennement de la paix publicque dont je suis prest de donner a sa Steté et mesme au dit Roy d'Espagne toutes les asseurances raisonnables qui me seront proposées , ayant assez faict cognoistre en traictant avec ledit duc de Savoye, lors quil estoit a Paris, que je n'affectionnois pas tant d'avoir ung passage en Italie , comme il a donné a entendre au dit Roy d'Espagne, car je luy feiz dire que sil avoit si grand envie de retenir le dit marquisat, je le luy laisserois en me baillant la Bresse avec le Buge et Veronne qui sont deca les monts, il ne vouleust entendre, enfin il vouldroit avoir le mien et le recompenser a sa porte, cbose qui est aussi insupportable que injuste. Or le dez en est jecté, ou il me rendra ce quil m'appartient, ou je m'en recompenseray sur le sien, et si les Espagnols l'assistent contre moy , je me revancheray le

mieux que je pourray. Mais de donner Pignerol a son opiniastreté, ny a la jalousie mal fondée du dit Roy d'Espagne sans une recompense raisonnable, non en argent (dont je fais peu de compte) mais en terres de mesrae pris et valleur, je ne le feray jamais quoy qui en puisse arriver ; je ne demande que le mien tout simplement. Quelle raison y a il de me le desnier et sur cela se prendre a moy de la dureté et légère créance des aultres. Suppliez sa Steté de ne désirer et actendre de moy aucune action indigne du lieu que je tiens et du courage que Dieu ma donné , et suivant son equanimité et bonté accoustumée se ranger du costé de la raison en tenant la balance esgale affin que chacun sy assubjestisse , car c'est le seul moyen de maintenir la paix publicque quelle affectionne tant et de me faire poser les armes, ce que je ne feray jamais aultrement, ainsi que vous direz a sa dite Sleté. Au demeurant, je suis très asseuré que vous n'avez rien dict a l'ambassadeur du dit duc, que vous n'avez deub luy dire, partant ne soyez en peyne de ce que a voulu faire croire ledit duc ; ce sont des inventions et cautelles ordinaires et naturelles qui luy feront a la fin plus de mal que a ceulx auxquels il le procure pensant s'en advantager.

Envoyez moy lexpedition du jubilé pour ceux d'Orléans si tost que vous l'aurez retirée et daultant que vous entendrez mon intention sur l'expédition de larchevesché de Sens par une lettre que je vous ay escripte exprès sur ce subject la, je ne vous en feray redicte.

Mais vous asseurerez sa Stc,é que je suis très marri de la faulte faicte a Papa par ceulx qui se disent mes

DE HENRY IV. 31o

subjects encores que Ion die que la rigueur du traie tement que leur y a faict souffrir le comte de Schonarchenbourg les y a forcés, car rien ne les en peult excuser. Cest pourquoy j'en feray voluntier faire justice s'ils retournent en ma puissance comme vous direz a sa Ste,é, mais, comme vous luy avez dict, il est certain que telles gens ont este levés par des Cappitaines lorrains et non par des francois, car je ne scache point quil y ayt Cappitaines de mes subjects qui soit allé servir en Hongrie, toutesfois je m'en feray mieux informer affin de faire justice des coulpables.

Je vous ay escript que je suis d'advis que le sieur Séraphin passe par icy allant trouver ma sœur, affin d'estre instruict de nous du chemin et moyen quil aura a tenir pour mieux exécuter et faire succéder sa charge (suivent sept lignes chiffrées).

Je prie Dieu, Monsieur de Sillery, quil vous ayt en sa Ste et digne garde. Escript a Grenoble le xiiiï6 jour d'Aoust 1600.

Henry.

De Neufville.

(Port. Godefroy, 263.)

1600, 29 AOUST A MONSr DE FRESNES , CONSEILLER