NOVEMBRE. — AUX ESCHEVINS DE NOSTRE VILLE DE CORBEIL

hers et bien amez nous avons commandé à nostre très cher et amé cousin le maréchal de Brissac de remettre les sieurs de Villeroy et d'Alincourt en possession du gouvernement et capitainerie de nostre ville et château de Corbeil dont ils sont pourvus à la survivance l'un de l'autre.

Au moyen de quoi nous voulons et vous mandons que vous ayés doresnavant à recognoistre lesdits sieurs de Villeroy et d'Alincourt et à leur obéir, tout ainsi que vous faisiez à nostre cousin le maréchal de Brissac et n'y faites faute, car tel est nostre plaisir.

Donné à Fontainebleau le xie jour de Novembre

Henry.

Potier.

(* Archives municipales de Corbeil, original.)

1607, 8 SEPTEMBRE. — A NOSTRE AMÉ ET FÉAL LE Se DE LA FRESNAYE, LIEUTENANT GENERAL AU BAIL- LIAGE DE CAEN.

'| ostre amé et féal. Sur l'advis que nous avons |2 eu de la maladie du prieur de l'Hostel Dieu de Caen desirons au cas qu'il en decede que Claude Collin demourant au collège roial soit appelé à ceste charge comme s'en estant rendu bien digne par sa vertu et doctrine. Nous vous faisons la présente pour vous dire que vous ayez en vostre particulier à vous porter activement à son eslection et aussy de disposer les eschevins et aultres qui doivent assister à rassemblée qui se fera sur ce subiect de faire le semblable le préférant à tout aultre qui se pourroit présenter comme personne que nous vous recommandons et de laquelle nous desirons l'avancement et promotion et ayant remis le surplus de ce que nous avions à vous en dire sur le Sr de La Serre nostre advocat que vous voirez laians aussy chargé de faire entendre nostre volonté aux eschevins et principaux bourgeois de nostre d. ville auxquelz vous ferez savoir ce que nous vous en mandons par la présente à ce qu'ilz nayent suget d'en douter. Sy ny faictes faulte sur toute l'affection que vous avez au bien de nostre ser=

vice. Car tel est nostre plaisir. Donné à Paris le vme jour de septembre 1607.

Henry.

Dr Lomenie.

(* Archives municipales de Caen.)

CGII1

1607 , 49 NOVEMBRE. — A NOS CHERS ET BIEN AMEZ LES ESCHEVINS , MANANS , ET H ABIT AN S DE NOSTRE VILLE DE CAEN.

hers et bien amez, nous vous avons il y a quelque temps escript sur le subject de l'administration de l'Hostel Dieu de nostre ville de Caen et mandé ou ceste place viendroit à vacque nous desirions que Mr Claude Colin principal, du colege de nostre d. ville, y fust estably pour l'asseurance que nous avons de fort bonne part que telle charge ne peult estre commise à personne plus pieuse et soigneuse du bien et bon traictement des pauvres et capable de l'administration et gouvernement de ce qui dépend dud. Hostel Dieu. Et parce que nous sommes advertis que depuis ce temps le prieur dud. Hostel Dieu est decedé, et que plusieurs désirant de se prévaloir de lad. charge font des brigues de toutes partz, et par induction contre nostre susd. volonté et au mépris dicelle sefforcent de tirer de vous le gouuernement dud. Hostel Dieu, ne pouuant nous per-

suader que vous ayez en cela autre volonté que la nostre entièrement portée au bien desd . pauvres et du public, nous vous l'avons derechef voulu déclarer par la présente et vous mander de vous y conformer et asseurer du contentement que nous aurons de la veoir effectuer, comme au contraire nous aurons toute occasion de nous plaindre de vous si faisant autrement vous admettez aud. Hostel Dieu quelqu'autre que ce soit que led. Colin. Ny faictes donc faulte, car tel est nostre plaisir. Donné à Fontaynebleau le xixe jour de novembre 1607.

Henry.

Potier.

(* Archives municipales de Caen.)