DE LENONCOURT

Lettre du Roy Henri lY au card. de Lenoncourt ; luy demande advis sur les poursuittes qui se faisoient contre ceux de La Charité, et sur la translation du siège episcopal d'Auxerre audit lieu de La Charité; le prie d'y bien prendre garde; luy donne advis qu'il va combattre l'armée du Pape, jointe au duc de Lorraine, si elle entre dans son Royaume.

ON cousin, j'ay esté adverty que Ton a commencé depuis peu à faire quelque poursuitte 3t^^^9^ contre aucuns habitans de ma \iile de La Charité, recherchans leurs deportemens et actions es années un" et lorsque ceste guerre a commencé, encore que depuis ilz ayent faict le serment de fidellité et faict congnoistre en toutes occasions la volonté qu'ils ont de me servir et aider à la conservation de madicte ville, et parce que telle poursuitte pouroict tirer à conséquence , non seullement pour ceulx qui ont quiclé le parti de la Ligue pour se remettre au droit chemin, que pour les autres qui auroient volonté de faire le semblable à Tadvenir, je vous prie arrester par vostre prudence le cours de telles poursuites, car je n'entendz auculnement que Ton recherche mes subjectz de faultes qu'ilz ont faictes du temps passé , nioiennant que du depuis ilz se soient rangez au debvoir qu*ilz me

doibvent. J'ay aussy apris que aucuns desiroient la translation du siège d'Auxerre en la ville de La Charité, et que mon cousin le duc de Nevers m'a faict entendre qu'il ne pouroit s'accomoder sans qu'il y eust dispute entre mes officiers , estant La Charité du ressort de S* Pierre le Moustier et non de celluy d'Âuxerre ; oultre qu'il crainct que telle nouveauté aportant altération et quelque changement en madicte ville de La Charité, laquelle il a par sa prudence et dextérité très bien conservée en mon obéissance et avec peu de frais de gens de guerre , ainsi que vous mesmes , estant sur les lieux, l'avez peu congnoistre et expérimenter en vostre particulier. Je vous prie m'en envoyer vostre advis; et pendant que vous serez de par delà empeschez que en l'un et en l'autre des affaires susdictes il ne se face aulcune poursuitte qui puisse altérer le repos demesdictz subjectz ny prejudicier à mon service, comme je m'asseure que vous ferez. L'armée du Pape est joincte avec le duc de Lorraine, où le duc du Maine est aussy arrivé ; s'ils entrent en mon Roiaulme, je suis résolu de les combattre. Je pars présentement avec partie de mon armée pour aller voir la leur, laquelle est logée à dix lieues de moy . S'ilz me donnent le loisir d'approcher d'eux , j'espère que ce ne sera sans leur faire sentir ma venue, et selon le succès que Dieu m'en donnera, je vous en donneray advis. Sur ce je prie Dieu, mon cousin, qu'il vous ait en sa saincte garde.

D'Attigny, ce dernier septembre 1 591 .

Hewry.

Potier.

(Port. Godefroy, 262, pièce 23«.)

1592, 26 ^URS. — A MONSIEUR DE SILLERY, CONSEIL- LER EN MON CONSEIL D'ESTAT ET MON AMBASSADEUR EN SUYSSE.

ONs' de Sillery, j'ay a respondre à plusieurs de vos lettres^ je y satisferay dan s peu de jours plus amplement, vous faisant ce pendant ceste cy legière pour ne vous laisser plus long temps sans sçavoir de mes nouvelles dont je ne doubte que ce que vous aurez entendu de l'apparence qu'il y a eu d'une prochaine bataille entre deux armées qui ont este si voisines ne vous ayt rendu l'attente de sçavoir l'issue pénible et ennuyeuse ; le propre jour que je la tenois plus certaine par la démonstration que feit le duc de Parme de se vouloir advancer, ce que s'il eust faict, il ne se pouvoit plus desmeler sans combatre (ut le commencement de sa retraicte qu'il couvrit par quelque trouppe qu'il poulsa avent la nuict pour nous oster la congnoissance de son desseing et qui s'en retourna aussy tost, nous tenant d'aultre costé en jalousie de Goumay^pour ce que en deslogeant il tourna la teste de ce costé là ; mais il se contenta de quelque avantage que les assiégez avaient eu en une sortie qu'ilz avoient faicte sur noz gens qui gardoient les trenclîées contre le fort, ainsy que vous aurez peu voir par un sommaire discours qui vous en a esté envoyé, ou pour mieulx dire, de s'en servir pour excuse

de ne se hazarder au combat, encores que les assiégez n'ayent senly aultre allégement de sa venue, estant toujours demeuré le siège en Testât qu'il estoit et la ville afToiblie dliommes et de toutes commoditez; comme j'eus congnoissance qu'il faisoit retraicte, je mè mis à le poursuivre , le tenant de si près que plusieurs des siens sont demeurez diverses fois pour marque de la baste qu'il avoit de mettre la rivière de . Somme entre deux, qui a esté la borne de ma poursuite , pour m'babandonner de trop loing et par trop longtemps mon desseing d'icy, ou peu de jours après qu'il a eu passé ladicte rivière, je suis revenu, pour continuer l'entreprise de cette ville, comme j'y suis résolu, et y seray beaucoup aydé parle nouveau renfort qui m'est venu de deux mil cinq cens bons soldatz des Pays-bas et oultre que j'attends encores de jour en jour de deux mil Anglois. Ledit Duc ne s'est encores eslogné de ladicte rivière faisant semblant de vouloir assaillir Rue pour me mectre en jalousie de son retour; à quoy il pourroit aussy estre convié par le congé que j'ay donné à la pluspart des trouppes qui m'estoient venues au bruict de la bataille ; mais il y en a une bonne partye qui nesont si eslognez qu'ilz ne se retournent anssy tost icy comme il pourra avoir rassemblé ce qui s'est desbandé de son armée depuis qu'il est au delà de la dicte rivière, mesmes de ses pro* près forces, et presque de tous les François qui se sont relirez chacun chez soy. C'est Testât ou sont maintenant les affaires de ce costé et ce que vous aurez de moy, attendant ma première depesche, si ce n'est que d'aultant que vous pourriez estre en peine sur les bruictz qu'on pourroit faire courir d'un voyage que

mon cousin le comte de Soissons est allé faire premièrement pour voir sa mère qui se trouvoit mal et de là plus avant. Je vous diray que depuis trois ou quatre jours est icy un sien M* d'hostel qu'il a envoyé vers moy, pour me dire de sa part que ayant sceu que ma seur devoit estre bien tost à La Rochelle pour venir par deçà, comme je Tyay mandé, il s'estoit résolu de l'aller recevoir pour l'accompagner, luy semblant que nul ne le doit précéder en ce devoir, et me prioit de l'excuser s'il ne me Tavoit faict scavoir avant que l'entreprendre, dont je vous ay bien voulu advertir afïîn que vous scacliez que respondre, si l'occasion se présente d'en parler. Sur ce, je prie Dieu , Mons"" de Sillery, vous avoir en sa saincle garde.

Escrit au camp le xxvi" jour de mars 1 592.

Henry.

Reyoi..

(Port. Godefroy, 262, pièce 27e,)

1592, 11 JUING. — A KOZ AMEZ ET FEAULX LES GENS TENANT NOSTRE COURT DE PARLEMENT TRANSFEREE A CAEN.

g oz amezetfeaulx. Ayant cy devant considéré ^ que pour tenir la mer libre en la coste de J§ Dieppe et pour empesclier les courses et ravages que pouvoient faire les enneniiz il estoit neces-

saire dy tenir quelques vaisseaux armez, Nous aurions advisé pour lentretenement diceulx faire une imposition sur les denrées qui arrivent par mer pour estre levée tant aud. Dieppe que en nostre ville de Caen. Et sur lasseurance de ladite levée , et d'y prendre ledit entretenement nous aurions faict mettre en mer lesdits vaisseaux qui y auroient esté très utiles. Mais nous sommes advertiz que au moyen de quelques empeschemens que vous avez donné a ladite levée, lesdits vaisseaux veuUent quitter le service qui seroit un grand desadvantage non seulement en noz affaires, mais pour tout le trafic qui se faict en ladite coste, pour la seureté duquel y estant tous intéressez , il est aussi raisonnable que vous y contribuyez. Pour ceste occasion nous voulons et vous mandons consentir et permettre ladite imposition suivant nos lettres patentes qui en ont esté sur ce expédiées, considérant Tinconvenient qui peult arriver extrême si ladite coste est abandonnée aux incursions et ravages des dits ennemiz , comme elle sera si lad'' imposition est empêchée, estant le seul moyen de Tentretenement desd' vaissaux.

Donné au camp deClermontle xi' jour dejuingl 592.

Henry.

(* Archives municipales de Caen; original.)

J.^92, 4 SEPTEMBRE. — A NOZ CHERS ET BIEN AMEZ LES ESCHEVINS ET HABITANTS DE NOSTRE VILLE DE RENNES.

I^>^^^ HBRs et bien amez, Nous avons tousiours eu tel seing de vous et de nostre province de ^^^^ Bretaigne que Nous n'avons épargné aucuns de nos moyens pour vous conserver ce que vous avez assez méritté par les efTects de fîdelle debvoir duquel vous avez usé en nostre endroit depuis noslre advenement à cette couronne. Aussi voulions nous continuer aultant qu'il nous sera possible en touttes les occasions qui sen présenteront. C'est pourquoy pour excuser la charge que soulloit avoir le feu sieur de la Hiuiaudaye en nostre province de Bretaigne, Nous avons faict eslection du S' de S* Luc comme de celuy que Nous avons jugé le plus a propos pour vostre conservation et pour nostre service. 11 est homme plein de valleur et de mérite , et qui se scaura si dignement acquitter de ceste charge au souUagement de nozbonset fidelles subiectz et ù la honte et confusion des rebelles, que vous avez toutte occasion d'en recepvoir entier et parfaict contantement. Recevez le donc et vous disposez a le recongnoistre et luy obéir en ce qu'il vous ordonnera pour nostre service , suy- \ant TafTection que vous avez tousiours monstrée au

bien d'icelluy, et Nous prierons Dieu qu'il vous ayt,

chers et bien amez , en sa saincte garde. Escrit au

Camp de Provins le qualriesme jour de septembre

mil v*iiij" douze.

Henry.

RuzÉ.