MAY. — AU DUC DE LUXEMBOURG

ON cousin, Mes dernières sont du xxi^ du &'Â \^ "^ois passé, respondant aux vostres du xxif Ma et XVI de mars, par le voyage de Brasse, dont je vous ay envoyé un duplicata par un courrier depesché par le sieur Hieronimo Gondy le xxix. Hier je vous escrivis encores une lettre dont vous aurez un double avec la présente, et je vous diray sur le subjet d'icelle devant que de respondre à la vostre du nu apvril^ receue le premier du présent, que je ne puis croire que l'alarme qu'a le grand Duc que l'on le veult attaquer soit si cbaulde qu'il la prend , car il me semble qu'un tel que SaSaincteté troubleroit trop l'Italie, chose que le Pape a tousjours monstre désirer éviter; toutesfois il est très certain que les Espagnol/, sont très mal satisfaictz diidict Duc et pourroit estre que le Pape se ressouvenant des choses passées contre son père, poussé des siens plus que de son naturel , persuadé aussi de la facilité de l'entreprise que n'estime ledict Grand Duc, s'y laisseroit aller; à quoy il importe grandement à mon service que je puisse voir clair bien tost par vostre moyen. Je ne dois pas abandonner ledict Duc, quelque occasion de mescontentement qu'il m'ait donné, tant parceque son amitié m'est plus nécessaire

que jamais pour le bien de mes afTaires que par ce que je ne doibz endurer que les Espagnolz s'accroissent mesmes à son dommage , m'ayant secouru et assisté contr'eux en ma nécessité. Toutesfois conduisez vous en ce faict envers Sa Saincteté de façon qu'il ne croye que je veuille entreprendre la defTence dudict Grand Duc pour m'opposer à ses volontez, car je veux conserver sa bienveillance tant qu'il me sera possible , d'autant qu'elle ne m'est moins nécessaire que l'autre pour l'establissement de mes affaires , partant quand vous luy parlerez de ce faict, qu'il ne s'aperçoive que j'aie opinion qu'il y trempe, et fondez du tout vostre plainte sur l'ambition et convoitise du prince Doria, auteur de ce desseing et des autres ministres du roy d'Espagne, lezquelz se vantent qu'ilz y engageront le nostre et les armes de Sa Saincteté ; vous plaignant de leur inquiétude, de ce qu'en cbercbant la paix d'un costé ilz attirent en mesme temps le feu d'une nouvelle guerre pour embraser l' Italie et et renverser les saincts et louables désirs de sa Saincteté au bénéfice delà Chrestienté. Mais surtout mettez peine de descouvrir le coeur de Sa Saincteté : pour ce faict monstrez-luy de ma part toute fiance comme si je le voulois plus déférer à ses volontez en estant informé qu'à toute autre considération ; car je vous repeteray encores un coup que je veux mesnager son amitié tant qu'il me sera possible ; vous aurez donc ce poinct en recommandation sur tous autres, duquel vous conférerez confidemment avec Monsieur de Rennes, comme de tout le demeurant je veux croire qu'il aura obtenu dudict Grand Duc ce (jue vous sçavez que je luy ay faict demander par luy toucbant le Chasteau d'If et

les Isles de Pomegue, car ma demande est juste, et espère qu'il recognoistra tous les jom^s de plus en plus combien mon amitié luy est utile et doibt s'y fier. Il a opinion que ma remonstrance à Sa Saincteté sur l'entreprise que Ton brasse contre luy sera cause de la rompre , mais je ne suis de son advis : car quoy que vous disiez à Sa Saincteté il ne fault poinct doubter qu'il n'attribue audict Graïid Duc l'office que vous ferez et qu'il n'en soit indigné contre luy , principallement si Elle trempe aucunement en ce dessein ou aucuns siens, de sorte que peult estre surceoira il l'exécution pour ma considération , mais je ne pense pas qu'Elle le rompe. Je sçai bien que le temps est un souverain remède pour destourner et renverser telz orages, toutesfois le plus certain est de se mettre en estât que nos ennemis ne puissent mal faire -, il est facile audict Grand Duc de ce faire, m'aydant à construire et armer un bon nombre de navires et galleres, comme il peult faire commodément ; et prenant toute confiance de mon amitié dont je suis prest à luy donner telle asseurance qu'il vouldra; car quand on sçaura que je lui suis amy, et que l'on verra que j'auray le moien de le secourir et luy tendre la main, il est certain que personne ne l'altacquera au moins qu'il ne se mette au liazard de s'en repentir. 11 sera par ce moien plus crainct des ennemis qu'envié , ce qui n'adviendra, s'il continue à les recberclier, comme vous sçavez qu'ilz se vantent qu'il faict, et que l'on me verra sans moyen de le deffendre et assister, s'il est vivement assailly, comme il fault craindre qu'il adviendra, s'ilz se résolvent de le faire, afin de ne me donner le loysir d'aller à luy, car ilz cognoissent bien que je ne le puis

faire qu'en des Galleres, lesquelles ne se recouvrent ei arment à poincl nommé; partant il fault y penser et lijy faire voir d'heure. Je ne double point que le duc de Savoye ne favorise à ce dessein, et qu'il ne soit volontiers de la partie , estant affairé et nécessiteux et grand ennemy dudict Duc, comme il est. Quand il sera asseuré de mon costé, comme il sera par le traicté de Vervins, il y pourra employer facilement et promptement dix ou douze mil hommes qu'il a ensemble. A quoy ledict Duc doibt bien penser , afin qu'il n'en soit pj-evenu, je l'en ay faict advertir comme de toutes autres choses. Toutesfois il ne sera que bon que vous luy confirmiez les advis, s'il nous donne subject de ce faire, dont vous conférerez aussi avec ledict S"" evesque de Rennes, ayant pour but d'engager ce Prince et son Estât avec, tant qu'il vous sera possible , et toutesfois à n'offencer ny altérer Sa Saincteté et les siens que le moins que vous pourrez. Vous adviserez avec ledict S' de Rennes si vous parlerez de ce faict au cardinal Àldobrandin, en quelz termes et à quelle fin, d'autant que 1 on dict que c'est le cardinal S'. Georges qui mené ce dessein avec les Espagnolz ; à quoy vous mettrez peine aussi de voir clair pour m'en advertir.

Noz Ambassadeurs assemblez à Vervins sont tombez d'accord de toutes choses, ainsi que les miens m'ont escrit par leurs lettres du xxvi^ du passé, toutesfois ilz n'avoient encores signé les articles, ce qu'ilz debvoient faire le premier de ce mois. Il est vray que nous avons remis à l'arbitrage de Sa Saincteté les differeudz que j'ay avec le duc de Savoye. J'espère que Sa Saincteté me fera justice. Cependant il doibt rendre Berre , et demeurons nantis de part et d'autre des

autres places que nous tenons ; mais les Espagnolz me doibvent rendre à présent toutes celles qu ilz tiennent en mon royaume jus(]ues à Blavet, de sorte que j'espère que le marché s'effectuant me sera plus utile et honorable qu'autrement, avec l'ayde de Dieu et le bon ordre que j'y donneray. Vous ne ferez encores démonstration d'en sçavoir tant , sinon à Sa Saincteté, s'il vous en parle et non autrement , me donnant peu de peine des discours qu'on en fait par delà , car en cela ne consiste le fruict que nous en debvons attendre. Vous continuerez tousjours à m'advertir de ce qui s'en dira ainsi que vous avez faict par vostre dicte lettre dernière.

A.U reste continuez à rabattre doucement les poursuites des Jésuites pour leur restablissement en mon royaume, par les raisons que je vous ay escrites par mes dernières. Mais je n'ay trouvé dans vostre pacquet la lettre ny la table du Cordelier de l'ordre des Conventuelz dont la vostre faict mention ; et si vous pouvez trouver moyen d'entendre le secret qu'il me veult faire sçavoir, je l'auray bien agréable, sans qu'il vienne par deçà; trouvez en doncq le moyen, et je le trouveray de vous secourir et ayder à continuer à me servir de par delà, comme vous avez bien commancé; car il y va de mon service et est raisonnable ; mais d'autant que le S' Hieronimo Gondy vous doibt escrire les diligences qui s'y font , je ne vous en feray redite.

Pour la fm de la présente je vous diray que je suis si content du bon vouloir que le Père gênerai des Cordeliers a faict avec mon cousin le cardinal de Florence en la poursuicte du traicté de paix qui se nego-

tie à Vervins, auquel il s'est conduict avec beaucoup de prudence et équanimité , que je veux que vous le tesmoigniez à nostre Saint Père, priant Sa Saincteté de l'avoir en recommandation et l'honorer du chapeau de Cardinal, qu'il a bien mérité du pulilicq et de Sa Saincteté, et je participeray à l'obligation qu'il luy en aura. Toutesfoisj'entendz que vousfaciez ledict office, de façon qu'il ne recule la promotion de ceux que j'ay recommandez à Sa Saincteté, dont je vous prie avoir soing. Je prie Dieu, qu'il vous ayt, mon cousin, en sa saincte garde. Escrit à Nantes le nu" jour de may 1 598.

(Dupuy, 11° 212, fo226v.)