JUILLET. — AU MÊME

^^ ON cousin. Comme je voulois vous renvoyer iiivv/ l ^alerlo avec mon autre lettre, j'ai receu la "ÉS^Ç vostre du xi^ de juin apportée par Marquemont; et puis que vous n'estes pas d'advis que j'envoye par delà exprès pour de rechef saluer INostre Saint Père sur l'occasion de la paix , j'en useray ainsy, car j'avois jà quasy pris ce conseil, comme vous verrez par mon autre lettre , mais il faudra que l'evesque de Rennes et Poictevin partent au plustost pour aller visiter ces autres princes, afin de ne laisser vieillir Tof-

fice que je veux qu'ilz facent. Quaut au discours que vous m'avez escript se faire par delà sur la conclusion de ladictepaix, et la remise qui a esté faicte au jugement de Sa Saincteté du marquisat de Saluées, j'espère que le temps fera changer de langage à ceux qui craignent que le delay qui a esté pris en cela ne me face perdre le fruict que je dois attendre de la justice de Sa Saincteté : car le droict que j'ay audict marquisat est sy clair et bien fondé que je ne puis doubter que le jugement qu'en donnera Sa Saincteté ne soit en ma faveur, de quoy il suffira de parler en temps et lieu. Cependant j'auray tousjours à plaisir que vous continuiez à m'advertir de ce qui s'en dira.

Je suis certain que Sa Saincteté a en l'âme la même volonté qu'EUe vous a déclarée sur le faict du Grand Duc, qui est de conserver l'Italie en paix et plustost en pourchasser et affermir le repos qu'en favoriser le trouble : car elle faict congnoistre par toutes ses actions qu'EUe a pour but principal l'augmentation de la gloire de Dieu et de son Eglise ; et suis bien aise que vous vous soyez conduict , comme vous m'avez escript, quand vous lui avez parlé dudict Duc, lequel , s'il eustsuivy mon advis, n'eust pris l'alarme sy chaude qu'il a faict ; mais la pierre en estoit jettée quand il a receu ma despesche de laquelle je désire qu'il soit demeuré satisfaict, comme le mérite la franchise dont j'y ai procédé. Mais je ne sçay pour quoy il a retenu ladicte depesche que je vous avois escripte par luy, puis qu'il ne me la renvoyé; et sera bon que ledict evesque de Rennes le voyant s'en esclaircisse de vostre part, sans loutesfois monstrer que l'on en aytprisdeffiance, non plus que je vous assure que je l'ay prise

de la volonté en mon endroict du cardinal Sainct Georges, quoy que je vous aye escript de luy sur ce subject, car l'advis que je vous en ay donné a esté à laveu de celuv dudict Duc : partant vous continuerez à l'assurer de ma bonne volonté et à luy monstrer que j ay toute fiance en luy. Je n'ay rien à adjouster aussy a ce que je vous ay escript par mon autre lettre touchant la guerre contre le Turcq, en laquelle il semble queSaSaincteté désire m'engageravec tous les Princes chrestiens, sinon que je ne puis assez louer le désir de Sa Saincteté en cest endroict, auquel vous la conforterez de ma part quand Elle vous en parlera , atin qu'Elle crove que les moyens d\v contribuer me manqueront tousjours plustost que la volonté et le courage de le faire; car je vous assure que je m'embarqueray tousjours bien plus volontiers en une telle guerre pour le bien publicq de la Chrestienté que je ne ne me conlieray aux promesses et belles paroles des Jésuites, car j'ay trop avant esprouvé leur dissimulation et malice et la mauvaise volonté quilz me portent ; aussy sont-ilz régis et gouvernez par personnes non seulement qui ne m'avment point, mais aussy qui ont l'âme plus vindicative que religieuse. Partant destournez doucement Sa Saincteté de l'opinion qu'Elle monstre avoir de les favoriser en mon royaume , et vous me ferez service très agréable, comme vous ferez sy vous pouvez obtenir d'Induit de Metz, Toul et Verdun, dont vous m'avez renouvelle la mémoire par vostre dicte lettre ; partant ayez en soin ; et continuez à vous opposer à l'érection d'un evesché à Nancy, que l'on poursuit par delà, car c'est le moins que l'on pouvoit faire que de s'en adresser à raoy et en rechercher

mon consentement devant que de l'entreprendre, puis que les eveschez qui y ont interest sont soubz ma protection.

J'ay délibéré d'envoyer le S' de Botheru devers le Duc de Savoye pour prendre son serment sur l'observation de nostre traicté de paix. Je recommanderay par luy la dellivrance de l'admiralle de Chastillon, que j'afFectionneray comme chose qui me touche, que j'ay très à coeur et que j'estime aussy estre juste.

Je ne vous parle plus de la promotion des Cardiuaulx, car vous sçavez quelle est ma volonté sur cela, de laquelle vous continuerez à avoir soin, quant l'occasion s'en présentera ; mais je commanderay à ceux de Joyeuse et de Givry qu'ilz s'en retournent au plus tost auprès du Pape, où je sçay que leur présence est et demeure peut estre plus utille à mon service qu'en ce royaume ; jusques à présent ilz se sont excusez de ce faire sur la guerre et leurs affaires ; mais puis que Dieu nous a donné la paix, ilz y pourront mettre ordre plus facillement et promptement que devant ; partant je les feray solliciter de s'y achemyner, et ne cesseray qu'ilz ne soient partis; ne voulant pour la recommandation particulière que je vous ay faicte en faveur de l'evesque de Langres que vous changiez l'ordre que je vous ay prescript par mes précédentes depesches, touchant ceux que j'entendz estre recommandez et promeuz à ceste dignité; et vous avez très bien faict d'avoir voulu estre esclaircy de mon intention sur cela, devant que d'effectuer le commandement que je vous ay faict par ladicte lettre particuUiere et veuz que vous continuyez à en user ainsy àl'advenir en semblables occasions. J'allendz le M" de Camp Grillon pour vuider ses

prétentions acquises du temps du feu Roy , sur l'archevesché d'Arles , pour favoriser l'expédition de ce .bénéfice au nom de l'evesque d'Atry, suivant la recommandation de mon cousin le cardinal Aquaviva , lequel je désire gratifier et contenter tant qu'il me sera possible. Ledict de Grillon doibt arriver icy devant peu de jours , et lors je termineray ce faict dont je vous donneray advis.

Je feray tenir à Rome les douze cens escuz qu'il fault payer pour retirer les tapisseries dont vous m'avez escript par vos dernières, ainsy que je vous manderay par le procliain ordinaire : car je ne les veux pas laisser perdre , puis qu'elles valent mieux que cela et qu'elles ont esté faictes de sy bonne main.

Je m'esclairciray aussi avec ceux de mon conseil de ce que je pourray faire pour contenter le S"^ Horatio Rucellay, afin de retirer les bagues qu'il tient engage; car je ne veux accepter l'offre qu'il m'a faicte, que je ne sois bien assuré d'y pouvoir satisfaire. Cependant vous luy direz que je luy sçay bon gré du debvoir auquel Use met pour ce regard ; auquel vous continuerez à l'entretenir.

Ceux de mes finances m'assurent que vous serez très bien payé de vostre estât de ceste année et qu'ilz feront acquicter aussy ce qui vous est deub de l'année passée, de sorte que vous aurez de quoy rembourser ce qui vous a esté preste et continuer à me servir, comme je désire que vous faciez. Je prie Dieu, mon cousin, qu'il vous ayt en sa garde. Escript à Sainct Germain en Laye le deuxiesme jour de juillet 1598.

(Dupuy, no 212, fo 235 r".)