D'AOUST. — AU MÊME

ON cousin , J'ay receu le m de ce mois voz lettres du dixiesine et unziesme de juillet. Ayant fait response à celle du xi^ de juin par Valerio, je vous ay encore escrit le \f dudit mois de juillet par la voye de Lyon par laquelle je vous ay donné advis de la réduction de la ville de Calais; laquelle a esté suivie depuis de toutes les autres places qui me debvoient estre rendues en Picardye ; et croys que Blavet aura aussy esté desmoli, car le mareschal de Brissac m'a escrit par sa dernière que les Espagnolz qui estoient dans la place a voient commencé à embarquer leur bagage et travailler à la dicte démolition. L'Archiduc Albert jura pareillement l'observation de nostre traicté du vingt cinquiesme du mois passé, ayant receu et traicté somptueusement le duc de Biron et les sieurs de Bellievre et de Sillery mes députez devers luy pour cet effect ; lesquelz de présent sont sur leur retour, ayant laissé ledict Archiduc prest à partir pour aller en son armée contre les Hollandais, lesquelz font contenance de vouloir continuer la guerre plus constamment que jamais; dont en vérité je suis très marry, car je crains que ce reste de feu et de discorde en la Cluestienlé consomme et estouffe les

beaux et généreux desseings de Nostre Sainct Père au bénéfice publicq d'icelle. J'ay delilîeré de renvoyer audict païz le sieur de Buzenval pour mieux recognoistre leurs intentions, sur la prière qui m'en a esté faicte de la part dudict Archiduc, et veoir quels moyens il y aura de composer des affaires dont je vous donneray advis, si ledict Archiduc s'esloigne du pais, comme on tient pour certain cju'il doibt faire dans le mois de septembre pour s'acheminer en Espagne, que cela rendra encores les choses plus difficiles. Toutefois l'on dit que le Roy d'Espagne veult qu'il face ce voiage et sa fille le désire aussy pour recevoir les mesmes honneurs et debvoirs que fit sa sœur du Duc de Savoye quand il l'espousa. Cependant j'ay accordé le mariage de ma sœur avec le prince de Lorraine, dont le contract a esté passé depuis trois jours au grand contentement des parties avec intention de le parfaire dans ledict mois de septembre. Voilà comme de tous costez nous ne parlons plus que de nopces; à quoy je trouve plus de douceur et de plaisir qu'à faire des sieses et à nous entrebattre comme nous faisions devant la paix, de laquelle je commence à recueillir et gouster plusieurs et divers fruictz, qui ne peuvent estre compris que par ceux qui voient aussi clair en mes affaires que je fais. Vous asseurant que je ne me repentiray point d'avoir faict ce plaisir audict Roy d'Espagne de la luy avoir donnée aux conditions qu'elle a esté faicte. Je vous envoyé un double du traicté, afin que vous sachiez ce qui en est. Je fais compte aussy que le Duc de Savoye, et comme tous ceux qui se défient de la justice de leur cause ont accoustumé d'avoir recours à l'industrie et aux moiens

extraordinaires pour la fortifier ; et je ne double point que ledict Duc et les siens ne mettent tout en œuvre pour rendre leur poursuitte au faict du Marquisat plus recommandable , mais en vérité cela ne me peult estonner, mon droict estant si clair et bien fondé qu'il est; et j'espère le bien faire représenter et défendre par ceux que j'y employeray avec vous. A quoy je m'attendz que le redressement des affaires de mon Royaume ausquelles je ne perdz une seulle heure sera une pièce qui me sera inutille avec la probité et intégrité de Sa Saincteté de laquelle je ne me deffiray jamais , encores que le cardinal Aldobrandin ail accepté (comme vous m'avez escrit) la protection des affaires dudict Duc de Savoye, jaçoit que je n'eusse pris pensé que Sa Saincteté luy aist permis de ce faire, ayant jusques à présent faict démonstration de n'approuver que les siens s'engagent au service particulier d'aucun Prince ; et auray ce plaisir de sçavoir la vérité de ce fet et comme il a esté aprouvé par Sa Saincteté, comme j'auray que vous continuez à m'advertir de tout ce que vous aprendrez que fera ledit Duc de Savoye et de ce qui se dira en cesle Court là touchant ledit Marquisat ainsy que vous avez commancé, et sy ledit Duc va à Ferrare, vous Tirez saluer et visiter de ma part et luy ferez les complimens accoustumez en pareilz cas, conservant toujours la dignité qui m'est deubl ; et sur cela je vous diray que vous avez très bien faict de n'avoir comparu au festin que l'ambassadeur du Roy d'Espagne a fait le jour de Sainct Pierre, pour les raisons que vous m'avez escrites comme de n'avoir visité le duc de Sesse ni sa femme puis que contre la forme et coustume observée de

tout temps en semblable cas ila refuzé de vous visiter Je premier.

J'ay eu a plaisir d'entendre les offres et déclarations que vous a faict le duc de Parme de son affection envers mov , et veux que vous luy faciez sçavoir et cognoistre combien je l'estime et désire luy lesmoigner ma bonne volonté. J'approuve aussy la response que vous avez faicte touchant aux chasteaux assis audict Marquisat qu'il prétend luy appartenir, car il touchera à moy et non à Sa Saiucteté de luy faire raison, quand elle m'aura esté faicte dudit Marquisat.

J'ay commandé au seneschal de Lyon que j'ay envoyé devers ledit Duc de Savoye pour recevoir son serment sur l'observation du traicté de ladicte paix, luy parler des affaires de l'amiralle de Chastillon et vous advertiray de sa response et de ma volonté afin que vous en parliez de rechef audit Duc s'il va par delà et cognois qu'il soit nécessaire.

Au reste je me sens très obligé à Sa Saincteté de son affection envers moy laquelle elle a voulu encores vous tesmoigner par les propos que vous m'avez représentez par la dernière de vos dictes lettres et veux que Sa Saincteté croye que ce seroit bien le comble de mon contentement que de pouvoir baizer les pieds de Sa Saincteté et luy offrir de ma bouche l'asseurance que je luy ay donnée par mes lettres et mes ambassadeurs de mon observation et service; loutesfois, comme ce sont choses plus difficiles à exécuter qu'à proposer et désirer, pour infinies raisons qui vous sont assez notoires, j'estime que Sa Saincteté en a faict ouverture plustost par compliments que pour s'attendre que l'effect s'en ensuive; partant je

ne VOUS feray autre commandement sur cela que de représenter à Sa Saincteté en termes généraux ma gratitude sans m'engager d'avantage en ce faict, comme je voudrois que vous puissiez destourner Sa Sainteté de faire Mons' le Légat à la poursuitte des deux poinctz desquelz vous m'avez escrit par vostre lettre, qu'elle vous a dit qu'elle desireroit que je fisse devant son partement ; car il est certain que l'accomplissement en seroit trop plus dificile qu'il ne s'imagine pas delà ; partant vous avez très bien faict d'avoir doucement paré coup comme je collige de vostre lettre que vous avez faict et me ferez service très agréable de continuer à me donner avis soigneusement de ce que vous en dira cy après Sa Saincteté, laquelle doibt ce me semble ouir ledit S"" Légat sur les affaires de ce Royaume et mes intentions devant que d'entreprendre chose qui concerne le gênerai d'icelluy afin de s'y conduire par son bon advis , car il s'en retournera si bien instruit que Sa Saincteté en sera comme moy grandement soulagée et bien ediffiée; mais vous la pourrez asseurer que je n'ay pas seullement pensé d'envoyer en Allemagne le duc de Bouillon, tant s'en fault que j'aye arresté de ce faire comme l'on a escrit, et quand j'aurois pris ce conseil vous luy avez dit la cause qui m'avoit meu de ce faire ; à ce propos vous prierez Sa Saincteté de prendre garde que SI parla paix qu'elle a faicte elle a rendu mes amis ceux qui estoit mes ennemys, Elle n'a toutesfois purgé sa court de ceux qui envient la faveur que je reçois de sa bienveillance, lesquelz usent de toutes sortes d artiffices pour m'en priver, mais j'espère tant de sa bonté et prudence et de la sincérité de mes intentions

28i LETTRES INÉDITES

et actions que les ruses de telles gens me nuiront aussi aussi peu envers Sa Saincteté cju'ont faict les armes en temps de guerre, par la grâce de Dieu.

Quant à roffice que Sa Saincteté désire que je fasse envers ceux de la ville de Genève pour recevoir et donner lieu en icelle à l'exercice de la religion catholique, luy faisant ma responce vous commencerez par luy louer sa bonne et saincte intention à laquelle vous luy direz que je seray très aise de pouvoir donner avancement , mais que j'estime le chose plus dificile qu'elle ne luy a peu estre représentée , ou que l'ardeur de son bon zèle à la propagation de l'honneur de Dieu ne luy permet de discerner, d'autant que ceux de ladicte ville aprehandent la diversité de religion autant et plus pour raison d' Estât que pour le respect de la religion; de sorte que c'est une matière très chatouilleuse, mesmement tant qu'ilz auront pour voysin le reste des armées du duc de Savoye, comme ilz ont, et pour surveillant ses prétentions. Toutesfois vousdirez a Sa Saincteté que j'escriray à mon ambassadeur résident en Suisse qu'il s'informe du moien qu'il y aura de contenter Sa Saincteté en ce faict, pour m'en advertir et y contribuer ce qui sera en ma puissance, comme je feray tousjours très volontiers en toutes occasions qui luy pourront donner plaine satisfaction de moy. A. tant je prie Dieu, mon cousin, qu'il etc. Escript à Sully le 8 jour d'aoust mil cinq cens quatre vinijftz dix huict.

(Dupuy, 212, n°281,ro,)

, CXXVIl