MARS. —AU DUC D'ANJOU

Le prince de Navarre mande au duc d'Anjou de luy envoyer un rôle des gentilshommes prisonniers à la bataille de Jarnac, afin qu'on les faces penser, et de permettre qu'on leur envoyé de leurs serviteurs et chirurgiens pour les servir. Quant aux prisonniers, si on les veut mettre à rançon ou eschanger, i! en faira de mesmes.

ONsiEUR, Daultant que depuis la dernière rencontre des deux armées il se trouve a dire de ce party quelques gentilshommes dont on n'a encores heu aucunes nouvelles qui faict juger qiiils sont morts ou prisonniers, cella me faict despecher devers vous ce trompeté vous suppliant très humblement de commander que par luy me soit en-

voyé ung Roolle desdicts morts et prisonniers, entre lesquels il ne peuit estre quil n'en y ait qui sont blesses et ausquels j'estime pour estre gentilshommes François bons subgects et serviteurs du Roy que vous vouldrez bien, Monsieur, quil soit donné secours pour leur guerison. Monsieur, encore vous en veulx je bien supplier 1res humblement et quil vous plaise commander bien expressément quils soyent penses et traittes en leurs nécessites, et d'avantaige de permettre que de leurs gens et serviteurs les puissent aller trouver avec des cirurgiens pour leur faire service et si ainsie vous plaist laccorder, envoyer ung trompeté de votre armée pour seurement conduire ceulx qui yront trouver leurs maistres. Au reste, Monsieur, nous avons en noz mains quelques prisonniers des vôtres comme aussi vous en avez bien des nôtres, sil vous plaist trouver bon de les mettre a rançon ou d'en faire eschange nous y entendrons voluntiers comme aussi le devoir de la guerre le requiert bien ainsie. El vous plaira m'en mander votre volunté, altandant laquelle je presenteray mes 1res humbles recommandations a vos bonnes grâces , suppliant le Créateur vous donner, Monsieur, heureuse et longue vie.

A St Jehan dangely ce xvin^ de mars 1569.

Votre très humble et très obéissant frère et serviteur

Henry.

(Bibl. de l'Institut, porlefeuille Godefroy, 237, Le recueil de M. Berger de Xivrey ne renferme pas une seule lettre datée de cette année.)