JUIN. —AU DUC D'ANJOU

Henry, Prince de Navarre, mande au Duc d'Anjou quil consent l'Eschange de Pons, sa femme et sa famille, puur Languiller, de Montandre et de Chaumont.

^â ONSiEUR, il y a trois jours que jay receu la lettre S '^ quil vous a pieu mescrire par ce trompette présent porteur sans dacte : Et quant a ce que mescrivez que vous accordez que les sieurs de Languillier, baron de Montandre et de Chaumont soient mis en liberté et quictes de leur foy, pourveu que je face de mesmes au sieur de Ponts, sa femme et famille, ce que voluntiers j'accorde pour la bonne affection que je porte ausdits sieurs de Languillier, de Montandre et de Chaumont et parlant vous plaira il me renvoyer ledit sieur de Languillier qui doibt estre encore prisonnier en votre camp et renvoyer descharge pour lesdits sieurs de Montandre et de Chaumont : Et en faisant cela ledit sieur de Ponts, sa femme et famille demeureront quictes et deschargés de leur foy et promesse : Il y a aussi un nommé le sieur du Verger Beaulieu, lequel a payé sa rançon et neantmoins on la faict obliger de sa foy de ne porter les armes. Il vous plaira l'en descharger, comme au semblable feront ceulx qui sen retourneront de deçà.

Et sur ce, après mestre très humblement recommandé a vos bonnes grâces, je prieray Dieu vous donner,

Monsieur, en parfaicte santé très bonne vie et longue.

Au camp deSainct Iriez ce xxiii^ jour de juing 1 569.

Votre très humble et très obéissant frère et serviteur

Henry .

(Port. Godefroy. 237.)