partie si nerueuse, et, je ne sçais, si J'ose dire, peu

conuenable à la grandeur de nos princes françois qui ont tousjours attrempé leur souueraine puissance d’une equité gracieuse, et n'ont Jamais disposé de l’honneur de leurs moindres subiects que de gré à gré. Toutesfois, le Roy de Nauarre a voulleu monstrer qu'il aimoit mieulx rendre le Roy satisfaict que de l’estre en soymesmes. Et, pour cest effect, s’est resolleu de ployer son honneur soubs le respect de ses commandemens, se resoluant d’aller voir et receuoir la Royne sa femme, en sa maison de Nerac : seulement, qu'on leuast les garnisons qu'on auoit mises aulx enuirons, tant afin que ceste reception n'eust aulcune apparence de force, que pour la seureté de leur seiour. Vous scaués s’il est ciuil de la receuoir en maison empruntee ou inciuil de demander liberté en la sienne. M. de Bellieure toutesfois en a faict difficulté tres-prande; et, de ce pas, a esté depesché, ce jourd’huy, M. de Cleruant vers la Royne de Nauarre, et de là tirera vers Leurs Majestés, lesquelles, à mon aduis, se representant le faict passé, et le considerant en la personne du Roy de Nauarre, ne le vouldront esconduire en si petit accessoire, puisqu'en chose de telle importance il à cedé le principal. Jugés en quelle peine ces gens nous mettent. Nous auions reduict tout à meilleur poinct que presque il n’estoit à esperer, et maintenant ils marchandent sur ung rien, et nous font perdre credit, si nostre sincerité n’estoit bien cogneue

enuers nostre maistre. Je remets le tout à Dieu, mon-