A M. DE CHATTE

M' de Chatte (1), J'ai esté très aise que vous vous sciez résolu de faire le voiage d'Angleterre, duquel je vous ai escript, par ce que je sçai que je y serai bien servi de vous, et aussi que vous serez très agréable à la Roine d'Angleterre , ma bonne sœur et cousine. Au moyen de quoy je vous prie de vous y acheminer au plustost, car mon Ambassadeur m'a escript par ung courrier qu'il m'a depesché le XXII, que ladite Roine désire que vous vous trouviez à la

cérémonie et feste de la Saint George, qui est le

du mois de mai, à nostre compte ; et fault pour ce faire, que vous y arriviez auprès d'elle un jour ou deux devant la veille de laditle feste, tant pour avoir loisir de la saluer que pour vous préparer et instruire

(1) Voy., Lettres missives de Henry 7F, t. V, p. 225, l'annonce à la reine d'Angleterre de la mission de M. do Chatte.

— sodé ce que faudra que vous faciez. Je vous prie d'y aller le mieulx accompagné que vous pourrez , pour honorer davantage ceste action , et si vous advancez quelque chose du vostre par delà la provision que ceulx de mon conseil vous ont taxée et ordonnée, je le recognoistray de façon que je m'assure que vous n'aurez regret de m'avoir contante et servi en ceste occasion selon mon désir. Je vous envoie deux lettres pour laditte Roine ; l'une est escripte et l'autre signée de ma main. Vous en verrez la substance par les doubles d'icelles. Celle-ci vous doibt servir de procuration et pouvoir pour représenter ma personne et acomplir ce qu'il convient faire pour m'acquiter du debvoir que requièrent les statuts de l'ordre de la Jarretière, pour auquel satisfaire je vous envoie présentement par delà. Mon Ambassadeur m'a bien envoie l'extrait des statuts d'icelui, que vous recepvrez avec la présente , qui vous aprendra en quoi il consiste, dont vous serez encores mieulx informé sur les lieux ; et parce que en recepvant ledit ordre qui me fust aporté, en l'an 1596, par le Comte de Scheusbery, je feiz un serment, je n'estime point qu'il soit nécessaire que vous en faciez un nouveau. En tout cas, si c'est chose que lesdits statuts requièrent, que vous faciez suivant les termes et exemptions de celui que j'ai faict, duquel, à ceste fin, je vous envoie un double autentique, pour bonne représentation, affin de ne m'obliger à rien qui contrevienne à nostre

religion comme à ma dignité, veu que tous mes prédécesseurs qui ont esté associez audit ordre en ont usé ainsi ; et veulx estre aussi soigneux que eulx de conserver ce à quoi ma conscience et mon honneur m'obligent. En quoy vous serez assisté de mon Ambassadeur, si vous y rencontrez quelque difficulté (je n'estime pas que advienne) dont j'ai escript audit Ambassadeur que il s'esclaircisse devant que vous arriviez par delà, affin de vous en informer à vostre arrivée.

En suite, vous présenterez à la Roine, ma seur, la lettre escripte de ma main. Vous lui présenterez aussi mon serment en qualité de son chevalier non seullement obligé par mon association à son ordre, que je prise et estime comme je doibs, mais aussi pour infinies grâces et faveurs que j'ai receues d'elle et par une inclination naturelle en moi, de laquelle j'ai depuis faict telle habitude que je mancquerois aussi tostà moi mesme que de m'en dispenser ou y deffaillir d'un seul point. Puis vous l'assurerez de la continuation de mon amitié, en qualité de son bon frère et voisin; lui disant qu'elle aura toujours telle puissance qu'il luy plaira sur moi et sur tout ce qui en despend ; et que l'un de mes souhaits est qu'il se présente occasion de me revancher de l'assistance que j'ai receue d'elle en ma nécessité; sans laquelle je recognois et confesse il m'eust esté très difficille, voire impossible de vaincre mes ennemys et recou-

vrer enfin le sceptre de mes pères, que je possède maintenant paisiblement, par la grâce de Dieu, pour luy rendre les debvoirs et offices d'un vrai frère et très parfait et assuré amy et voisin, tel que je suis et veulx estre éternellement ; qu'elle a encores naguères rafreschy par preuves de son amitié et de sa bonté comme bonne voisine en mon endroit, comme de sa prudence en toutes choses, sur la proposition faicte par l'audiencier Warrenchin envoie devers elle de la part de l'Archiduc Albert et de l'Infante, sur le renouvellement de l'antienne alliance offensive et deffensive de la coronne d'Angleterre avec la maison de Bourgogne, sans avoir faict aucune réservation ou exemption de ses voisins (comme la raison et l'honnesteté vouloit que il feit) du moins pour mon regard. Aiantladitte dame rejette laditte ouverture comme mal consonante avec Testât présent des affaires du monde, qui est tout différent de celui auquel il estoit lorsque ladicte alliance antienne fust baslie et estoit pratiquée. Par où laditte dame a bien faict cognoistre ce que l'on a dit, atendu que son intention n'est point de s'accommoder avec ses ennemis au dommage de ses anciens amis ; dont vous la remercierez de ma part, au tems , ainsi que vous adviserez avec mon Ambassadeur estre bon de faire. Et si mon Ambassadeur juge avec vous qu'il soit à propos que vous luy déclariez et confirmiez ma volunté et deslibération sur le renouvellement et ampliation du

traicté d'entre ceste court et la sienne, dont l'ambassadeur de laditle Roine m'a parlé depuis peu de tems de sa part, vous en ferez l'office que vous adviserez ensemble estre requis pour l'asseurer de ma bonne volunté en cest endroit, comme chose que j'ai vraiment à cuer et que j'estime nécessaire pour le commun bien de nous et de nos Estatz. Luy représentant qu'estans bien unis et en bonne intelligence ensemble, non seulement il sera impossible à tous autres de nous endommager, mais il fauldra aussi que chascun face le compte de nostre amitié tellement quelle mérite le premier prix, et reçoipve la loy de nous. Surtout vous luy remonstrerez, comme celui qui en est très bien informé, combien il nous importe, pour la descharge de noz consciences, nostre commune réputation et pour l'entretenement de nostre amitié et liberté réciproque de noz subgets, de arrester le cours trop débordé des pirateries qui se commettent très notoirement sur la mer , qui remplissent le ciel et la terre de cris et lamentations contre ceulx qui les favorisent et contre ceulx qui empeschent qu'il en soit fait justice, pour leur profit et advantage particullier, contre la foy, la société et l'utillité publicque. En quoy je prétends comprendre aussi bien mes subgets que les siens, luy déclarant que je suis tout prest de aporter démon costé l'ordre et règlement qui sera jugé nécessaire, soit en renouvelant nos traitez, à quoy je suis prest aussi d'en-

tendre quant et ainsi qu'elle voudra, ou par telle autre voie qu'elle estimera convenable. Et si elle vous parle du paiement de l'argent que je luy doibs, vous luy direz que j'ay très bonne envie d'y satisfaire, comme elle cognoislra par effect le plus tost que il me sera possible. Que la pauvreté de mon Royaume, laquelle se recognoit très aisément maintenant autant et plus que durant la guerre, tant les charges et despences desquelles je suis encores accablé ceste année, pour asseurer du tout mon estât, ne me permettent de faire en ceci ce que la raison et mon désir requièrent que je face; mais j'espère la recompensser ci après et bientost, à son contantement. Et ne sera que bien à propoz que vous luy disiez que je suis de ceulx qui espèrent que un bon mariage leur doibt aider à paier une partie de leurs debtes, que je suis bien résolu de me marier au plus tost, mon aage et les vœux de mes loïaux subjets ne me permetant de différer d'avantage de ce faire. Toutesfois quant je me résoudrai, à bon essient, ladite Roine sera la première à laquelle j'en donnerai advis, comme à ma très chère seur et plus assurée amie ; la priant de ne s'arrester aux bruits qui courent partout de ma deslibération en cela; car encores que celle qui est sur les rancs me soit en vérité très recommandée et affectionnée pour ses mérites et vertus, qui est la Princesse Marie, niepce du Grand Duc de Toscane, toutesfois il y a eu des considérations qui m'ont retenu jus-

ques à présent de m'y engager plus avant, desquelles j'estime néantmoins que je seray dehors bîen tosl, dont je l'adverliray. Luy disant que je fais compte de partir pour aller à Lion, le VIII ou IX du mois de mai, aflin d'y arriver à la fin d'icelui, parceque le terme de l'exécution de l'acort que j'ay faict avec le Duc de Savoie eschet le premier de juin ; et combien que les gens que ledict Duc a laissez icy m'asseurent que il y satisfera sans difficulté, ainsi que il a esté convenu entre nous, toutesfois je sçai que ma présence sur les lieux ne pourra que estre très utille. Mon regret sera de m'esloigner de ma bonne seur ; mais toutesfois je l'aurai tousjours présente en ma mémoire, comme vous la prierez de me conserver en la sienne. Surtout vous m'excuserez envers elle de n'avoir plus tost acompli l'office duquel je vous charge maintenant de m'acquiter, luy asseurant cela n'estre advenu par faulte de bonne volunté de lui rendre l'honneur qu'elle mérite et me ramentevoir en sa bonne grâce. Et si, estans sur les lieux, vous et ledit S'' de Boissise jugez que vous puissiez aider à la liberté et aux affaires du Comte d'Essex, faites-le le plus favorablement que vous pourrez, car je croy faire pour le bien de madicte cousine de remettre ledit Comte dans sa bonne grâce, me remettant sur vous deux de la forme que vous tiendrez. Et vous conduirez aussi en tout ce que vous aurez à dire et traicté à faire par delà envers laditte Roine et tous

autres , par le conseil et advis dudit S' de Boissise , auquel à ceste fin vous communicquerez la présente et exécuterez par ensemble toutes choses le plus dignement et honorablement que vous sera possible.

li mai 1600.

DU ROY AU S' DE SILLERY

Monsieur de Sillery , le courrier dépesché par Orlandin avec vostre pacquet du VIII de mai arriva leXXIIII. Parce que j'avois laissé mon conseil à Paris et que j'estois venu devant icy, je n'ai veu vostre lettre que le XXVI*. J'ai eu grand contantement d'avoir entendu par icelle non seullement que nostre Saint- Père a approuvé mon mariage avec la Princesse Marie , mais aussi que vous avez obtenu de Sa Sainctetè l'assistance que je luy avois demandée^ tant par ses lettres adressées au Grand Duc de l'oscane que par la députation d'un sien légat en la personne du Cardinal Aldobrandin y dont la résidence auprès de lui lui est très-chère et nécessaire. C'est une faveur que je prise grandement, laquelle, adjoustée aux précédentes, me comble d'obligation envers Sa Sainctetè et les siens, et particullièrement envers le Cardinal

Aldohrandin^ ayant apris parvostre lettre avec quelle affection et bonne volante il a embrassé ceste occasion. Vous en baiserés les pieds à Sa Saincteté et en remercierez le Cardinal en mon nom, avec les déclarations de l'estime que je fais de ceste grâce et de ma gratitude que vous jugerez convenables. J'ai trèsbien remarqué avec quelle prudence et dextérité vous m'avez servi en ceste occasion, dont je vous asseure que je suis très-contant, aïant, par vostre conduite, tiré faveur et advantage d'un subget lequel plusieurs estimoient debvoir produire des effects tout contraires. Surtout je loue vostre soin et considération au mesnagement que vous avez faict de l'opinion que vous leur avez imprimée , de la candeur et sincérité de maparolle et procédure lors qu'il a esté question de représenter à Sa Saincteté la vérité du passé, et sur la demande et négociation du mariage. Enfin, vous vous y estes comporté ainsi que je pouvois désirer; et m'asseure que le dit Grand Duc n'en sera demeuré moins contant et bien édifié que je le suis , aïant très-bien notté les raisons, outre celles de la dignité, qui vous ont meu de désirer et rechercher que le dict mariage fust faict au nom de Sa Saincteté par les mains d'un sien légat, et mesmes d'affectionner que le Cardinal Aldobrandin fust celui qui en feist l'office, pour d'un mesme coup auctoriser le passé, le présent, et excuser après le futur. Je vous asseure aussi que ce me sera une très grande consolation de

veoir et entretenir ledict Cardinal Aldobrandin et tesmoigner en sa personne la vénération et respect que je veulx rendre toute ma vie à Sa Saincteté, et le ressentiment particullier qui me demeure du plaisir particuUier que j'ai eu dudict Cardinal, avec lequel je désire me lier d'amitié et de intérest le plus estroitement qu'il me sera possible. Vous m'avez faict aussi un singulier plaisir d'avoir levé de l'esprit de Sa Saincteté et de celui dadict Cardinal toute sorte d'ombrages et de doubles qu'ilz pouvoient avoir conceuz dudict mariage, par le moyen de la demande que vous avez faicte en mon nom dudit Cardinal , et par l'asseurance de mon intention présente et advenir que vous avez donnée à Sa Saincteté etaudict Cardinal, quand Tune et l'autre a esté descouverte à leurs yeux , vous parlant du Grand Duc. Au moyen de quoy je vous envoie mes lettres pour Sa Saincteté et pour le dict Cardinal que vous m'avez demandées; et pouvez hardiment vous charger envers eux de tout ce que vous cognoistrez pouvoir servir à les asseurer de mon amitié ainsy que je désire faire avec eulx, me sentant fort obligé au Cardinal de Florence de vous avoir conseillé de proposer le Cardinal Aldobrandin. Or je suis résolu d'aller à Marseille et faire là noz épousailles par les mains dudict Cardinal Aldobrandin, et pour ce je désire que ma niepce la Grande Duchesse s'y retrouve, comme j'ai l'espérance. Par ce que m'a représenté Gioanini que veult le Grand Duc,

j'ai advisé de attendre à faire noz nopces jusques à la fin du mois de septembre, afin de donner loisir à la Duchesse d'accoucher et reprendre ses forces et laisser passer aussi les mois de juillet et d'aoust, si elle veut venir à Paris et y demeurer cesle année devers le mois de septembre ; car vous sçavez combien il est périleux et incommode de demeurer par l'Italie et mesmes de demeurer à Marseille durant iceulx D'avantage nous pourrons lors réunir plus commodément des gallaires qui nous font besoin ; préparer et disposer aussi tout ce qui est nécessaire pour recepvoir et traitter ceste Princesse honorablement et pour mieulx sollempniser ceste action. Je considère aussi que il faut que j'emploie quelque temps à l'acort que j'ai faist avec le Duc de Savoie; car, comme vous sçîi--' vez, semblables exécutions ne s'accomplissent pas toujours à point nommé. Je serai bien aise pareillement d'avoir loisir de pourveoir si bien à la seureté et conservation des villes et forts qu'il me délaissera, que mon esprit soit en repos, quant je m'esloignerai et serai occupé ailleurs. Toutes ces raisons doncques me font désirer que les dictes nopces soient faictes en la ville de Marseille, au mois de septembre et non plus tost. Telle feste et assemblée ne durera pas plus de huict ou dix jours au plus, de sorte que ladicte Grande Duchesse et ledict Cardinal auront assez de loisir pour s'en retourner commodément devant que le mauvais temps arrive. Quelques ungs ont dict que

ladicte Grande Duchesse avoit dessein de passer jusques en Lorraine, pour veoir son père et ses frères. Mettez peine de sçavoir ce qui en est, sans faire cognolstre toutesfois que l'advis vous ayt esté donné par moy, affin de m'en esclaircir par vous dedans quinze jours, par le sieur d'Hallincourt ou par courrier que vous me depescherez exprès, la résolution et contract de ce mariage; car je ne veoi pas qu'il y ayt aucune chose qui doibve ni puisse retarder d'avantage. C'est le temps que j'ai deslibéré de partir de ce quartier pour m'acheminer à Lion , affin d'y arriver à la fin de ce mois, dont je falclz estât de despescher incontinent mon grand escuyer vers ledict Grand Duc pour luy faire la demande publicque de ladicte Princesse, sa niepce, visitant aussi ladicte Princesse, qui est une action qui me semble debvoir précéder toutes les autres après l'acort des conventions dudict mariage, puisque ledict Grand Duc me disoit que je la fisse précéder l'autre. Pour cela je n'entends point que mon grand escuier ait charge de fiansser en mon nom ou espouse par parolle de procuration ladicte Princesse, ni d'envoier après luy pour faire tel office, car j'entendz le faire en personne en ladicte ville de Marseille; et suis en cela si scrupuleux que je n'aurois aucun repos si j'avois en telle occasion preste et engagé ma foi par l'entremise d'un tiers. Au moyen de quoy faites trouver bon audict Grand Duc que les choses soient exécutées ainsi que je vous le escripts »

puisqu'il y va démon contanlementparticullier, parce que j'aurai à plaisir de commancer et acheminer ce bon œuvre. Je n'enlendz point non plus que ledict grand escuyer demeure à la conduite de ladicte Princesse, mais qu'il s'en retourne après avoir fait ladicte demande et Visitation, si vous n'estes d'advis qu'il passe jusques à Rome pour baiser les piedz de Sa Saincteté et la remercier de ses bons et palernelz offices en ceste occasion ; partant vous m'en escrirez vostre advis et sçaurés aussi celui du Grand Duc. Vous verrez par le double de la lettre que j'ai mandô au S' de Villeroi d'escrire audit Gioanini sur ce que dessus, comme je ne lui ai faict nommer la personne dudict grand escuyer, encores que j'estime que peult bien en avoir ouï parler, car j'ai estimé estre à propoz que vous en fussiez le premier adverty pour en parler audict Grand Duc; car j'entends et désire que vous luy faciez entendre ceste eslection comme faicte d'un serviteur privé et confident, lequel je m'asseure luy sera très agréable. Au reste, mettez peine à descouvrir quelle suitte aura ladicte Princesse, tant pour l'acompagner jusques à Marseille que pour demeurer auprès d'elle; car en dames et officiers, moindre sera le nombre sera le meilleur, car je serai très aise qu'elle soit assistée et servie des dames et serviteurs que je lui ai destinés, etferont aussi moindre despence. Mesnagez doncques cela le mieulx que vous pourrez envers ledict Grand Duc et ladicte Grande Duchesse,

toutesfois avec vostre discrétion et modestie acoustumée. Sçachez aussi, s'il est possible, quelle sera la suite dudict Cardinal Aldobrandin,affm que je puisse donner meilleur ordre à la réception et au traictement d'icelle suite. Je vous envoie une lettre pour le Grand Maistre de Malte, par laquelle je le prie de me prester les gallaires de la relligion, de quoy j'estime qu'il ne m'esconduira non plus que a faict Sa Saincteté les siennes. Quant à celles de Gênes, je m'en remets audict Grand Duc d'y pourveoir, car le sénat de ladicte ville, suscité par les persuasions de l'ambassadeur et des partisans d'Espagne, a, ces jours passez, faict un décret contre le S"" Geofroi de Lomelin, pour ma considération; duquel j'ai juste cause de me douloir, encores que je l'atribue ausdits partisans et non au général de ladicte ville. Et parceque je ne double point que ledict Lomelin ne vous ait informé de la vérité du faict, devant que vous recepviez la présente, je ne la vous particulariserai, mais vous dirai que j'aurai à plaisir que vous me mandiez l'advis dudict Grand Duc et le vostre sur le faict, lequel recognoissant eslre advenu par l'ardeur qui accompagne ledict Lomelin en tout ce qui me concerne, et après par la malice et la jalousie desdicls partisans espagnol, lesquels, peult estre, ne demanderoient pas mieulx que me picquer sur ce subget et me mettre aux mains avec ladicte ville, j'ai deslibéré d'en dissimuler jusques à ce que j'en aye l'advis dudict Grand

Duc et le vostre. Cependant, si vous voiez ledictLomelin , vous le consolerez de l'asseurance de ma protection et bonne volunté, et m'advertirez de ce que vous aprendrez de lui.

Je n'ai rien à adjouster à ce que je vous ai escript par ma précédente sur le faict du Duc de Savoie, sinon que je suis tousjours résolu de ne rien rabatre ny changer del'acort que j'ai faict avec lui, quoiqu'il en puisse arriver. Et encores que j'aprehende fort peu la venue du Comte de Fuente ni les bruicts qui en courent, toutesfois je n'ai pas deslibéré de donner loisir audict Duc del'atendre, pour s'en prévaloir, jaçoit que j'estime qu'il ne se prépare aucunement à faire la guerre, et tant s'en fault que il ait envoie en Suisse pour traverser mes affaires, mon ambassadeur m'a escript qu'il en a retiré le sien. Aussy les S" des Ligues ont ils acordé de renouveller nostre aliance , si tost que cela leur a esté proposé, et faictz compte d'accélérer l'envoi des commissaires et députez que il fault que je y emploie, affin de batre le fer cependant qu'il est chault. Et vous dirai que si vous estiez pardeça je vous prierois de me faire ce service avec mon cousin le Duc de Biron que j'ay délibéré d'y emploier; faisant estât de le faire partir de ma ville de Lion sitost que j'y seray arrivé, nobmettant aucune sorte de dilligence et sollicitude au recouvrement des deniers qu'il convient y despendre, tellement que j'espère que nous en viendrons à bout dedans ceste année.

J'ai encores à vous dire que je faictz estât d'avoir quatre gallaires prestes au temps que nous ferons nostredit mariage, avec lesquelles j'essayerai faire recueillir ladicle Princesse et sa compagnie soubz la

condui te du premier qui se trouvera lors auprès de

moy, jusques où il sera advisé estre honorable de le faire , sans m'engager à faire autre conduite , car je estime qu'elles aporteront plus d'embarrassement que de lustre.

Vous ne sçauriez croire combien les officiers de mon parlement de Paris se monstrent revesches et contraires à la réception et publication du concilie , encore que je leur aie déclaré, de ma bouche, ma volunté, et que je la leur aie faicl représenter encores plus punctuellement par M. le chancellier, jusques à leur avoir dict que je ne voulois point les rendre conseillers ni juges pour debvoir observer ma foi ou non en ceste occasion; mais seullement leur faire sçavoir que je voulois estre obey d'eulx avec toute promptitude et loïaulté. Sur quoy j'ay deslibéré leur envoler, dedans trois ou quatre jours, mes commandements escripls en la forme acoustumée, et qui seront si exprès que je veulx encore espérer que ladicte court y obéira; et si elle s'y rend trop difficille, je y metray moy mesmes la main, et irai plus tost au parlement en personne pour le faire que de ne contanter Sa Saincteté; et après je pourvoirai au faict des Jésuistes.

L'assemblée des députez d'Espagne et d'Angleterre, pour traicler la paix, a esté remise au XVP de ce mois, et semble que lesdictes parties, encores qu'elles soient plaines d'envie de s'acorder, y rencontrent plus de difficultez qu'elles ne s'esloient promis ; mais il fault croire qu'estans lesditz députez ensemble, ils modéreront, de part et d'autre, leurs demandes; comme j'entends qu'il a jà esté faict par les Archiducs, lesquels se sont départiz de la proposition que leur audiencier Warrenchin avoit faicte de faire contracter entre eulx une ligue offensive et deffensive telle qu'estoit celle qui fut faicte entre l'Empereur Charles V' et le roy Henri VIII» d'Angleterre. Cependant les Estats des provinces unies des Pays-Bas tiennent tousjours assiégé le fort de Sainct-André en l'isle de Bomel, et y a apparence qu'ils l'emporteront à la tin, car lesdictz Archiducs n'ont moyen de le secourir, tant à cause de la difficulté des advenues que pour ne pouveoir disposer de toutes leurs forces pour estre icelles encores mutinées.

12 mai 1600.

AU S' DE SILLERY

Monsieur de Sillery, le S' d'Hallincourt arriva icy le VII de ce mois, avec voz lettres du XXVII d'avril acompagnées des articles de mon mariage avec la Princesse Marie, par vous arestez et signez le XXV dudit mois; et ai sceu par lui et par vos dictes lettres comme tout a passé. Il m'a faict aussi un si honorable récit de la persone et du mérite de la Princesse que j'en demeure très contant, comme je faictz du contenu desdits articles, et mesmes que vous vous soyez acomodé au désir de mon cousin le Grand Duc pour la partie de deux cent cinquante mil escus. Je compte regarder meurement la déclaration qu'il vous en a faicte, de laquelle vous m'avez envoie un double par le mesme. J'ai bien remarqué l'article qui faict mention de la restitution des deniers du dot et des bagues qui auront esté baillées à ladicte Princesse , au cas

que elle me prédécède, dont je ne vous avols commandé de faire instance ; par où comme par tout ce que vous avez négotié avec Sa Sainctelé et le Cardinal Aldobrandin, devant que de partir de Rome, que depuis avec le Grand Duc et ses ministres, je recognois que vous m'avez très bien servy. Ce qui m'a esté représenté bien particullièrement par ledict d'Hallincourt, duquel si j'ai esté bien servi au voiage qu'il a faict par delà, il advoue que toute chance et le gré vous en sont deubz, aïant par vostre prudence et industrie remis mon nom et mes affaires en très bonne odeur et réputation, tant à Rome que par toute l'Italie ; de quoy il m'a raconté plusieurs particullaritez qui m'ont fort pieu et resjoy. Le VIII* arriva Valérie avec vostre lettre du dernier du mois d'avril accompagnée d'un double de la précédente. Or, comme j'ai deslibéré de faire partir dedans quatre ou cinq jours Frontenac, comme précurseur de mon grand escuyer, pour aller visiter ledit Grand Duc et la Grande Duchesse avec ladicte Princesse Marie, et me conjouiravec eulx de la conclusion dudit mariage, ne vous commanderai par la présente de faire autre compliment envers eulxsurlesubget que dict est. Assurez pourtant du contentement que j'ai tesmoigné. Je vous renvoieray le courrier pour vous confirmer ce que vous ai escript par ma lettre du II de ce mois que j'ay adressée à Orlandin pour vous faire tenir, affin que vous ne demeuriez en double de mon intention sur le

temps et le lieu et la forme de la célébration dudict mariage, sur ce que vous m'en avez escript par vos deux dernières. Vous sçavez doncques que je perciste à vouloir quelesdictes nopces soient faictes en ma ville de Marseille, par le Cardinal Aldobrandin, au mois de septembre, pour les raisons que je vous ai escriptes par ma susdicte depesche ; joint que il me seroit du tout impossible de le faire dans le mois de juin, comme le Grand Duc et vous aviez projeté ; car quant ledit Hallincourt est arrivé, il m'a trouvé que je n'avois commencé à préparer aucune chose pour lesdictes nopces, atendant tousjours la résolution qu'il m'a apportée. Vous sçavez quel chemin il y a pour aller en la ville de Marseille et combien il me fault de temps pour y aller avec ma court, en l'équipage qu'elle doibt estre pour une telle occasion , aussi amener avec moy d'arrière et dresser plusieurs équipages. Tout cela ne se peult faire que avec le temps, et il est du tout impossible de ce faire dedans le mois de juin, quand mesmes nous serions prests à partir avec tout ce qui nous faict besoin. Pour ceste cause il faut remetre la partie audit mois de septembre, à cause des chaleurs des mois de juillet et d'aoust, et sur cela contremander les gallaires deMalte elles armes que ledict Duc aretenues. Davantage, je veulx mettre fin à l'affaire du marquisat de Saluces, devant que de faire autre chose, et pour que la Grande Duchesse se trouve à mes nopces, ainsy que je vous ay escript. Mais il fault que je con-

fesse que j'ai esté bien ébahi quand j'ai sceu la déclaration publicque que ledit Duc a faicte à l'endroit de ladicte Princesse, après la résolution desdits articles, devant que j'en aye esté adverti et que ne m'en ayez point demandé mon advis. Car je ne penssois poinct que l'on en deust passer si avant, devant maresponce sur lesdicts articles ; joint que je faisois estât d'envoier demander et visiter publicquement ladicte Princesse, ainsi que vous aurez veu par ma dernière despesche. Et me semble aussi que ce n'est pas la coustume de faire prendre les articles de semblable manière entre ceulx qui doibvent espouser, devant que l'esglise y ait passé. Davantage j'ay voulu garder le respect au désir dudit Grand Duc de tenir ce faict secret jusques à la conclusion d'iceluy, que je n'en ay pas seullement donné advis aucun ni signe à un seul de mes amys, lesquels, en entendant par autre voie lesdictes déclarations, auront occasion de s'en plaindre. Je vous avois recommandé d'accélérer la résolution dudict contract, comme vous avez très bien faict, mais non faire plus, parce que je m'atendois faire précéder l'office susdit duquel j'entendois charger mon Grand Escuier. Or, nous ne pouvons faire que une chose faicte ne le soit, partant que c'est advenu il ne s'y puisse plus rien gagner ; je me contenterai aussi de me descharger à vous du ressentiment que j'en ai, que j'atribue plustost au désir que vous avez eu de complaire audit Grand Duc et à uneabon-

dance d'affection que il a eue de m'honoreret ladicle Princesse, en ceste occasion, que à toute autre considération. Toutesfois je n'ai peu tant me commander que je n'en aye dict mon advis à Giovanini, comme celui que je sçai avoir souvent donné des conseils et

advis par delà qu'il prenoit plustost en fantaisies

que en celles de ma volunté; ausquelles nôantmoings il estoit raisonnable que il eust plus d'esgard que à toute autre, puisque j'estois le principal personnage en ceste affaire. Or, il se fault conduire en ceste affaire avec prudence, affin de ne troubler la feste ; au moyen de quoy il sufira que ledit Grand Duc seullement sçache que je suis marry de cecy, autant pour la peine et subgétion que il en recepvra, ledict mariage ne pouvant estre si tost sollemnizé, que pour autres considérations, car je persiste à vouloir espouser en personne ladicte Princesse, et non par procureur, comme je vous ai escript par ma dernière lettre. Quant je vouldrois en user aultrement, j'en cometrois plus voluntiers la charge audit Grand Duc que à tout autre, suivant l'ouverture que il vous en a faicte. J'aurois aussi très agréable de me servir de la rencontre et présence démon cousin, de façon qu'il acompagne ladicte Princesse, si elle debvoit partir plus tost; maispuis que c'est impossible, il me semble qu'il n'esta propoz de le retenir davantage pardelà; vousmesme ferezbien ledit office, quant il sera temps. Davantage, je vouldrois que le Cardinal Aldobrandin fust le chef de

cesle conduite, comme Légal de Sa Sainctelé , pour l'honorer d'avantage, et aussy d'arranger ceste partie de façon que chascun ait agréable qu'elle se joue en ceste forme et que je sois adverty au plus tost de ce que vous en aurez arresté. J'ai veu le mémoire d'aucuns des officiers que l'on prétend donner à la dicte Princesse, sur lequel j'ai commandé en estre notté mon intention, de laquelle j'ai bien faict sentir quelque chose, en général, à Giovanini, non si clairement qu'elle est et seroit dessous icy, en fin, que la Princesse soit servie de Dames, servantes et serviteurs que jeluy choisirai et donnerai et de n'en retenir de ceulx de delà que le moins que je pourrai. Toutesfois, si ladicte Princesse affectionne quelque servante ou serviteur, je serai très aise de la contanter. Parlant mêlez peine de le sçavoir secrètement, car je neveulx avoir esgard en cecy que à son contantement parti-

cuUier seuUement. M' raporte qu'elle luy a dict

que n'en vouloit avoir d'autre quelemien, de quoyj'ay esté très aise, comme je luy manderay par ledict Frontenac, et veulx cependant que vous luy faciez sentir doulcement. Quant j'aurai receu la responce à ma précédente et à la présente, je fais estai d'adverlir mes amys de la conclusion dudit mariage, mais ne le puis faire, pour n'eslre marqué le temps dudit mariage que il sera célébré, et ferez sçavoir cependant qu'il me semble que il debveroil pluslost se haster d'en donner ad vis au Duc de Savoie, que de faire autre-

ment, puisqu'il n'est pas contant de luy. Car c'est seur qu'il ne luy sera gueres agréable (du moins en userois-je ainsi, si j'eslois en sa place) et ai jà commandé à vostre frère que j'ai envoyé auprès de luy, qu'il luy dise le terme auquel je me trouve dudit mariage et que M"^ de Savoie continuoit à m'assurer que il me contentera; toutesfois il semble que il ne s'i prépare guères, car il est encores à Chambéry, et toutesfois il veult que je croie que il fault que il passe en Piémont, et qu'il consulte ses su.bgets devant que de former sa résolution. Il m'a faict dire depuis deux jours que la peste s'est renouvellée auprès de Turin et que cela retarde son passage, ce que je interprète par un commencement d'excuse qui ne me plaist aucunement. S'il eust esté à Chambéry quand ledit Hallincourt y a passé , il l'eust veu ; mais il estoit à la chasse et ne jugea à propos de atendre son retour, mais il luy fist dire par forme qu'il debvoit depescher un des siens vers moi, deux jours après ; lequel ne comparoist point encores. Or si je n'arrive à lui le premier jour de juin, ce sera bien tost après ; et suis résolu, si ledit Duc ne me contente, de n'atendre à faire ce que je doibs pour en avoir raison, que le comte de Fuente soit arrivé en Italie, au raport de ce qu'il amènera et répandra ses trésors. Car je ne veulx me fier à la responce que l'on dict que leRoy d'Espagne a faicte au Chancelier dudit Duc, sçachant combien les Espagnols sont marris denostre acort et que j'aie une entrée en Italie,

et comme ils sont jaloux de la prospérité de mes affaires. Letraictementque ils ont faict au S"^ Lomelin en rand des preuves, et que ils ont esté cause en partie de la querelle advenue, mais j'en ai trouvé d'autres qui me confirment en ceste oppinion et me font croire que lesdits Espagnols manquent plus tost de moïen que de volunté de me mal faire. Vous aurez recogneu par ma dernière que je suis de vostre advis sur le faict dudict Lomelin, assavoir, de ne l'imputer au public de la ville de Gènes, autres que les partisans d'Espagne qui ont estimé me nuire en sa personne ; et je voudrois pouvoir donner occasion au peuple d'icelle ville de croire que j'ai ceste oppinion là, par quelque espèce de ressentiment, comme de ne leur demander le passage de ladicte ville, pour conduire ladicte Princesse et ne la faire passer par icelle, s'il esloit possible de l'esviter, et leur faire dire que j'en use ainsi, non par faulte d'affection aux habitans de la dicte ville, mais pour l'occasion que l'on m'a donnée par l'exemple de la rigueur exercée contre ledit Lomelin, en ma considération, de croire que les ennemis de la paix et prospérité de mon Royaulme pourroient avoir encore assez de pouvoir que de rendre ledit passage moins honnorablequeil doibt estre; sans passer ce qui est advenu soubs la dissimulation du tout incensible, comme seroit celle que vous m'avez nottée par vostre lettre. Toutesfois, je m'en raporterai tousjours au meilleur advis dudit Grand Duc et au

vostre,et m'abstiendrai cependant défaire là présentement autre démonstration du mescontentement que j'en ai. Je vous ai envoie, avec ma dernière, une lettre de remercîmenl pour Sa Saincteté et le cardinal Aldobrandin, tracée mot à mot sur l'instruction et termes de vostre lettre du VIII" de ce mois, de sorte que je n'ai pas estimé en debvoir envoïer d'autre, sur ce que vous m'en avez escript par vostre dernière ; joint que si c'est chose que vous jugez nécessaire je y pourrai tousjours retourner par la voie de ceulxque j'envoierai par delà. J'ai eu plaisir d'entendre, par vostre lettre, l'ouverture qui a esté faicte audit Grand Duc de la part du Roy d'Escosse, ensuitte la responce qu'il vous a dict y avoir faicte, et ce que vous lui avez remonstrô sur ce subjet. Il est certain que ledit Roy recherche l'apui et suport d'un chacun, pour parvenir à la Couronne d'Angleterre après la mort de ladicte Roine, laquelle aussi en a très grande jalousie ; et c'est peult estre une des raisons qui plus la meut de ceulx qui maintenant la conseillent de faire la paix avec le roy d'Espagne et les Archiducz. C'est pourquoy il fault se conduire envers le roy d'Escosse avec beaucoup de circonspection, affin de n'effaroucher ladicte Dame, qui ne l'est desjà que trop de ma prospérité, soubz couleur d'une espérance incertaine de acquérir l'amitié dudit roy d'Escosse, lequel, advenant qu'il se rende maislre d'iceulx Royaulmes, deviendra puissant prince ; et comme il est tenu pour

1res advisé et bien conseillé, sçaura bien lors eslire le party qui luy sera plus advantageux, sans s'arrester aux espérances et promesses d'amitiés et alliances que la nécessité de ses affaires lui aura faict faire. Doncques je dictz qu'il fault procéder avec lui avec beaucoup de considération. J'ay esté adverty que les Catholicques d'Angleterre, qui ne sont en petit nombre, desfavorisent le roy d'Escosse et monopolentfort et ferme pour le roy d'Espagne ou pour l'Infante faisant publier leurs droicls et prétentions par des livres que les Jésuistes mettent en lumière ; desquels ladicte Reyne d'Angleterre s'offensse de présent moins qu'elle ne souloit, soit qu'elle ait craint que le dit Roy d'Escosse veuille prévenir le temps de sa succession , ou que ceulx qui la servent de présent estiment ne se pouvoir fier audit roy d'Escosse à cause de la mort de sa mère , de laquelle eulx ou leurs pères sont

cause, et aussi que l'auteur que le Comte d' a

offensé est favorisé dudit Roy. Cecy, qui n'aparoit que secret, commence à faire croire à plusieurs que la paix que veult faire ladicte Dame est bastie sur ce fondement, et partant qu'elle pourroit bien advancer aussitost à la dispute de ladicte succession et produire d'autres effectz, à cause de la jalousie que le Chancelier ressent et des vices des autres, et aussi qu'il a esté mention de marier Arbelle à l'un des frères de l'Empereur. De quoy le temps nous fera sages. L'assemblée, pour traiter ladicte paix, ne doibtcommancer

que le XXVI de ce mois. L'ambassadeur de ladicle Dame, qui réside icy, nommé le S'' de Neville, doibt eslre chargé de ladicte négociation de la part de ladicte Reyne, accompagné du maislre des Requestes Herbert et les sieurs Seruty, Belle, et Edmont; de la part d'Espagne, toute l'ambassade dudit Roy résidant en Flandre, avec le président Richardot, un auditeur nommé Fernando Carillo et Wereichen. Et semble que les ungs et les autres cheminent avec plus de double du succèz de la négociation qu'ils ne faisoient au commancement. Mais il faut que réitériez que je n'ay obmis faire marque envers ladicte Reyne sur ceste occasion des offres et debvoirs d'amitié que j'ai estimé convenables ; mais comme dictes c'est ma prospérité qui est le subget de sa crainte, il est difficille de luy lever que par son cousin, et de l'autre part ses serviteurs et conseillers sont poussez et persuadez en cecy de leurs intéretz privez de conssidération publicque; signe esvident des malheurs qui mesnacent cest Estât. En quoy il m'est difficille voire périleux de ma franchise, mesmement de faire que j'ai faict jusques à présent par toutes sortes d'assurances que j'ay données à ladicte Dame de mon

J'ay freschement faict passer devant elle le commandeur de Chates exprès pour cest office ; soubz prétexte neanmoings de prendre ma place en la chapelle de l'Ordre de la Jartière suivant les statuz d'icelui (1).

(1) Voy. LeUre du 19 avril 1600.

Mais sçachez que le moïen d'advancer la conclusion (le ladicle paix est de m'y opposer plus ouvertement que j'ay faict; dont j'ay bien voulu vous instruire, affin qu'en puissiez respondreoîi vous jugerez estreà propoz de le faire. Les Archiducz se trouvent bien empeschez à obtenir des Estatz généraulx de leurs pais, qu'ils ont assemblez, ce qui leur faict besoin pour continuer la guerre, tant à cause de la pauvreté d'iceulx, que pour estre leurs cueurs plus portez et disposez à la paix que à la guerre. Cependant le Prince Maurice poursuit tousjours le siège du fort de Saint- André, auquel l'on dict qu'il est si advancé que l'on ne juge point que il en puisse estre destourné, encores que l'Archiduc aille au secours, comme l'on dict qu'il doibt faire ce mois, soit par une diverssion en aclacquant Ostende, Breda, ou Bacquetrudon, ou par autre voie.

Quant au volage par deçà du Duc de Bar, sçachez que il ne m'en a demandé conseil, mais me prie de le vouloir assister et favoriser en icelui cas. J'ai voulu faire ainsy que vous sçaurcz par une lettre que je vous ai escripte par lui ; car je crains fort qu'il ne puisse vaincre la conscience du Pape en ceste occasion ; surtout il me semble quil fera bien de n'en prendre le hazard et de s'arrester auprès de Sa Sainctetéjusques à ce que il y voye plus clair.

Je ne vous répéterai ce que j'ai escript au Cardinal d'Ossat, par ma dernière, sur la témérité et malice du prieur de Saint-Martin et l'evesque de Clermont,

son frère (1), lesquelz, soubz prétexte de Religion et charité, ont osé enlever, en mon Parlement, ceste pauvre fille que ledit Parlement a condamnée récemment, et depuis soubstenu, contre les Arrestz de mon Parlement de Paris, avoir eu raison de ce faire, ainsy que a faict ledict Evesque ; ce qui a meuladicte Court de donner contre Pun et l'autre les mesmes Arrests dont je vous envoie des doubles, ainsy que du plaidoié que feist mon advocat, lorsque ledict prieur de Saint-Martin fust esvincé d'un autre Prieuré qu'il avoit achepté : qui a esté le subget de son courroux, que encores veult couvrir maintenant du voile de charité , au travers duquel il aparoist une vengeance et malice inexcusable qui n'a esté confirmée par les effectz, si ledict Cardinal d'Ossat et vous ni eussiez pourveu par voz prudence et dilligence. De sorte que je faictz bien peu de compte des excuses portées par la lettre que ledict Prieur m'a escripte que ledict Cardinal m'a envolée, et me semble assez nécessaire que la justice achève de punir leur folie fort incommodante, affin qu'elle serve d'exemple aux autres (2).

Je commande aussi de vous envoier un double de la déclaration que j'ai deslibéré adresser au Parle-

(1) Voy. Lettres d'Ossat, t. III, 493-508-518-546, et t. IV, p. 8 et 171.

(2) Voy. sur toute cette affaire : à' Ossa.t, Lettres, t. III, 493- 508-518-529-546, et t. IV, p. 8 et 171,

ment sur le faict da Concilie; car je désire encore vostre ad vis et celui dudict Cardinal, devant que de l'exposer en public ; tant je crains la rencontre des difficultez et obstacles qui s'y feront, comme je pense, par deçà et d'ailleurs que Sa Sainctelé ne pregne en bonne part les restranchemenls portés par icelle, sans lesquels néanmoins je ne puis ordonner la proclamation dudit Concilie, que je ne remette le feu aux quatre coings et au milieu de mon Roy aulme, pour les raisons qui vous sont connues comme à moi. Mais je n'entends pas, vous envolant ladicte déclaration, que ce soit pour la monstrer à Sa Saincteté et moins tirer son aprobation ou consentement sur icelle, car je ne repute chose à laquelle je veuille ni doibve aussi m'assubjectir; mais c'est seullementpour sçavoir comme elle sera receue et interprétée par delà, affin que en voulant contenter Sa Saincteté, je ne fasse le contraire, et ne laisse d'offenser toutes fois ceulx delà Religion prétendue réformée, lesquels ne la peuvent gouster, quelque tempérament que je y puisse donner. Et vous dirai que la honte publicque que a receue le S"" du Plessis en la conférence et dispute dernière qu'il a eue en ce lieu avec l'evesque d'Evreux, a tellement effarouché et troublé leurs esprits, que si quelques uns en ont faist leur profit de la vérification qui a esté freschement faicte de quelques passaiges contenus au livre dudit S' du Plessis, les autres en murmurent estrangement, de

sorte que s'ils avoient autant de prétextes et moiens d'esmouvoir le public que ils en ont de volunté, ils nous remetlroient bientost à la guerre, recognoissans combien la paix va sapant et diminuant toute leur faction et religion. Et ne veulx obmeltre à vous dire que ledict Evesque a acquis en ceste occasion très grand honneur et m'a fort contenté, dont je verrai avec plaisir que vous informez Sa Saincteté, laquelle pourra estre par d'autres que par moy informée de quelle façon je me suis comporté en ce faict pour favoriser la cause de Sadicte Saincteté et faire profit de ceste action à Sa gloire et à l'advantage de son Esglise. Que je sçache ce que je doibs espérer de l'octroi du Jubilé pour l'esglise des Chartreux d'Orléans, dont je vous ai mandé suplier Sa Saincteté, luy assurant que c'est le désir de moy et de mes subjels, à cause de nostre affection et pour les raisons que je lui ai escriptes ; et si vous pouvez l'obtenir pour les troys ou quatre derniers moys de l'année, nous consacrerons nos communs efforts à la réédification de ladicte Esglise; à quoy les aulmosnes que ledict Jubilé y apporteroient, donneroient grand advancement.

24 mai 1600.

AU S' DE SILLERY

M' de Sillery, je vous ai escript par Valerio mon inlenlion sur voz dernières lettres, de sorte que je ne vous prescrirai par celle-ci, de laquelle sera porteur le S"" de Frontenac, que ce que je vous ai ordonné par les autres, assavoir, que je ne puis faire mes nopces qu'à la fin du mois de septembre, pour les raisons que je vous ai mandées (1), que je désire estre marié par les mains de mon cousin le Cardinal Aldobrandin, représentant la présence de Sa Saincteté, pour le bonheur que cela m'aportera et que je désire aussi et espère que la Grande Duchesse s'i trouve, de sorte que j'ai commandé audit de Frontenac de la y convier. Mais je vous répéterai que je ne puis estre contant des déclarations publicques

(1) Voy. Lettre du 11 mai 1600, p. 37.

qui ont est^ advancées à Florence après la signature du contrat dudit mariage devant que d'en avoir consulté et résolu avec moi, pour les justes causes que je vous ai aussi escriptes. Du reste, j'envoie ledit Frontenac voir le Grand Duc et la Grande Duchesse, et principalement la Princesse, pour la saluer de ma part et leur déclarer la pensée que j'ai eu de la conclusion dudit mariage ; luy tesmoigner le désir que j'ai d'en advancer, autant qu'il me sera possible, la consummation ; remercier lesdictz Grand Duc et Grande Duchesse de l'affection avec laquelle ils ont favorisé ma poursuite et mon désir, et asseurer ladicte Princesse du contentement que j'ai eu du récit qui ma esté faict de ses perfections et vertuz ; et par espécial, des déclarations qu'elle a faictes de me vouloir aimer ; et sur ce, luy prometre, en mon nom, tous honneurs, services et amitiés. Au demeurant, aïant meurement considéré, depuis vous avoir escript ma dernière lettre, l'ouverture qui vous a esté faicte par le Grand Duc de luy envoïer pouvoir d'espouser en mon nom, par parolle de procuration, ladicte Princesse, devant qu'elle parle de Florence, affin d'en sortir et estre aussi conduite plus honorablement; je vous dirai que j'ai deslibéré, si tost que ledit de Frontenac sera de retour, d'envoïer audit Duc ledit pouvoir expédié en la forme que il doibt estre, et d'en randre porteur mon Grand Escuier. Partant vous en adver tirez ledit Duc, au désir duquel,

que vous me mandiez, j'ai voulu céder le scrupule que je vous ai escript par ma dernière lettre que j'avois de n'engager jamais ma foi en semblable occasion par les mains d'un tiers; affin de lui faire cognoistre combien je veulx doresnavant déférer à son contantement et bon advis. Je n'ai voulu cometre ladicte charge audit de Frontenac, affin que ledit Duc en reçoipve l'advis par vous comme il aura faict la difficulté que j'avois faicte d'envoïer ledit pouvoir. Pour ceste cause, j'ai commandé audit de Frontenac vous faire tenir la présente sitost que il sera arrivé audit Florence. Je n'ai rien à adjouter à ce que je vous ai escript touchant le mémoire concernant les Dames et Officiers que l'on avoit proposés par delà de donner à ladicte Princesse, sinon que plus je vois avant, plus je me confirme en ma première oppinion qui est de la faire assister et servir par des Dames et serviteurs de nostre Nation, tant pour mon contantement et soulagement, que pour ce que je m'asseure qu'elle en sera mieulx servie. J'ai jà prié ma tante la Duchesse de Nemours de accepter la Superintendance de sa Maison , ce qu'elle a voluntiers faict. Vous cognoissez sa qualité, ses mœurs et son mérite; lesquels je l'espère ne serviront seullement à ceste Princesse à luy bien assister, mais aussi qu'elle honorera et réglera la Maison, à mon contantement et au sien. Je ne vous parlerai point encore des autres, car je n'en ai encore faict eslection, sinon de la Mar-

quise de Guercheville servant de Dame d'Honneur, laquelle vous cognoissez aussi sa vertu; mais à mesure que j'en choisirai et ordonnerai d'autres, je vous en adverlirai, car je serai bien aise que lesdicls Grand Duc et Duchesse en soient informez par vous, et par conséquent ladicte Princesse. Et il ne sera besoin que mon cousin de Rohan et son frère s'arrestent à Florence pour conduire ladicte Princesse, puisque son parlement est retardé; et il vault mieux que ils poursuivent leur pèlerinage, pour aprendre à me servir, comme ils ont bien commancé ; ainsi que ledit Frontenac vous dira de ma part, outre ce que vous lui en avez mandé après la réception de ma précédente. Au reste, vous scavez que le Duc deMantoue a depesché vers moy un sien serviteur pour me prier de trouver bon qu'il acompagne et conduise èsdictes nopces la Princesse quant elle viendra, ou bien qu'il se trouve en personne privée après moi. J'estime que ladicte conduite n'en seroit que plus honorée, estant de la qualité et si proche de ladicte Princesse. Toutefois, je n'ai voulu m'y engager sans l'advis du Grand Duc. Partant je luy ay faict responce, en termes généraulx, le remerciant de sa bonne volunté, remetant à lui faire sçavoir plus parlicullièrement mon advis sur cela quant je serai à Lion. Cependant j'aurai à plaisir de sçavoir celui dudit Grand Duc, duquel doncques vous métrez peine de m'esclairer au plus tost. Je veulx croire que

le Duc de Savoie me contantera, car il Ta ainsi promis et déclaré à vostre frère, depuis qu'il est arrivé auprès de lui; et si vostre frère m'a mandé qu'il ne se prépare point à faire le contraire^ toutes fois f en serai bien plus assuré quant je me verrai en possession de mon Marquisat. Vostre frère m'a adverty que ledit Duc doibt menvoïer sa déclaration par Foucar^ toutes fois il ne comparoist point encores^ et ai dèlibéréy quoyquil puisse dire^ de ne rompre ni retarder davantage mon voïage à Lion. Cependant je fais estât de partir à la fin de ce mois pour m'acheminer; mais comme vous sçavez que les Ducz de Savoie et de Mantoue ne s'aiment pas, si le premier ne me conlantoit, il seroit expédient que je veisse l'autre, pour me assurer mieulx de sa volunté ; enfin, il me semble que sa venue à Marseille ne peult estre que utille; parlant, disposez le Grand Duc à l'approuver aultant que vous jugerez le debvoir faire. Le Nunce acompagné de l'Archevesque d'Arles et du Père Mario, me rendit lundy dernier seuUement les lettres de Sa Sainctelé et du Cardinal Aldobrandin, escriptes sur le retour d'Hallincourt, par lesquelles Sa Saincteté continue à insister pour la publication du Concilie et le restablissement des Jésuistes; de quoy ledit Nunce et les aultres me feirent aussi grande instance, mais je leur dictz que je vous avois escript de représenter sur ce à Sa Saincteté certaines considérations dont je desirois avoir responce de-

vant que de passer plus avant en l'un et en l'autre faict. Mais ces Messieurs désirent tant obtenir cecy, pour contanler Sa Saincleté et se contanter eulx mesmes, que toutes noz raisons qui tendent à en surceoir l'exécution ne les peuvent contanter, quelques bien fundées qu'elles soient; de quoy je suis seurément en grande peine, craignant que ilz l'inpulent à mauvaise volunté et froideur de ma conduicte, encores que ai partout mis facilité à advancer le contantement de Sa Saincteté, autant que le bien et repos de mon Estât me permelent de faire. Je désire grandement veoir le Cardinal Aldobrandin, pour plusieurs occasions d'importance ; mais une de mes plus grandes envies est de lui représenter les raisons pour lesquelles je me suis conduict comme j'ai faict en ces deux affaires, l'effect desquelles eust esté, en vérité, plus tost retardé et mesmes rendu innutile que advancé, si j'en eusse usé autrement. Je vous dictz que mes subgets de la Religion prétendue réformée sont si esfarouchez de la deffaveur que ils ont receue de ceste conférance et dispute faicte entre l'evesque d'Evreux et le S"" du Plessis, recognoissans tous les jours le desadvantage que ceci leur apporte, que si aucuns d'eulx pouvoient esmouvoir et remuer le général de leur party et exciter de nouveaux troubles en mon Estât, ilz ne s'y faudroient pas, publians que je veulx les destruire, comme si j'avois promis à Sa Saincteté de ce faire. Et se servent, pour allumer

ceste impression, des commandements quejeconstrains et veulx faire pour faire publier et recepvoir ledict Concilie et rappeler les Jesuistes, encore que j'estime qu'il est nécessaire de leur laisser passer ceste fantaisie pour quelques jours, et se contanter cependant de cultiver le fruit de la susdicte conférence et dispulte, lequel, tant troublé que ce soit, avorteroit entièrement, et veulx que vous disiez à Sa Saincteté que j'espère qu'il en réussira de très beaux et profitables effeclz qui la contanteront. Cela profitera aussi à ces deux autres davanlages; si je m'esloigne et absente de ceste ville, quand j'envoierai aux gens de mon Parlement mes commandemens sur TEdit, je suis certain que je jeterai la pomme de discorde entre eulx, veu que leurs oppinions sont diversses et contraires sur cela. Je sçai pour les avoir sondez et descouverts souvent que j'estime que ce sera le plus seur et expédient de remettre ceste partie au retour du voïage de mes nopces; principalement pour le regard du Concilie, car quant au restablissement des Jesuistes, si je veulx commancer à les asseurer de ma protection et permission aux lieux et provinces où je les ay tollerez jusques à présent, comme aucuns sont d'advis que je face, tant pour esprouver leur fidellité devant que de les restablir du tout, que pour n'esfarouclier trop ceulx qui s'en formaliseroient; c'est chose que je promets faire à Lyon aussi bien et mieulx que en ceste ville, car il

n'en faudra adresser au Parlement ma déclaration, puisqu'elle ne debvera avoir lieu au ressort d'icelui ; et pouvez asseurer Sa Saincteté que je ne perdrai l'occasion de fraper coup, tant je désire la contanter. Continuez-moy doncques en sa bonne grâce; et, d'aultant que il n'y a guères que j'ai escript à Sa Saincteté et au Cardinal Aldobrandin, je ne ferai responce, pour ceste fois, à leurs dernières lettres; mais ce sera quant j'aurai receu de vous nouvelles. A tant, etc.

Dernier mai ISOOb-

DU ROY AU S'* DE SILLERY

Monsieur de Sillery, vous serez informa, par ceste lettre que je vous faictz à part, de ce qui s'est passé touchant l'évesché de Strasbourg, dont j'ai apris, par vostre lettre du Xe de ce mois , que Nostre Sainct Père vous avoit parlé, ainsi qu'il avoil fait au Cardinal d'Ossat, comme il m'a escript. Premièrement , je vous dirai que ceulx qui ont donné advis à SaSaincteté que j'avois escript à l'Empereur et député vers l'Electeur Palatin et le Grand Duc, en faveur de ceulx de la Maison de Brandebourg sur ce subget, l'ont inventé (car non-seulement je ne l'ai faict, mais je n'ai encores escript audit Empereur lettre, pour quelque cause et subget que ce soit). Durant la guerre, je feiz dire audit Empereur que je desirois lui randre la mesme observation et amitié que mes prédécesseurs avoient faict aux siens. A ceste fin, j'estois deslibéré

d'envoïer devers lui un personnage exprès , pour le saluer et lui déclarer ma volunté, si je cognoissois qu'il l'eust agréable et y vouloir correspondre; mais, comme je cogneus par sa responce qu'il ne desiroit pas que je advançasse tel office, non tant, à mon advis, par faulte de bonne volunté de sa part, que pour le respect du feu roy d'Espagne qui me faisoit lors la guerre, tellement que je m'abstins aussi d'y envoïer; mais comme je veulx effectuer et acomplir tousjours de mon coslé tout ce que la raison , l'honesteté et le mutuel debvoir d'amitié et observance requièrent que nous facions les ungs envers les autres, j'ai deslibéré faire visiter ledit Empereur, et ai commis pour ce faire le S' de Boisdauphin, Mareschal de France, lequel partira dedans deux jours pour s'y acheminer, et lui portera ma première lettre que je lui ai escripte depuis la paix. Je l'acompagnerai aussi du Maistre d'Hostel Ancel , qui aura charge de demeurer et résider auprès de lui, en qualité d'Agent, comme il faisoit du temps des Rois mes prédécesseurs ; n'y pouvant tenir d'Ambassadeur, à cause de laprécédencesurleRoi d'Espagne, qui a esté disputée à mes prédécesseurs en la court des Empereurs , et depuis qu'elle a esté débatue par les Ministres dudit Roy. Voilà doncques comme ledit Empereur n'a encore eu de moi aucune lettre , et que l'advis qui a esté donné à Sa Saincteté que je lui avois escript en faveur du fils de l'Electeur de Brandebourg est faulx.

Mais vous sçavez que Tan lS9o, estant lors au conté de Bourgongne, mon frère le Duc de Lorraine et mon nepveule Cardinal de Lorraine, son filz, envolèrent devers moy le feu S^'de Lomelin, pour me prier d'envoïer le S"" de Sancy vers le filz dudit Electeur de Brandebourg, esleu administrateur de Tevesché de Strasbourg par les chanoines résident en ladicte ville, au lieu dict le Brudahoue ; et les autres Princes alliez dudict administrateur, pour les admonester et prier, en mon nom , de poser les armes et cesser la guerre qu'ilz faisoient audict Cardinal de Lorraine, esleu et créé Evesque dudict evesché de Strasbourg, par les Chanoines catholicques retirez à Saverne, pour la joïssance des terres et fruictz dudict Evesché, et se contanter que leur différent fust jugé amiablement par les susdictz Princes que l'Empereur avoit députez pour cest effect, dès Tan 1593. Et cependant que chascun joïst du partage provisionnaire que les commissaires dudict Empereur avoient ordonné, en son nom, desdictes terres dépendantes dudict Evesché, jusques à la descision dudict différent; et comme j'ai tousjours désiré favoriser ledict Duc de Lorraine et son filz, je depeschai vers eulx et lesdicts Princes ledict S' de Sancy ; ce que je feiz d'autant plus voluntiers que la Maison de Brandebourg a tousjours esté affectionnée à la Couronne de France, et que la guerre se desmenoit auprès de ma frontière, de sorte qu'il m'estoit honeste et utille de m'en entremettre.

Ce qui fust Iraicté par ledict S' de Sancy si heureusement qu'il les meist d'acort , ainsi que vous le verrez par le double des articles d'iceluy, que je vous envoie; par lequel vous cognoistrez qu'il ne feist que confirmer celui que les commissaires dudict EvesqUe avoient faict auparavant et vuider quelques petites disputes intervenues sur l'exécution et observation d'iceluy. En quoy je apportai tant d'affection, et procédai de si bonne foi, pour faire plaisir auxdictz Duc et Cardinal de Lorraine je feiz deux choses à leur requeste : l'une , de me charger de païer audict Cardinal mil escuz par an, durant cinq ans, pour lui donner moïen de contanter ledit administrateur et supléer au partage qu'il débatoit; et l'autre, d'engager ma foi et parolle à l'observation dudict acort, ainsi que vous verrez par la cédulle qui en fust passée lors par ledict S"" de Sancy, dont je vous envoie un double ; laquelle fust depuis ratifiée de moi par lettres autentiques signées de ma main et scellées de mon sceau, receues par les parties, à la poursuite dudict Cardinal de Lorraine, lequel n'estoit leur supost ni favorisé de l'Empereur, comme il a esté depuis et est de présent extraordinairement, que je vous dirai maintenant, qui est que ledict Cardinal est mené par ceulx qui le conseillent, lesquels ont souvent favorisé le parti Espagnol , soubz prétexte de porter au préjudice de mes affaires, pour acquérir la faveur et protection dudict Empereur contre ladicte Maison de

Brandebourg et ses alliez d'Italie , ont permis que le Prince Léopold d'Austriche, frère de TArchiduc Ferdinand et beau-frère du Roy d'Espagne, a esté esleu Coadjuteur dudict Cardinal audict Evesché par les Chanoines dudict Saverne ; laquelle eslection a esté confirmée et ratitiée par Nostre Sainct Père le Pape ; et, par ce moïen, ledict Cardinal a obtenu dudict Sainct Père l'investiture et régale de tout ledict Evesché sur la Maison de Brandebourg, laquelle s'en plaint, et adresse à moi , comme à celuy qui s'est rendu fidéjusseur, plege et caution de l'entrelenement du traité fait par ledict S"" de Sancy. Me remonstrant avoir, en ma considération et sur la confiance qu'il a eue en ma parolle , posé les armes et quicté les advantages qui se pouvoient obtenir par les Lorrains, que ilz recherchoient la descision dudict différent par la voie prescripte par ledict acort, comme ilz avoient promis ; et sur ce, me somment de me joindre avec eulx contre ledict Cardinal, comme infracteur dudict acort. Car encor que il ne ait procédé contre eulx par la voie des armes, néantmoings ilz prétendent l'avoir faict hostillement, puisqu'il n'a tenu celle qui avoit esté acordée et convenue par lesdictes descision et acort. De quoy ai adverti ledict Cardinal, non sans me plaindre de ce que m'estant entremis de ce faict, à sa requeste, luy faire plaisir et le deslivrer de peine, non seulement il avoit contrevenu audict acort, mais aussi avoit choisi pour Co-

adjuleur ledict Léopold, ne pouvant ignorer combien il me imporloit et à toute la France , voire à la Lorraine mesme, qu'un Prince de ladicte Maison prist pied et s'establit en ladicte ville de Strasbourg, d'autant que ce païs divise et sépare, par effect, la France de l'Allemagne, à cause du passage du Rhin, tous les autres estant jà en ladicte puissance. Le Cardinal a dépesché devers moi le protonolaire de Lenoncourt, avec le Mémoire et lettres dont je vous envoie des doubles, par où vous verrez ses raisons et excuses, qui sont si mal fondées que j'ai grande occasion de me douloir de sa procédure, car, en premier lieu, il ne debvoit contrevenir audict acort, puisque je l'avois faict à son instance et pour lui faire plaisir, et que j'y avois engagé ma foi et paroUe pour ceste considération; et si les autres avoient commancé à le faire , comme il prétend , la raison vouloit m'en feist prévenir devant que de s'y pourveoir par la voie que il a faict. D'avantage, et c'est le point qui me grève et offense le plus , debvoit-il choisir un tel Coadjuteur, du moins sans m'en advertir : je n'en ai rien sceu que après le coup ; et fault que vous voïez que l'Empereur devant cela luy estoit aussi contraire qu'il lui est maintenant favorable; d'aultant que il pensoit jusques à ce moment ne recouvrer de ladicte Maison de Brandebourg le droit audict Evesché que par la faveur dudict Cardinal , l'establissement duquel lui estoit suspect, à cause de nostre affinité. Mais, aïant

pratiqué et gaigné les conseilliers dudict Cardinal , ilz lui ont faict faire le sault, au préjudice de ma couronne et de son debvoir envers moy ; dont je vous déclare que je suis fort offensé, car il semble que le coup soit sans remède , puisque Sa Saincleté y a pensé ledict Cardinal Duc que estant jeune, comme il est, ledict Léopx)ld ne joïra de long temps dudict Evesché, et partant n'aura moïen de y prendre pied ; mais ledict Cardinales! si cassé et usé, à cause de son indisposition, que il y a plus à craindre que à espérer de sa vie ; d'avantage, advenant qu'il soit promeu à quelque autre dignité et evesché ou légation, suivant ses prétentions, il fault qu'il quicte celui-ci audict Léopold, c'est à dire à la Maison d'Austriche et encores à la dévotion dudict Roy d'Espagne ; quoy advenant, ladicte Maison, qui possède jà tout le païs circonvoisin , se randra bien tost maistresse de la ville et passage de Strasbourg , à quoy il y a long tems qu'elle aspire. Au moïen de quoy ledict Cardinal a faict en ceci une porte à mon Estât, que je croi qu'il m'a considéré comme ceulx qui l'ont induict à ce troc, duquel je me plains grandement. J'adjousterai que je ne doubte point que ceulx de Brandebourg, avec leurs alliez et amys , ne s'opposent par voie de faict à ladicte investiture , comme faicte sans avoir esté apellés ni oïs et contre les voies de droit et les articles susdictz, faictz tant par les commissaires dudict Empereur que par mon entremise ; à l'obser-

vation desquels le Chapitre de Saverne n'estoit moins obligé que ledict Cardinal , comme il se voit par le texte d'iceulx. Si bien que l'un et l'autre sont inexcusables. Je doibtz aussi porter mes veux et mes armes en faveur de celui contre lequel ledit acort a esté violé. Et, comme je n'ai rien plus cher, après le salut de mon âme , que l'observation de ma parolle , je suis bien résolu de la faire valoir et maintenir tant qu'il me sera possible ; et d'aultant plus le doibs-je faire que je la voi violée de la part de ceulx en faveur et à la postulation desquelz je l'ai principalement engagée; et il n'est pas icy tant question de Religion , comme ils ont donné à entendre à Sa Sainctelé, que de mon honneur et de mon Estât. Si ledict Cardinal m'eust laissé faire , j'eusse facillement composé ce différent et l'eusse seurement rendu mais- Ire et par conséquent Prince diidict Evesché : car je m'assure que ceulx de Brandebourg s'y feussent volontiers accommodez avec lui , pour l'amour de moi, en prenant récompense de leurs prétentions. J'eusse bien mesnagé cela ; mais ledict Cardinal et ses conseillers m'en ont osté le moïen, à cause de ladicte Coadjulorerie que je ne puis digérer, pour la conséquence d'icelle ; et ne sçai si je me doibtz plaindre qu'elle ait esté despeschée à Rome, sans avoiz esgard à mon intérest. Toutesfois, je juge bien que Sa Saincteté l'a faict , miné de son affection et passion ordinaire à l'advancement de la Religion , affin de des-

bouter dudict Evesché ceulx de Brandebourg en faveur des Catholiques. Mais il est à craindre que il n'en succède tout autrement et que ceci n'engendre une nouvelle guerre de ce coslé là. qui traversera Sa Saincteté et ses autres desseins contre le Turc, car il est certain que lesdictz Princes de Brandebourg et leurs alliez, intéressez en ceste cause, ne endureront jamais que ilz soient dépossédez du droit que ilz prétendent audit Evesché , par telle forme. C'est pourquoy tout ce que j'ai fait en ceste instance a esté de prier ledit Cardinal de surceoir ceste poursuite, pour pouvoir, avec loisir, trouver moïen de obvier à tel inconvénient. A quoy je m'emploierai voluntiers, pourveu que l'on me ayde aussi à me deslivrer de la juste jalousie que m'inspire ceste Coadjutorerie recherchée extraordinairement par ledit Empereur, ainsi que j'ai naguères escript audit Cardinal par ledit de Lenoncourt, renvoie par lui devers moi, pour cesteffect, pour la seconde fois, et lui répétera encores de ma part ledit Mareschal de Boisdauphin. M"" de Sillery, voilà au vrai Testât passé et présent de ceste affaire qui me touche fort au cueur, me desplaisant infiniment de recepvoir le mal de la main de ceulx desquelz je debvois atendre et recepvoir tout bien , pour les obligations qu'ilz m'ont. Vous communiquerez le tout au Cardinal d'Ossat et adviserez ensemble ce que vous en debvrez dire à Sa Saincteté, car je m'en remets à vostre prudence , très marri de sem-

blables rencontres ; mais comme elles ne proviennent de moi, je n'en suis point coulpable, comme sont ceulx lesquels ne trouvent rien de trop chaut ni de trop froit pour gagner advantage sur leurs voisins, soubz prétexte de piété et de bien faire à la Religion, laquelle, au contraire, ilz desfavorisent grandement, d'autant que pour estre leur ambition cogneue et honorée de tous , chascun se bande contre eulx. En quoy la Chrestienté a tout à gagner que Sa Saincteté face la balance droite , car par ce moïen elle remédiera seurement et facillement à toutes sortes de accidents qui pourroient prejudicier à la Religion Catholique et maintiendra la Grestienté en repos, à quoy tiendront tousjours mes principaux veulx et à contanter Sa Saincteté , autant que mon honneur et le bien de mon Estât me permettront de le faire, ainsi que vous lui direz. A tant, etc.

1er juin 1600.

AU S' DE SILLERY

M' de Sillery. Depuis le parlement du S' de Frontenac j'ai receu voz lettres des IX» et X« du mois de mai , par lesquelles j'ai sceu vostre arrivée à Rome, le compte que vous avez randu à Nostre Sainct Père et au Cardinal Aldobrandin de vostre voïage de Florence et le contantement que l'un et l'autre ont monstre d'en avoir, ce qui a acreu celui qui me demeure du service que vous m'avez fait en icelui. D'autant que je vous ai escript, tant par Valerio que depuis, en quel temps et forme je désire effectuer ledit mariage, je ne vous en ferai redite, assuré que vous avez réglé et disposé toutes choses nécessaires sur madicte résolution, laquelle j'eusse voluntiers changée, pour complaire à Sa Saincteté, contanter le Grand Duc et accommoder le Cardinal Aldobrandin, s'il eust esté en mon pouvoir de le faire, tant aussi je

désire parachever ledit mariage. Mais il faull que je m'accommode à ce que je puis, joint que j'espère que le tout sera exécuté plus honorablement et au gré et contantement d'un chascun, en la sorte que je vous ai prescripte, sur quoy je me promets que ledit Valerio, ou autre, m'en apportera bientost la response dudit Grand Duc et la vostre. Cependant, nous donnons ordre par deçà à tous les préparatifs nécessaires affin qu'il n'y ait rien à redire au temps que j'ai résolu, dans lequel je me promets que je serai hors d'affaire avec le Duc de Savoie ; car, encores que nous aïons ateint le temps dedans lequel il est obligé d'obter et effectuer le parti qu'il vouldra prandre et que personne ne soit comparu encores de sa part pour en faire la déclaration telle que il convient , néanmoins, m'aïant de nouveau assuré, tant par lettre qu'il m'a escripte de sa main du XV» du mois passé, dont je vous envoie un double, que par la bouche de son Ambassadeur, qu'il me contantera, je veulx avoir patience et atendre d'autrement ce qui en succédera, affin d'obliger, de preuve en preuve, ledit Duc à m'aimer et se fier en moy par la confiance que je veulx. luy monstrer que j'ai en sa foi et parolle. Mais, en tout cas, je partirai au premier jour pourm'acheminer à Lion et irai par la poste pour joindre ma Maison à Moulins, laquelle partira demain pour gagner le devant avec ceulx de mon Conseil. Cependant, je pourray avoir quelques advis du chemin que prendra la

négociation des Députez assemblez dès le XXVI» du

passé, , pour la paix du Roy d'Espagne

et des Archiducs avec la Royne d'Angleterre, du succès de laquelle plusieurs choses dépendent qui ne sont de si petite conséquence, que si je n'estois obligé au voïage que je fay, pour les raisons que vous sçavez qui m'i appellent , je n'abandonnerois, en ceste circonstance, ces quartiers. Depuis la reddition du fort de Saint André, duquel je vous envoie la proposition, le Prince Maurice a retiré ses forces, pour rafreschir, et les Archiducs on fait lesem. blabie des leurs, après avoir pourveu à la seurelé de la ville de Bos le Duc, que ilz craignoient que le Prince voulust atacquer. Et samble que ladicte prise ait affermi les Estats des Provinces Unies en leur résolution de poursuivre leur bonne fortune par la guerre. Toulesfois ilz ont rapelé les Ambassadeurs de l'Empereur, lesquelz ilz avoient auparavant du tout rebutez, craignant, à mon advis, que leur légation et présence aportast de la division et de l'esbranlement en leur Republique, dont il semble que ils estiment maintenant se pouvoir garentir. Il est vrai que ce traité d'Angleterre, estant contre leurs espérances, pourra bien les faire changer d'advis; car vous sçavez quelle fermeté et constance l'on peult atendre de telz peuples, qu'un bon ou mauvais visage de la Fortune a acoustumé tourner à son plaisir. Mais je vous dirai que selon que se conduira en mon

endroit ledit Duc de Savoie, je me gouvernerai aussi envers lui, sur la resolution de mon artillerie et des munitions de guerre quil a prises au Marquisat, et vous donnerai advisde ce qui en succédera, ayant pris plaisir à celui que vous m'avez donné par une de vos lettres, tant sur les exemptions de la traite de sel que fai accordées au Duc, que sur la considération que je doits avoir, quant je ferai eslection de celui auquel premier je donnerai le gouvernement dudit Marquisat.

J'alendz vostre responce à ce que je vous ai escript par ma lettre dernière sur le faict du Concilie et celui des Jesuistes; et mennerai avec moi à Troyes l'Archevesque d'Arles et le Père Laurentio Magio, aftin de me résoudre avec eulx de ce que il faudra faire pour les Jesuistes, après ladicle responce, ainsy que j'ai dict au Nunce et à eulx, de quoy ilz ont faict contenance de se contenter, pour les raisons que leur ai représentées. Mais je double si le dit Nunce, à cause de son indisposition, pourra venir avec nous, veoire que pour lui nous ne laisserons de prandre nostre résolution, qui aura lousjours pour principal but de agréer à Sa Saincteté et la contanter autant et Sj avant que la tranquillité publicque de mon Royaulme me permettra de le faire.

Je satisfaits par une lettre à part à l'information que vous avez désirée de moy touchant l'Evesché de Strasbourg, pour en respondre à Sa Saincteté, par-

tant ne vous en ferai redite, non plus que des raisons qui m'ont meu de favoriser et recommander d'assister, en mon nom, mon frère le Duc de Bar, en la poursuite pour laquelle il s'est acheminé par delà, de laquelle je prie Dieu lui donner la satisfaction et consolation dont il a besoin. Mais s'il en est esconduit, je prévois que il en adviendra plus de mal que de bien et que Sa Saincteté en aura regret comme lui. Partant, secourez-le en cesle perplexité si avant que le bien de mes affères, ma réputation qui est engagée cecy avec la sienne, et la charité crestienne m'obligent de le faire, et me mandez ce qui en réussira.

Vous ne m'avez rien escript sur le Mémoire que Sa Saincteté avoit faict bailler au Cardinal d'Ossat, par le secrétaire Erminio, concernant la Ligue contre leTurc, que ledit Cardinal m'a mandé avoir remis entre vos mains (1); mais je vous dirai que je ne puis aprouver ceste forme de procéder portée par icelui, car il est certain que si l'assemblée et agrégation des Ambassadeurs nommez par icelui se fait suivant ladicle proposition, l'occasion d'icelle sera incontinent divulguée par tout, soit parle jugement qu'en feront les curieux, ou par les advis qu'en donneront ces mesmes Députez, à diversses fins. A quoy j'ay seul plus d'intérest que tous les autres ensemble, tant pour estre ma foi en-

(1) Ce mémoire avait été remis au Cardinal le i" mai. Voy. Leltres de d'Ossal, \. III, p. 534.

gagée à une aliance de laquelle s'il fault que je me départe, il est raisonnable que je le face avec honneur, savoir retirer mon Ambassadeur et veu le grand nombre de mes subgets qui sont demeurans et traficquans dans l'estendue de l'Empire dudit Turc, où ilz ont porté leurs richesses et facultez. D'avantage, mondit Ambassadeur m'a escript par sa dernière que la paix entre l'Empereur et ledit Turc se traite plus vifvement que n'a encores esté fait ; et mesmes le S' de Villiers m'a mandé expressément que le secrétaire dudit Empereur, résidant à Venise, lui a donné quelques articles. L'on parle aussi de mettre le Roy d'Espagne en entente avec ledit Turc, par l'entremise d'un frère du Bassa Sigale qui estoit atendu à la Porte dudit Turc, au mois de avril dernier. J'ai soutenu ce que vous ai souvent escript, c'est assavoir que il est nescessaire de composer et pacifier les guerres et querelles qui restent encores entre les Gresliens, pour nous mieulx engager en cause ; car qui sera celui qui portera ses forces et moïens loin de son païs, aïant à ses portes des armées sur pied suffisantes pour l'endommager? Nul veult demeurer à la discrétion des autres, mesmes en ce siècle que utillité est souvent préférée à la foi publicque. En tout cas, j'estime que il est nescessaire que nous soions bien d'acort avec Sa Saincteté de la part que chascun aura en ladicte guerre, tant au soing qui doibt estre départi à ceulx qui y entreront, les despences que l'on contri-

buera et utillité que l'on en rapportera, par quelles forces et endroilz l'ennemi sera assailli ; devant que de convenir des premier, second et troisiesme articles dudit Mémoire, car selon que les susdictz points seront acordez, on se résoudra d'entrer aux obligations portées par lesdictz articles. Le seul bruit advenant de la convention, si on commençoit par iceulx, précipiteroil les affaires de mon Royaulme en des embarrassements et anxiétés très dommageables. Au moien de quoi , s'il faut pousser plus avant ce traité sans atendre que la crestientô soit pacifiée (chose qu'il fault meurement considérer), il sera plus expédient et moins périlleux que Sa Saincteté preigne elle mesme la peine d'entendre à part les intentions et ouvertures des contractans, par leurs procureurs et ministres, ou qu'elle commette quelque confident pour le faire, et d'y procéder par lettres de congrégations et assemblées généralles, pour le commencement, affin qu'il ne soit fait préjudice à personne, du moins immuablement. Voilà ce que j'ai considéré sur ledit Mémoire, dont vous ferez part audit Cardinal d'Ossat, pour adviser et délibérer ensemble ce que vous en direz à Sa Saincteté. Concluant que plus vous pourrez relarder d'entrer en ceste négociation sera le plus expédient, considéré manière et façon de vivre des autres Princes qui ont le principal intérest en la matière.

Vous sçaurés, pour fin de la présente, que ceulx du

Clergié de mon Royaulme assemblez en ceste ville pour leurs affaires, m'ont fait présent de la valeur des dîmes de ceste année, qui revient à cent seize mil escus, pour m'aider à fournir aux fraiz que il fault que je face, tant pour me marier que pour renouvel- 1er mon aliance avec les S" des Ligues. J'aurois tant désiré que mon service par delà se peull passer de vous , tant je recognois que vous me seriez utille ; mais, s'il fault commancer à y travailler dans le mois de juin, comme m'a escript mon Ambassadeur, vous ne pourrez y estre à temps, comme je veulx que vous acorapagnez et conduisez la Princesse à Marseille, ainsy que vous ai escript. Ceste ville de Paris et celle de Rouen ont commencé, et le Clergé et Archeveschô, les contributions; à l'exemple desquelles les autres feront le semblable.

27 juin 1600.

AU SIEUR DE SILLERY

Monsieur de Sillert,

Je suis très aise que nostre Saint Père le Pape avec le Cardinal Aldobrandin et le Grand Duc de Toscane se soient acommodez à mon advis, pour le temps de la célébration de mes nopces, ainsi que vous m'avez escript par vostre lettre du XXVIIP de Mai que j'ay receue le XII« du présent et confirmée par celle du V courant receue le XVI par le courrier Valerio. Je vous assure aussi qu'il m'eust esté du tout impossible de pourveoir à temps à la réception en ma ville de Marseille de la compagnie qui s'i doibt trouver; ni y comparoistre avec un esprit libre et contant, estant encore embarassé des affaires comme je suis, que j'ai à demesleravec le Duc de Savoie, desquelles je prévoiois bien dès lors ne pouvoir sortir à jour nommé,

comme vous voyez qu'il est advenu, et ne me sembloit honneste aussi de y abstraindre ledit Duc par voies extraordinaires, tant parce que j'ai tousjours désiré, comme je fais encore, de conserver son amitié et luy donner occasion de prendre fiance de la mienne, en recouvrant ce qui m'appartient , que par ce que il eust semblé par telle précipitation et premièrement que je me fusse deffié ensemble de la justice de ma cause,delafoydudit Duc et de mes forces; secundement que j'eusse peu estimé et affectionné le bien et repos public de la Crestienté. Mais je suis bien résolu de faire lesdictes nopces dedans la lune de septembre, combien que je pense que ce feusse pluslost sur la fin que au commencement, affin que vous y prépariez d'heure les dispositions à un chascun, car le Piémont arme, et faudra bien ce temps là pour achever mes affaires avec le Duc, encores qu'il m'ait de nouveau asseuré par son secrétaire de son affection, et de la preuve que je trouverois de sa résolulion à mon arrivée à Chambery, sur l'eslection des places fortes pour l'acort et l'asseurance qu'il ne defauldra à la parolle qu'il m'a donnée pour ce regard. Vrai est qu'il a voulu me faire croire que vous aviez donné quelques espérances à l'ambassadeur de son maistre, qui est à Rome, que je pourrois modérer et retrancher les conditions de l'eschange, s'il m'en donnoit occasion par sa procédure; et vouloit, en conséquence de cela, m'engager à entendre

à des partiz nouveaux qu'il proposoit pour me faire départir des termes et obligations dudit acort, soubz prétexte de contanter le Roi d'Espagne et se garentir de l'inimitié dudit Roy , laquelle il s'est esforcé de me persuader qu'il ne pourroit esviter s'il me rendoit mon Marquisat. Considération que j'ai trouvée si futile et mal fondée que je n'ai pas estimé y debvoir avoir esgard. Partant je luy ai dict tout ouvertement que je ne puis ni veulx rabatre ni diminuer aucune chose de nostredit acort, pour quelque cause que ce soit, m'estant relasché par icelui autant de ma dignité et peut estre plus que la raison ne me permettoit de faire, pour le contanter, en recognoissance de la peine qu'il avoit prise de me venir trouver en mon Royaulme; que l'on m'avoit escript, de divers endroits, qu'il ne vouloit ledit acort, mais que je avois si bonne oppinion de luy que je ne m'en esmouvois aucunement; que j'avois exprès retardé mon voïage à Lion pour lui faire cognoistre la fiance que j'ai en sa foi et parolle ; que je ne enlendois le précipiter ni prendre au pied levé, comme l'on dict, mais que je me rendrois à la fin de ce mois en ladicte ville, où je le priois que je sceusse sa resolution à mon arrivée. Luy disant que, ayant acomply nostre acort, j'aurois après esgard aux raisons et considérations qu'il me vouldroit remonstrer, qui importeroient à son bien et repoz et que ma réputation et le bien de mon Estât me conseilleroient pour le con-

lanter et gratifier tant qu'il me seroit possible, mais non plus lost ; adjoustant que je ne pouvois croire que ledit Roy d'Espagne fust si peu soigneux de l'honneur et du bien dudit Duc, voire du sien propre et de la paix généralle de la Crestienté, que de lui conseiller de violer sa foi et s'attirer sur les bras la guerre qui s'en ensuivroil, et engager aussi son nom et ses Estas, et renversser la paixpublicque, pour une cause si injuste que seroit celle-ci. En outre, l'Ambassadeur du Roy d'Espagne auprès de moi m'avoit tousjours tenu etlenoitencores tous les jours langage tout contraire à cela, dont jem'atendois d'estre bientost mieulx esclairé par celui que j'avois envoie vers lui, qui y esloit arrivé ; et j'assurois audit Duc que la crainte des armes et de l'inimitié dudit Roy d'Espagne, fondée sur un subget si injuste, ne esbranleroit aucunement ma résolution, comme il me sembloit qu'elle ne debvoil faire, disant de plus en l'assurant, pour fin, que si ledit Roi d'Espagnt^, s'atacquoit à lui, comme il disoit qu'il en esloit menacé, pour m'avoir rendu ledit Marquisat, je le assisterois ouvertement jusques à y employer mon espée et ma personne mesme. Au reste, que je n'estois incompatible avec mes voisins, et si les Espagnolz avoient souffert les Rois mes prédécesseurs audit Marquisat de Saluées, ils me pouvoient bien endurer, voulant vivre en paix de ce costé là comme je fais aux autres. Les ouvertures receues sur le faict

dudict eschange, je me despartis de Pignerol , et en l'article queje laissasse le titre dudit Marquisat audit Duc, ou ung de ses enffans, tel que je voudroisciioisir, et que je voulusse me contanter de mettre dedans la place d'icelui telle garnison françoise que je voudrois ordonner; mais je Tai bien renvoie à nos susdictes ouvertures , lui déclarant ne vouloir rien retrancher de nostre dit acort, pour que mon Royaume soit stable avec cela; et m'a promis queje trouverai en la ville de Lion la résolution de son maislre , de laquelle il m'a assuré que je demeurerai contant, dont je serai tost esclarci , car je fais compte d'estre en la dicte ville dedans cinq ou six jours ; et si recognois que l'on me veult entretenir deparoUes et abuser à ainsi parlementer, soiez certain que je ne me endormirai et métrai peine de recompenser ce mois que j'ai voulu donner à l'amitié du dit Duc et à mon particullier contentement. Cependant vous m'avez fait plaisir d'en avoir parlé à Sa Saincteté et au Cardinal Aldobrandin si franchement, estant fort obligé à Sa Saincteté de ne s'estre voulu charger de intercéder envers moy, pour changer ledit acort ou prolonger le terme de l'exécution d'icellui, et d'avoir sur cela admonesté le dit Duc d'y satisfaire. Continuez de empescher que Sa Saincteté n'en use autrement, affin que je ne sois en peine de l'esconduire, comme certainement il adviendroil, car ceseroit abandonner ma réputation et mon estât de me relascher en co

faict et le dit Duc son Duché, par convenance

dudit Roi d'Espagne. Je ferois moins de difficulté de bazarder ma couronne et ma personne que de boire une telle honte. Dictes le ouvertement à Sa Sainctelé et audit Cardinal, ne leur laissant, par de là, aucun lieu d'espérer que je sois pour changer d'advis , tenant l'acomplissement dudit traité, comme j'ai remarqué par vos dictes lettres que vous avez très bien praticqué jusques à présent, suivant mes commandements, nonobstant le dire dudit Foucar, auquel aussi je ne me suis aucunement arresté sur le fait dudit Marquisat de Saluées, qui m'a tellement transporté que je suis aie à quicter celui de mon mariage, que j'affectionne grandement, par lequel j'avois commansé la présente, pour vous déclarer mon intention tout d'une aleine, qui estoit ainsi. Or, je reprendrai doncques les choses du premier et vous confirmerai ce que vous ai escript par le sieur de Frontenac, assavoir, que j'envoierai par delà, mon Grand Escuier, si tost que l'autre sera revenu , et le rendrai porteur de ma procuration adressée au dit Grand o Duc, pour espouser, par parole de procureur, la Princesse en la forme acostumée. J'estime que le Grand Duc aura pour ce regard la satisfaction que je désire; mais je la me vèulx donner aussi telle que vous l'ai escript, pour le regard des Dames et Officiers dont je veulx que la Princesse soit servie. Partant, déclarez leur sur ce mon intention si ouvertement

que ilz n'en doublent point et qu'ilz s'y accomodent, suivant les apostilles escriptes sur le Mémoire qu'ilz avoient dressé; je le vous renvoie, pour ce que je vous ai mandé depuis par le dit de Frontenac, après le retour et raport duquel je vous escriprai encores plus particullièrement et clairement ma volunté, si je croyois qu'il soit besoin , car je ne désire pas qu'il reste rien à descider de cela , quant nous serons ensemble à Marseille. Au reste je ne sçais si les gallaires que je faicts préparer à Marseille pourront aler jusques à Livorne , pour servir à la conduite de la dicte Princesse, car je double si elles pourront estre armées de leurs chiormes pour aler jusques là, tant nous avons aujourd'huy de peine à rencontrer des forçats, d'autant que, n'ayant jusques à présent entretenu de gallaires, mes officiers n'y condamnoient et renvoïoient plus les criminelz , comme ilz souloient faire antiennement. Toutes fois, en usant de toute la dilligence possible, cependant il ne faultpasquele dit Duc en fasse estât pour la dicte conduite, et me semble que celles du Pape, avec les siennes et celles de Malte, suffiront, soulagées de quelques vaisseaux ronds, à porter le bagage, dont on se pourra servir, car je suis de vostre advis qu'il ne faultplus s'atendre à celles de Gennes ni de receproir aucune sorte de courtoisie de ceslc Republicque là, puisque ceulx qui la gouvernent maintenant, estans si intéressez qu'ilz sont avec le Roy d'Espagne, font si peu de compte de

ma bienveillance que , peut estre , le temps lui conseillera de priser d'avantage que ilz ne monstrent faire de présent. Partant, vous advertirez de ma part le dit Grand Duc de n'en plus faire d'instance; et, selon que le dit Duc de Savoie se comportera en mon endroit, je accomplirai mes vues pour le regard de mon mariage. Maiz vous avez fait à Sa Sainctelé la responce que je pouvois désirer sur le fait de la ligue contre le Turc, comme vous avez cogneu par ma dernière dépesche. C'est bien aussi abuser de la bonté de Sa Saincteté que de l'entretenir sur ce subget, comme font les Ambassadeurs de l'Empereur et dudit Roi d'Espagne, et de l'artifice du duc de Savoie en l'usurpation de mon Marquisat, comme le dit Duc a fait jusques à ce temps ci. Et fault que nous soions bien assurez de la paix de la Grestienté et bien entendus à la dicte Ligue, ainsi que je vous ai tousjours escript et avez aussi, sagement, remonstré à Sa Sainctelé, envers laquelle vous m'avez faict service très agréable d'avoir favorisé , en mon nom , si dex- Irement et heureusement que vous avez fait, la poursuite de mon frère le duc de Bar; après, toutesfois, vous estre esclarci avec lui de son intention sur le fait du divorce, duquel il a esté parlé par de là. Gar si cela devoit avoir lieu, tant s'en fault que je le voulusse assister à faire en telle occasion, que je ferois tout le contraire, et ne me pourroit advenir chose qui m'offensast plus que feroit celle là. Je suis donc-

ques très content du bon ordre que vous y avez donné, partant je désire que vous continuiez à le seconder et favoriser comme vous avez commancé ; soyez certain que il en recepvra la consolation de laquelle il a besoin. J'aprouve pareillement le conseil que vous avez donné au prieur de Saint Martin, lequel, si il ne se resoult de suivre, il fera peu de compte de son debvoir et de son repoz. Vous continuerez à m'advertir de ce qu'il fera. L'Evesque de Cleremont, son frère, le désavoue maintenant de tout ce qu'il a fait et recherche ma bonne grâce tant qu'il peult, pour sortir de peine de Tarrest donné contre l'un et l'autre ; mais pour obtenir de moi telle grâce et faveur, la mériter et s'en rendre dignes aucunement, comme vous avez dit, audit Prieur, que de parolles, j'ai respondu à ceux que ledit Evesque a envoyez devers moi. Je vous ai instruict par ma dernière du fait de l'Evesché de Strasbourg, duquel je me trouve en grande peine, à cause de laCoadjutorerie expédiée en faveur du prince Léopold d'Auslriche, pour les raisons que vous ai escriptes , lesquelles me importent tant que je recepverois une grande grâce de Sa Saincteté, si elle pouvoit faire tomber entre les mains dudit Leopold quelque Evesché en Alemagne, pour le recompensser et faire départir de ladicle Coadjulorerie, car c'est le seul moïen de me garantir du desad vantage qu'elle me aporte ; et ce faisant, j'emploierois aussi voluntiers tout le crédit que j'ay

envers ceulx de la Maison de Brandebourg, pour faire qu'ilz délaissent au Cardinal de Lorraine ledict Evesché, duquel aultrement il sera difficile qu'il joïsse, car il n'est facille de moiener avec les aultres pour faire cesser leurs prétentions, comme vous pourrez remonstrer à Sa Saincteté, affin de la disposer à m'assister en ceste occasion que j'ai très à cueur. Je lui demande encores, au Saint Père, les expéditions de l'Â-rchevesché de Sens pour mon grand aulmosnier, et celles de l'Evesché d'Angers pour mon confesseur; affin que ilz ne demeurent plus long temps privez de la faveur que ma considération et le rang qu'ilz tiennent auprès de moi debvroientleurvaleoir, comme ilz ont fait jusques à présent. Au demeurant, je ne vous répéterai ce que je vous ai escriptpar mes précédentes sur le fait du Concilie et celui des Jesuistes , seulement je vous dirai que j'ai eu à plaisir d'entendre l'advis du Cardinal d'Ossat et le vôtre sur les modifications qu'il convient aporter à la vérification du premier poinct, lequel je me résoudrai bien plus hardiment de passer outre que je n'eusse fait, et je vous escrirai de Lion ce que je arresterai sur l'autre, car je y retrouverai TArchevesque d'Arles et le Père Mario. Les députez assamblez à Toulouse pour traicter la paix entre le Roy d'Espagne et les Archiducz contre la Roine d'Angleterre, n'ont encores vuidé leurs difficultez et pointiles sur leurs préséances et forme leur négociation, atendans lescom-

mandements de leurs souverains sur ce subgets, tellement que il semble que tel traicté tire plus à la longue que communément on n'estimoit. Les Députez de l'Empereur devers les Estais des Provinces unies des Païs bas n'ont pas plus avancé de leur costé ; et n'y a pas apparence que ceulx que les Estatz assamblez à Brusselles ont esleuz pour aller en Hollande aient meilleure fortune, encores que semble que l'Archiduc s'en promete davantage ; mais cest la nécessité en laquelle il se trouve qui lui fait conceveoir facilles telles espérances, ses gens de guerre se mutinants tous les jours, les ungs après les autres , et n'aïant moïen de les contanter ni de les empescher de ce faire , tellement qu'il faut tenir pour certain qu'il s'atachera tout à la dicte paix , s'il peult la rencontrer à quelque prix que ce soit. Pour fin de la présente vous sçaurez que ma Court de Parlement de Paris a fait mourir une femme (i), laquelle avoit confié à mon cousin le Comte de Soissons qu'elle avoit volume de m'empoisonner ; lequel m'en advertist aussi lost ; et bien qu'elle ait esté convaincue d'avoir tenu ce malheureux langage et que pour cela elle ait esté condamnée et punie, néantmoings l'on y a reconnu à la fin plus de imprudence et de pauvreté que de malice ni de pouvoir ni moïen de exécuter ung tel acte; aussi ne

(1) Nicole Mignon. Voy. P. Cayet, Chron. sept.y p. 94, Ed. Micbaud.

s'est-il trouvé aucun complice de ce faict ; et fault que je vous die que la dicte Court s'est comportée en ceste occasion avec tant d'affection et de fidellité en mon endroit que j'en demeure très contant, ainsi que vous direz à ceulx qui en doibvent estre informez. Je

30 juin 1600