AU CARDINAL ALDOBRANDIN

Mon cousin , l'assurance que vous m'avez donnée de la continuation de vostre bonne volunté , par vostre lettre du XVIII* de mars que vous m'avez escripte sur la déclaration que mon Ambassadeur vous avoit faicte de la mienne , m'a esté très agréable, et espère qu'il se présentera encores à l'advenir d'autres occasions de vous faire cognoistre et aux vostres combien je ressens les obligations que j'ai à Sa Saincteté, et prise vostre affection. Je vous prie doncques de la me continuer et me conserver en la bonne grâce de Sadicte Saincteté, laquelle m'est plus chère que aucun autre trésor que je puisse acquérir en ce monde, comme vous doibt exposer mon Ambassadeur, vous délivrant ou faisant tenir la présente, par laquelle je prie Dieu, mon cousin, etc.

18 ami 1600.

Monsieur de Sillery,

J'ay receu vostre lettre escripte le XXV» de mar trois jours plustost celle du XVIIP, tant nous sommes mal servys par les ordinaires et les postes, à quoy il faut donner ordre. Je suis très mal content aussi du peu de diligence que a fait le courrier que j'avois commandé aumaistre des courriers du Roy, devons envoyer expressément pour porter ma depesche du IX« de ce mois de mars à celai de Lyon pour la tenir, ayant recogneu par vostre dernière, qu'il n'estoit encore arrivé à Rome leXXV% car je m'atendois que vous le recepvriez plus tost comme j'estime et comme avez faict deux ou trois jours après. D'autant plus que les commandements que je vous ay faicts par icelle vous sont arrivez en la sepmaine sainte, et des ores je crains fort que vous n'aiez peu les exécuter que après la feste, dont je m'attends d'estre esclaircy par vous premier, assuré que vous n'aurez perdu

aucune occasion d'en faire advancer raccomplissement, estant de la qualité et importance que ils sont pour mon service et pour ce que ils sont, tellement que je faicts compte que la présente non-seulement vous trouvera auprès du Grand-Duc, mais aussi que vous me achèverez ce pourquoi je vous ai commandé de y aler, et que le sieur d'Hallaincourt (1) sera parti ou prest k le faire pour m'en aporter la certitude que j'atendray en bonne dévotion.

J'ay esté bien aise d'entendre par vostre lettre que Sa Saincteté demeure contante de l'acort que j'ay fait avec le Duc de Savoie et que vous luy ayez représenté combien a fort advancé le désir que j'ai eu de luy complaire. Je faictz responce à la lettre que Sa Saincteté m'a escripte sur ce subjet, laquelle je adresse au Cardinal d'Ossat, affin que en vostre absence il la lui présente et suivant icelle il remémore Sa Saincteté du commandement qu'il a faict au Patriarche de Constantinople d'aller trouver le Duc, pour tenir main que il exécute les acorts ainsi que il a promis. Car, de ma part, il n'y aura aucune difficulté et me semble que Sa Saincteté ne pouvoit prendre un meilleur conseil que cestui-là ; encore que les gens du- . dit Duc qu'il a laissésicy m'asseurent que leur maistre advancera plus tost que il ne retardera le jour de la-

(1) Charles de Neufville d'Halincourt, gouverneur du Lyonnais.

ditte exécution. Je ferai partir vostre frère (1), dans trois on quatre jours, pour l'aller trouver et me servir auprès de lui , qui aura charge de l'assurer de la continuation de mon amitié, et encores luy ramentevoir laditte exécution dont l'on m'a donné advis de Lyon que il sera très à propos de le faire solliciter, car il semble que il n'ait point haste d'y satisfaire, estant aresté à Chambéri plus long temps que il ne m'avoit dict que il feroit ; ce qui me donne occasion de croire qu'il veut atendre le retour de son Chancelier Dominico, celuy qu'il despecha en Espagne quand il partist d'icy , pour voir quels conseils on luy donnera de ce costé là. Mais si Von fait aussi peu de compte de ses affaires que La Boderie m'a escript que les Archiducs ont faict du Marquis de Lulin , qu'il avoit aussi envoie en mesme temps devers eulx, il n'en recepvera pas grande consolation. Le Président Barillet et le Commandeur Breton, qui sont encores icy de sa part, m'ont assuré que leur maistre n'a point changé d'advis; et de faict ils m'ont requis de sa part de luy faire quatre grâces portées par le mémoire que je luy envoyé. Ils m'ont présenté de sa part sa requeste tendant à le gratifier, premièrement de la traite de quatre cens gros muids de sel et de la compagnie de gens d'armes et de leurs armes et de la mesme pension que les Roys mes prédécesseurs

(1) Brulart Berny.

donnoient à son père, avec promesse postérieure de gratifier un de ses enfants de bénéfices^ selon que les occasions s'en présenteront. N'ai mie esté marry quil m'ait fait quelques demandes^ car cest signe qu'il veult demeurer mon amy^ et si après Voctroy dHcelles il venait encore à manquer à ses promesses j il sera tousj ours plus blasmé de s'estre engagé si avant avec moy. Quand le Patriarche a pris congé de moy, je luy ai fait cognoislre que je ne doubtois aucunement de la foi dudit Duc, que je cognoissois que les mesmes raisons qui l'avoient meu de me venir trouver et s'acorder avec moy Tobligeroient et contraindroient encores de acomplir le mesme accort, sa foi et réputation y estant engagées comme elles sont, joint que je ne estimois point qu'il en fust diverty par le Roy d'Espagne, parce que il ne vouldroit luy conseiller une chose si injuste et honteuse et perileuse que seroitun tel manquement de foy, ni estre cause de allumer une guerre de ce costé là, pour les raisons que vous sçavez qui la lui doibvenl faire redouter, son estant aussi chargé comme il est

de la despence de celle des Pays, Bas qui augmente tous les jours. Aussi que je voulois croire que l'un et l'autre se garderoient bien de faire chose qui fust si desplaisanle à Sa Saincleté, car ce seroit une guerre pour tant de peine à nous mettre en paix. Partant, je luy ai dict que estant conforté en cette considération de la justice de ma cause, je ne me préparois à

rien que à m'acheminer bientôt à luy pour mettre moy mesrae la dernière main à ceste œuvre, au conlenlement de Sa Saincteté. Il est vray que je faisois estât de porter avec moy une bonne et notable somme de deniers, pour ne demeurer despourveu de toute chose, sur les bruits divers que Ton faisoit courir sur le passage en Italie du Comte de Hesse et des charges estranges que on luy donnoit. Adjoutant que si ledit Duc faisoit difficullé de s'acquiter de sa parolle, chacun croiroit que le Roy d'Espaigne en seroit cause, d'autant que il n'y avoit pas aparence d'estimer que il fust si imprudent et téméraire de se faire

suppost d'icelui. Ce que j'ai voulu dire audit

Patriarche affin de lui faire appréhender les conséquences et suites d'un tel manquement. Ledit Patriarchem'a voulu sonder un instant tant surla prolongation du temps de l'exécution dudit acort que sur la modération de l'eschange approuvé pour leMarquisat; mais je lui ai levé toute espérance de me relascher en l'un et en l'autre , affin que il en instruise ledit Duc et qu'il en advertisse aussi Sa Saincteté. Non que mon intention soit de prendre ledit Duc à la prochaine rencontre, si prescisement il ne me contante dans les premiers jours de juin, comme il a esté acordé, car je ne suis pas si rigoureux et sévère que cela, si ledit Duc ne m'en donne occasion par sa conduite, ainsi que je lui feiz dire lorsque il signa les articles dudit acort , faisant instance de alonger

encores le terme; mais je ne vouldrois que soubz prétexte de cela lui me feist passer la plume par le bec. A quoy j'espère que ma présence sur les lieux ne me sera inutille. Partant, je faictz estât de partir de ce quartier le VIII ou X de mai, pour me rendre à Lyon à la fin d'icelui, sans tarder.

J'ai bien considéré la diversité des discours et advis que vous m'avez représentez par voz lettres sur le sujet de cest acort; ausquelles je ne vous ferai aultre responce sinon que j'ai eu pour but en ce faisant, comme j'ai encores, de recouvrer ce qui m'apartient par préférence à tous autres, et ce par ce que j'ai creu que il y alloit de ma réputation, qui m'est plus chère que toute autre considération , et aussi que j'ai eu compassion des habitans dudit Marquisat, que je sçai avoir beaucoup soufert pour mon service; n'ayant voulu abandonner cela ny l'autre point que je vous avois escript, pour ma consolation, car, quant aux advantages que je puis tirer de l'un et de l'autre, on en peult discourir diversement. Mais sçachez que si Dieu me faict la grâce de vivre je espère que je establiray tellement mes affaires que je sçauray bien faire mon profit de l'une et de l'autre condition, de sorte que il m'est presque indifférent à laquelle s'arreste ledict Duc, pourveu qu'il effectue l'une ou l'autre au temps et ainsi que il a promis. Vous m'avez faict plaisir d'avoir faict la responce à l'Ambassadeur dudit Duc que vous m'avez représentée ,

par voslre première lettre ; quant il voiildra revenir sur les ouvertures que son maistre m'a faictes par deçà, de ce vous vous défendrez d'y entrer, car ce sont toutes fantaisies plus propres pour son contantement que pour s'y arrester. Mais toutesfois je remarque qu'il ne faultdu tout rebuter ledit Duc ni son Ministre puisque ilz y prennent tant de goust; mais il se fault bien garder aussi de se laisser emporter sans meilleur fondement. Partant vous continuerez à suivre le mesme chemin que avez tenu jusques à présent; estant toute espérance aux Ambassadeurs et à tous autres que ce soient de pouvoir rien rabatre des pactions et des traités quoiqu'il en puisse advenir; et continuerez à m'advertir fidellement et particuUièrement de tout ce que vous aprendrez des intentions et actions dudit Duc et des Espagnols. Le Comte de La Rochepot partira sans faulte ceste sepmaine pour s'acheminer en Espagne ; ses affaires domestiques et sa santé ne luy ont point permis de ce faire plus tost, dont j'ay esté assez marry'; et direz à Sa Saincteté qu'un tel retardement est advenu contre ma volonté et sans art, car c'est la vérité.

J'ai apris par voz lettres l'accueil et réception quia esté faicte au Vice-Roi de Naples et ce qui s'est passé en la prestation de l'obédience qu'il a faicte à Sa Saincteté pour son maistre, n'osant faire ce qui concerne le royaume de Navarre, dont je demeure satisfait, croiant que vous en avez ainsi usé pour le mieulx.

J'ay considéré aussi l'office que vous avez fait envers le Cardinal d'Est, et ses doléances envers vous sur son affection particulière, par ce que je n'aurois présentement autant de moiens de le servir que j'espère que je aurai avec le temps; car je aurois à plaisir de avoir pour amy ledit Cardinal, comme l'ont esté de mes prédécesseurs ceulx de sa maison. Je sçai aussi combien il m'importe d'en acquérir d'autres; mais la nécessité en laquelle je me trouve encores ne me permet de faire pour cela tout ce que je cognois qu'il seroit raisonnable et nécessaire.

19 avril 1600.