RECUEIL DES LETTRES DE MARIE STUART

me fait vous supplier de m'excuser si vous n'avez plus souvent de mes nouvelles. Je vous diray seulement que les affaires semblent estre en grand bransle et hazard par deçà , où Sa Majesté se dispose plus , s'il fault que je vous die , que sa seureté ne requiert. Il me desplaist infiniment de la voir manquer icy d'hommes expériencez et de conseil pour l'ayder à se résouldre en telle nécessité de ses affaires , qui surpassent de beaucoup mes forces. Tout ceste compagnie regrette beaucoup la mort de feu monsieur vostre frère, et moy, pour vostre respect, plus que tout aultre ; et remectant à vous en escripre par la voye ordinaire , je me déporteray de vous remectre maintenant en la souvenance d'une perte si ennuyeuse, priant Dieu qu'il la veuille réparer par l'heur et prospérité que je vous souhaite.

Au dos : Reçue le iv febvrier 1578.