DE MARIE STUART POUR LA REINE ÉLISARETH

(Original. — State paper office de Londres ^ Mary Queen of Scots , vol. 8. j

Réponse faite par Marie Stuart à un mémoire signé d'Elisabeth , dont le comte de Shrewsbury lui a donné communication. — Regret qu'elle éprouve de ce qu'il ne lui en a pas été laissé copie, malgré ses instances. — Résolution qu'elle a prise néanmoins de faire connaître sa réponse par écrit. — Assurance donnée par Marie Stuart qu'en exposant ses plaintes à Elisabeth , elle n'a jamais eu l'intention de l'offenser, et qu'elle s'est efforcée , au contraire , de lui donner satisfaction sur toutes les négociations qui ont été ouvertes — Étonnement de Marie Stuart de la déclaration faite par Elisabeth que la couronne d'Écosse lui a été offerte par les rebelles , ce qu'elle a refusé d'accepter. — Protestation de Marie Stuart contre cette offre et contre les trahisons dont les rebelles n'ont cessé, depuis l'origine, de se rendre coupables envers elle sans qu'elle leur en eût donné le moindre prétexte. — Reconnaissance qu'elle montre envers le roi de France pour les démarches qu'il a fait faire auprès de Murray pendant les troubles d'Écosse, afin de lui assurer, à elle, la vie sauve. — Doute où elle est qu'elle puisse avoir grande obligation à Elisabeth de la conduite qu'elle a tenue alors, et même de celle qu'elle a tenue depuis à son égard. — Explications au sujet de divers reproches adressés par Élisabeth sur ce que Marie Stuart ne se serait pas montrée reconnaissante des services qu'elle lui aurait rendus , notamment en acceptant d'être marraine de son fils, en la secourant contre les rebelles au commencement des troubles et en fournissant à sa dépense depuis qu'elle est en Angleterre. — Protestation de Marie Stuart que, malgré les injures récentes qui lui ont été faites , elle n'en conserve pas moins une entière reconnaissance pour les anciens services qu'Elisabeth a pu lui rendre. — Confiance qu'elle a montrée dans son amitié en venant se livrer volontairement entre ses mains et en lui faisant remettre, par Beatoun, la bague qu'Élisabeth lui avait autrefois donnée pour lui servir de sîireté au moment du danger. — Droit qui lui appartient, comme légitime reine d'Écosse, d'y appeler des forces pour réduire les rebelles. — Facilité qu'aurait eue Élisabeth, si elle l'avait voulu , de rétablir l'ordre en Ecosse sans employer la force. — Justification de la conduite des Écossais fidèles , qui n'ont fait que leur devoir eu reprenant Édimbourg. — Justification de sa propre conduite relativement à son mariage avec Darnley , et au mariage qui lui fut proposé avec le duc de Norfolk. — Protestation de Marie Stuart contre le traitement dont elle l'est l'objet et contre la

DE MARIE STUART. n

rigueur avec laquelle elle est retenue prisonnière. — Mauvaise volonté qui a été montrée en toutes circonstances contre elle. — Explications relativement à la demande qui avait été faite d'envoyer le prince d'Écosse comme otage en Angleterre. — Déclaration de Marie Stuart qu'elle n'a jamais pris l'engagement de l'envoyer en Espagne. — Justification au sujet des reproches adressés à cet égard au duc de Norfolk. — Satisfaction de Marie Stuart de ce que la reine d'Angleterre paraît consentir à la négociation d'un nouveau traité, sur la seule assurance que la reine d'Écosse ne troublera ni elle ni son pays. — Son désir de connaître dans quelle forme il plaît à Élisabeth d'ouvrir cette négociation. — Charge donnée à l'évêque de Ross de remettre sous les yeux d'Elisabeth toutes les pièces relatives au précédent traité.

De Sheffield, le 14 février 1571-72.

Pour respondre au mémoire signé de la main de la Roy ne d'Angleterre, que le comte de Shrewsbery a monstré à la Royne d'Escbsse, il seroît requis que la coppie pour le moins en eust esté baillé à Sa Majesté, puisque la dicte dame, sa bonne sœur, par ses lettres du premier de ce rnoys se remect au contenu d'iceliuy. Toutesfoys, après le refus de la dicte coppie, combien que sur la lecture qui en a esté faicte à icelle dame Royne d'Escosse la responce verbale de Sa Majesté en chacun poinct devroit suffire, si est-ce que voulant monstrer par effect que son intention est tousjours sincère et droicte envers sa dicte bonne sœur, elle ne veult faire dificulté déclarer par escript ce qu'il luy en semble, en tant que Sa Majesté se peult souvenir des principaux chefz dudict mémoire.

En premier lieu , Sa Majesté a porté patiemment la note d'impatience dont la Royne, sa bonne sœur, la remarque, combien qu'elle n'estime luy avoir donné subject de faire paroistre en elle ceste imperfection si grande qu'elle diet , encor que les occasions luy en

soient offertes. Car une des requestes qu'elle faict tous les jours à Dieu est de la fortiffier en ses afflictions pour les endurer avec toute patience ; en quoy Sa Majesté n'obtient peu de consolation et allégement. Et où la Royne sa bonne sœur s'excuse n'avoir dédaigné luy respondre quand ses lettres l'ont mérité, Sa Majesté ne veult improuver le jugement que sa dicte bonne sœur en a faict; mais elle pense ne luy avoir rien escript indigne de responce, encor que ses lettres peuvent avoir esté mal plaisantes pour n'avoir eu matière que de se plaindre; de quoy il luy déplaist le plus. Et si la Royne sa bonne sœ.ur n'a trouvé aggréables les remonstrances et offres à elle faictes sur la prétendue offence du tiltre de sa couronne, Sa Majesté respond que cependant elle n'a laissé chercher tous moyens raisonnables qu'elle a peu pour la contenter , s'estant par plusieurs foys soubzmise à rabiller entre leurs Majestez ce qui pouvoit avoir dépieu à sa dicte bonne sœur, comme il apert par toutes les négociations de ses ministres avec la Royne d'Angleterre, pourveu qu'en ce faisant Sa Majesté ne se préjudiciast à l'avantage de ceux qui prétendoient la devancer en son bon droict après la Royne sa bonne sœur ; à laquelle loutesfoys Sa Majesté n'estime avoir jamais faict tort touchant le diet tiltre de sa couronne, qui luy doibve ou puisse estre imputé; car en cela que sa dicte bonne sœur allègue contre elle , Sa Majesté estoit contraincte par l'obéissance qu'elle devoit au Roy, son seigneur et mary, en la subjection et puissance duquel elle estoit. Et pour preuve que

son intention n'a jamais esté que d'amylié et bénévolence à l'endroict de sa dicte bonne sœur, Sa Majesté non seulement a, de son bon gré, dépouillé le diet tiltre pour la satisfaire, mais s'est offerte luy donner telle asseurance qu'elle vouldroict, demeurant après elle en son droict de succession et y estant recogneue et establie. Car il ne seroit raisonnable et ne vouldroict le mettre en danger pour autre que sa dicte bonne sœur, puisqu'il n'en reviendroict aucun proffi et ny à elle ny à Testât de ce royaume, au contraire discommodité et perte à tous les deux, quand diligemment el avec juste balance il sera bien pesé et considéré. Par quoy le prétexte de ce tort ne peult ou doibt suffire pour fermer la bouche à la Royne d'Escosse qu'elle ne se plaigne de ceux que Sa Majesté reçoit entre les mains de la Royne sa bonne sœur; et mesmes de son emprisonnement, ne pouvant Sa Majesté appellor autrement Testât où elle est , veu qu'il n'est permys à elle, ny aux siens, sortir d'entre quatre murailles, par cinq moys passez, quelque nécessité qu'elle ayt, ny d'escrire ny recevoir lettres d'aucuns parens, alliez ou subjietz. Sa Majesté ne nye pas qu'elle ne soit en la maison d'un noble seigneur, comme la Royne sa bonne sœur luy objecte; mais elle respond que ceux qui sont détenus par force és palais mesmes des Roys ne sont autrement estimés (|ue prisonniers. Et davantage Sa Majesté a esté détenue injustement, et, si elle s'est plaincte, ce n'a esté sans avoir donné suffisante déclaration des occasions ([u'elley avoit, non toutesfoys si amlpes qu'elle pour-

roit bien faire quand le plaisir de sa dicte bonne sœur seroil n'estre offencée de ses justes doléances et qu'il fust loysible à Sa Majesté les addresser pour le moins à elle mesmes; ne se sentant Dieu mercy si aveuglée ny privée de raison que sa dicte bonne sœur l'accuse, ni si despourveue de jugement en ses justes passions, qu'elle n'ayt de quoy payer et sçavoir esclaircir le langage dont elle use.

Où il plaist à la Royne sa bonne sœur objecter qu'elle luy est obligée pour n'avoir voulu accepter sa couronne quand ses subjectz de leur bon gré luy offrirent, Sa Majesté respond que sa dicte bonne sœur luy doibt pardonner si jusqu'à ceste heure elle ne luy en a faict les premiers remercymens, lesquelz elle luy rend de tout son cœur, car ce sont les premières nouvelles qu'elle en a ouy ; et quelque intelligence ou praticque que, dés le commencement de leur rébellion, ses diets subjeclz ayent eu avec sa dicte bonne sœur, si ne confessent-ilz avoir jamais négocié de chose qui en approche; et pense Sa Majesté que quand elle ou le prince son filz vouldroient les en charger, ilz le désadvoueront. Et à la vérité ilz se monslrent bien despourveuz de sens, car ilz n'ont jamais faict semblant de demander pardon de telle faulte, laquelle ilz devroient chercher d'effacer ou rabiller , et ne fust-ce que pour le respect et asseurance de leur postérité. En cecy il n'y a apparence que tous soient notés, ains seulement ceux qui estoient de la rébellion, assistés des forces de sa dicte bonne sœur; et veu que par le tesmoignage d'icelle ilz sont coulpa-

bles de si grande trahison dès ce temps là (auquel il ne se peult dire qu'ilz eussent couleur ny uinbre d'aucun malcontentement de Sa Majeslé) la Royne s i bonne sœur ne devroit avoir donné tant de foy au comte de Murray, ny aux autres trahistres, qui jusques aujourd'huy persévèrent en leur mauvaise volunté, ès choses qu'ilz ont proposées et faictes contre sa dicte Majesté; considérant leur malice invétérée et que de longue main elle a pris commencement, ce tesmoignage de la Royne sa bonne sœur est suffisant pour les convaincre et déclarer faux en toutes leurs causes et actions , spécialement en celles qu'ilz ont voulu intenter contre Sa Majesté leur souveraine et légitime princesse. Par quoy, où la Royne sa bonne sœur reproche à Sa Majesté ses bénéfices receuz, et, pour le plus insigne, d'avoir intercédé pour elle quand elle fut prise et accusée par ses subjectz , il luy playra considérer en premier lieu le tesmoignage qu'elle rend d'eux; secondement que, dès le commencement de toutes leurs insolences et rébellions jusques à maintenant, ilz n'ont eu autre faveur ny support que d'elle. Et estans ces deux poinctz endossés et déduictz de telle obligation, le reste peult-estre ne sera beaucoup à estimer. Leurs accusations, ausquellesla Royne sa bonne sœur a voulu prester l'oreille, estoient toutes faulcetés et impostures. Car Sa Majesté ne voulu jamais mainctenir le conte Bothuel ny autre en tyrainnie, ainsa offert tenir la main et se rendre partye en ce qui seroit de justice, sans faveur ny acception de personne, sur la recherche et poursuicte du meurtre

du Roy son mai^, quand le diet Bolhuel, après avoir esté déclaré innocent par une assise, s'en est trouvé accusé. Et de ce peuvent tesmoigner les instructions de ses ambassadeurs et ministres envoyez devers sa dicte bonne sœur, et lorsqu'il estoit question de respondre à York; et mesmes les lettres qu'elle escrivit au conte de Murray estant à Lok'evin : et pour ce il ne leur demeure occasion de s'estre élevez et d'avoir emprisonné Sa Majesté, autre que leur desloyauté. Pour couleur de laquelle il ne fault que malicieusement et injustement l'on suppose à Sa Majesté d'avoir voulu laisser le prince son filz en danger, à l'appétit de qui que ce soit, car plustost elle eust désiré et vouldroict, avec le péril de sa vie, chercher vengence de ceux qui l'auroienl pensé. Et si jamais Sa Majesté a occasion de se ressentir d' offence, ce sera à l'endroict de ceux qui par leur impiété vouldroient préparer à l'avenir une désobéissance et rébellion du filz envers la mère; en quoy Sa Majesté invocquera la justice de Dieu, qu'elle s'asseure luy sera favorable.

Ce qui s'est passé depuis le diet emprisonnement de Sa Majesté est pareillement faux. Et en ces procédures où la Royne, sa bonne sœur, diet l'avoir garentie d'une mort ignominieuse. Sa Majesté loue Dieu qui l'a tousjours préservée de ne commettre chose qui en soit digne, et qui seul l'a tirée miraculeusement d'entre les mains de ses cruelz et inhumains rebelles. Et après luy en avoir rendu grâces, comme il appartient, Sa Majesté remercye le Roy très Chrestien, son bon frère, qui soigneux de sa vie feit de beaux présens

et bon traictement au conte de Murray, prenant asseurance et promesse de luy qu'il ne seroit rien attempté contre la Royne sa souveraine, mais au contraire que le diet Murray feroit ce qu'il pourroit pour la remettre en liberté et essayer faire amender la faulte par ceux qui l'avoient commise. En default de ce, le Roy adjousta menasses de son indignation contre eux, tant par sa bouche propre parlant au diet Murray , que par troys ambassadeurs que Sa Majesté très Chrestienne envoya exprès pour cest effect. Quant aux bons offices que la Royne, sa bonne sœur, peult a\oir faictz en cest endroict. Sa Majesté n'en a rien entendu que par ce tesmoignage d'elle mesmes, excepté la requeste que feit sire Nicolas Throgmorton de la visiter de la part de sa dicte bonne sœur. Au refus de quoy (qui donna argument que l'instance n'avoit esté grande) le diet Throgmorton escrivit à Sa Majesté lui conseillant, pour saulver sa vie, signer tout ce que l'on vouldroict, comme chose qui ne pou voit luy estre préjudiciale. Mais d'autant que la Royne, sa bonne sœur, ne tient favorablement la main à Sa Majesté, suy vaut le diet conseil, affin d'anuller du tout les innovations qui en sont ensuyvies, il n'y demeure poinct d'obligation ; toutesfoys Sa Majesté ne laisse Ten remercyer, et, pour condigne revenche, souhaite faire pour sa dicte bonne sœur ce qui sera en sa puissance. Vray est que Sa Majesté en contrepoix pourroit alléguer qu'après avoir ainsi plut à Dieu la délivrer miraculeusement , s'estant de bonne foy venue mettre entre les mains de sa dicte bonne sœur, et, soubz espérance de son amytié

promise, luy demander secours contre la violence de ses rebelles , sa dicle bonne sœur a esté en propos avec le conte de Murray, ung peu devant sa mort, de la délivrer et remettre entre ses mains , et depuis en celles du conte de Lennox ; et ce que davantage a esté proposé, Sa Majesté le laisse entre Dieu et sa dicte bonne sœur.

Tant y a que son naturel n'est poinct de princesse ingrate et qui dignement ne recognoisse ung plaisir ou bienfaict; et pour ce ne fault l'accuser d'avoir des estuys ou cachettes en son cueur où ilz sont oublyez, ny pareillement estimer que Sa Majesté ne sçache en dicerner les circonstances, mesmes quand par reproche le prix, qui s'exige après le plaisir faict, est trop excessif. Cela est occasion que Sa Majesté ne veult obmettre, s'il est possible, aucuns des diets bénéfices alléguez par la Royne sa bonne sœur, puisqu'il luy plaist les faire marcher et par parolles picquanles provocquer ceux qu'elle peult avoir receu de Sa Majesté comme pour les combatre. En quoy ilz ne trou verront poinct de résistance , car Sa Majesté confesse n'avoir faict aucun offre digne de remercyment, non par faulte de bonne volunté , laquelle Sa Majesté s'est efforcée luy faire paroistre quand premier elle offreit venir d'Escosse traicter avec elle en son pays propre, et dernièrement s'estant myse voluntairement et de bonne foy entre ses mains; et luy ayant tant de foys offert de conférer et traicter avec elle de tout ce qu'elle pensoit luy estre aggréable et commode Mais aussi Sa Majesté n'est délibérée souffrir

DE MARIE STUART. 25 tellement gourmander les siens , ou pour le moins la bonne volunté, que les autres triomphent trop superbement. Par quoy où la Roy ne sa bonne sœur meet au ranc des reproches le baptesme du prince filz de Sa Majesté, cecy luy sera pour responce : que laRoyne d'Escosse la remercye pour le devoir et respect de la charité chrestienne et de l'affection de parente, mais au reste Sa Majesté estime n'avoir monstré moindre signe d'amytié de pryer la Royne d'Angleterre, qu'elle d'accorder ce que le plus grand Roy de la chrestienté luy a faict cest honneur de prendre en bonne part et luy sçavoir bon gré de l'en avoir pareillement requis. Et d'autant que sa dicte bonne sœur se monstrant lors offencée contre le père, il n'estoit de sa part guères désireux de cest honneur de la Royne d'Angleterre, Sa dicte Majesté eust estimé qu'elle devoit luy en sçavoir meilleur gré, d'autant que par ce moyen elle donnoit à l'avenir occasion à l'enfant de lui porter honneur comme à sa marraine et luy estre affectionné parent et amy; de quoy Sa Majesté rendict tesmoignage à son extrême maladie de Jedouard, le laissant pour hlz à sa dicte bonne sœur. 11 n'en revenoit autre commodité à la mère, laquelle eust peu recevoir le mesme honneur de la feu Royne d'Espagne, que Dieu absolve, à qui Sa Majesté préféra la Royne d'Angleterre, quelque obligation qu'elle eust à l'autre, jaçoit qu'elle ne fust petite, pour la nourriture que leurs xMajestez avoient pris ensemble et pour leur amytié fervente et réciprocque. Ce que Sa Majesté Catholicque feit bien paroistre, quand par ses lettres elle feit cest

honneur à la Royne d'Escosse, sa bonne sœur, de luy demander son filz pour une de ses filles, et mesnies l'asseurer que le Roy, son seigneur, et le Roy trés- Chrestien son frère n'espargneroient chose qui fust en leur puissance pour pourchasser en toutes sortes la liberté de la Royne d'Escosse, leur bonne sœur et la remectre à son autorité. Eux mesmes aussi ont bien faict cest honneur d'en escrire autant à icelle, tant s'en fault (comme il plaist à la Royne d'Angleterre alléguer) qu'ilz trouvassent tant de difficultés de prendre une juste querelle en faveur d'une Royne mal- Iraictée contre quelques particuliers trahistres , quelque support qu'ilz eussent sceu attendre ou tirer d'ailleurs.

Et où la Royne d'Angleterre demande qui les a empeschez d'ayder et secourir la Royne d'Escosse, Sa Majesté respond que ce sont les promesses que sa dicte bonne sœur a faictes, spécialement au Roy très Chrestien, de la remectre elle mesme en sa liberté et autorité ; de quoy monsieur de La Mothe Fénélon pourra tousjours rendre bon tesmoignage de la part du Roy son maistre , et l'ambassadeur d'Espagne pour le sien.

Et où la Royne d'Angleterre veult que Sa Majesté luy sçache gré de ce que , du commencement des troubles et rébellions en Escosse , elle assista les trahistres avec une forte armée contre la Royne Régente', que Dieu absolve, pour en chasser les forces,

1 Marie de Guise, mère de Marie Stuart.

autorité et obéissance du feu Roy très Chrestien, seigneur de Sa Majesté, et d'elle mes me , l'intention de quoy sa dicte bonne sœur le feit se déclara assez par son refus de laisser passer Sa Majesté en son royaume après le trespas de son diet seigneur. Car pour l'empescher elle meit vaisseaux en mer après n'avoir voulu bailler passeport ny asseurance; aucuns disent pour la prendre, autres afferment que les chefz avoient exprès commandement de mettre tout à fons; mais à Dieu ne plaise que Sa Majesté l'interprète qu'en la meilleure sorte. Par ainsi la Roy ne d'Angleterre pardonnera Sa Majesté si elle meit ce prétendu bénéfice au nombre des injures.

Il y a encore la despence que la Royne d'Angleterre reproche à Sa Majesté depuis qu'elle est détenue en ses mains. A quoy se respond qu'elle ne luy a cousté que simplement la despence de bouche d'elle et d'un petit nombre de serviteurs qu'elle a eu. Lequel nombre estant à ceste heure réduict à seize personnes, la dicte despense ne mérite si grand reproche; car en toute autre chose Sa Majesté a despendu le sien, ce pendant que ses gens ont eu quelque liberté d'employer de l'argent. Mais depuis l'estroicte restrinction de tous. Sa Majesté mesmes a enduré plusieurs nécessités. Au surplus ceste vie luy est chèrement acheptée puisque c'est au prix de sa liberté, au délryment de sa santé et dommage de ses affaires; es quelz elle est contraincte faire trop plus de despence qu'el ne feroit s'il plaisoit à la Royne d'Angleterre ne luy faire si longuement manger de son pain contre sa volunté.

Nul traictemenl, quand il seroit meilleur, (comme Sa Majesté luy a tousjours faict entendre) ne sçauroit la satisfaire sans sa liberté ; laquelle Sa Majesté a demandée, non, comme il plaist à la Royne sa bonne sœur estimer, pour faire praticques contre elle et son pays, mais au contraire pour oster toute occasion que son injuste détention ou mauvais traictement pourroient causer. Et où la Royne sa bonne sœur diet que pour avoir asseurance de l'amytié de Sa Majesté et estre quicte du trouble qu'elle luy cause, elle vouldroict luy donner annuellement le double ou triple de toute la despence qu'elle faict pour sa prison , Sa Majesté la remercye affectueusement de la bonne volunté qu'elle a en cest endroict de se mettre en telle despence ; et au surplus respond que la Royne sa bonne sœur se pourra asseurer d'elle et de son amytié, et de tout ce qui est en sa puissance, quand il luy plaira, selon équité et raison, la mettre en liberté et ayder à recouvrer son royaume, de la perte duquel elle est contraincte dire que la dicte dame sa bonne sœur est en grand partye cause. Et oultre la restitution, s il plaist à la Royne sa bonne sœur adjouster le bénéfice d'une pension annuelle, Sa Majesté ne vouldroict par ce moyen refuser de luy estre plus estroictement obligée ; ains mettroit peine le mériter comme bienfaict venant de son propre movement et libéralité.

La responce aux bénéfices cy dessus , provocquée par ung reproche et ostentat , n'empeschera que Sa Majesté, qui naturellement se souvient plus[tost] des l)ienf[aicts] que des injures, ne remémore d'elle mes-

mes ceux que la Royne sa bonne sœur passe en silence , et dont Sa Majesté se sent et confesse obligée plus que des autres. Il y a quelques années qu'il pleust à la dicte dame sa bonne sœur escrire à leurs Majestez très Chrestiennes en France, à la requeste de la Royne d'Escosse, en faveur de messieurs [ses] oncles. Et soit qu'en ce temps là ses lettres leur apportassent commodité ou non, Sa Majesté n'a poinct oublyé que la Royne, sa bonne sœur, la gratifia jusque là; de quoy la recognoissance et bon gré ne sont effacez de sa mémoire, comme elle s'asseure qu'ilz ne le sont aussi à l'endroict de ses parens. Davantage la dicte dame se souvient que la Royne sa bonne sœur, en tesmoignage et confirmation de l'amytié qui estoit entre leurs Majestez , luy envoya une baggue avec asseurance et promesse d'employer ses forces et moyens en sa faveur quand Sa Majesté en auroitbesoing, et que, pour signal de ce, la dicte baggue luy seroit renvoyée; laquelle sa dicte bonne sœur a depuis receue par les mains du feu seigneur de Reton , soubz laquelle asseurance Sa Majesté est aussi venue en ce pays. Et pour ung autre bénéfice notable. Sa Majesté n'oublyera jamais qu'en ung parlement tenu en ce pays la Royne, sa bonne sœur, preit sa protection touchant le tiltre et droict à ceste couronne après elle, ne voulant permettre qu'il fust faict tort à la Royne d'Escosse ny avancer aucun autre à son préjudice.

Sa Majesté non pour contendre avec la Royne sa bonne sœur, ains pour luy ouvrir son cueur et représenter l'intégrité de ses pensées en ce qui la touche, lu}

parle librement tant ès choses qu'elle se sent picquée , qu'en celles où il y a contraire occasion. Et pour ce que aux bénéfices cy dessus reprochés , en signe de plus grande ingratitude, sont opposées, comme pour la part de Sa Majesté, certaines prétendues offences, Sa Majesté est pareillement disposée d'y respondre.

En premier lieu, où la Royne sa bonne sœur allègue l'invasion de l'Escosse, Sa Majesté respond que ce terme de invahir est impropre en cest endroict et se doibt appellor réduyre avec l'ayde et faveur des princes amys et alliez de Sa Majesté ; car c'est son pays et son héritage. De quoy Sa Majesté a premièrement requise la Royne sa bonne sœur, et, n'ayant sceu obtenir son secours, elle s'est addressée aux autres. Quand ce seroit pour pugnir et chastyer aigrement ung las de trahistres qui ont attempté sur la personne de leur souveraine, voulu entreprendre sur sa vie, et jusques sur son honneur, et de faict pillé et ravy ses précieux meubles, baggues, et joyaux, praticqué et dérobbé ses forterresses, munitions et artillerie, poursuy vy et massac[ré] ses fidelles et obéissans subjetz , tant en plaine bataille livrée contre Sa Majesté mesme en personne , que depuis quand ilz ont conduict les estrangers en son royaume brusler et démollir les maisons des plus gens de bien et loyaux subjectz, au préjudice de Sa Majesté et du prince son filz après elle, abusé de l'autorité royale et usurpé le gouvernement soubz le nom de l'enfant, quel intérest y pourroit prétendre la Royne d'Angleterre? encor qu'il luy plaise les favoriser de gens, argent et de

DE MARIE STUART. 31 conseil, si est-ce que se vouloir ainsi formaliser pour eux, il nesçauroit finalement luy estre honorable ny proffitable. Elle peult estre tesmoing de la patience et bonté de la Royne leur souveraine en cest endroict, et que , nonobstant ces offences par eux commises, elle luy a tousjours offert et à eux, pour l'amour d'elle, de leur pardonner, ne désirant le sang de personne pour sa satisfaction, pourveu que à l'avenir ilz fussent bons subjetz. S'il y pieu à la Royne d'Angleterre y mettre la main en faveur de Sa Majesté, ilz fussent promptement venus à raison; et pour ce n'esloit besoing d'aucune armée , ains seulement leur déclarant sa volunté estre telle , s'abstenir de les fortifïier d'hommes, argent et conseil. Et, où la Royne sa bonne sœur diet qu'elle les avoit solicités s'accorder avec leur souveraine, mais qu'ilz le refusèrent choisissans plustost la mort que rompre leur fidélité , à ce qu'ilz disent , au prince filz de Sa Majesté qu'ilz appellent roy , icelle respond que, si la Royne sa bonne sœur eust voulu permectre qu'ilz eussent traicté avec elle, lorsqu'ilz estoient en ce pays, elle luy eust faict paroistre le contraire et qu'ilz n'estoient si désespérés qu'ilz n'eussent esté contens d'un bon appoinctement et de ramender leur faulte. Mais ayant pieu à la Royne d'Angleterre mander à Sa Majesté qu'elle acceptoit l'excuse de Morton et des autres qui, frauduleusement, disoient estre venus sans pouvoir de traicter. Sa Majesté advoue qu'elle estima que l'on se mocquoit d'elle et de ses depputés qu'elle avoit faict venir, encore que l'on les entreteinst de belles parolles,

32 RFXUEIL DES LETTRES

et pour ce leur commanda de là en avant escouter ce qu'on leur diroit, mais de ne plus rien offrir de sa part, ne voulant se laisser paistre davantage de bonne espérance. Et cependant ses rebelles estans supportés de sa dicte bonne sœur , et ses fidelles subjectz oppressez partons moyens, jusques à approuver le larrecin du chasteau de Dombartan faict durant la négociation, soubz la faveur et moyens de la Royne d'Angleterre, avec quelle raison peult-elle se trouver offencée contre Sa Majesté d'avoir recherché tous les remèdes qu'elle a peu ? Si en cela il y a chose qui blesse la Royne d'Angleterre, elle peult considérer les

grandes et justes occasions qui ont

sa bonne sœur. Et luy estant données au contraire Sa

M [a j esté] se fust abstenue

de rien pourchasser ou désirer qui eust dépieu à la [Royne] sa bonne sœur, mais se fusl efforcée s'employer en tout ce qu'elle eust estimé luy pouvoir estre aggréable, à quoy naturellement elle est encline, si par offences intolérables elle n'est contraincte se résouldre autrement.

Quant à ceste particularité de la prise alléguée d'Edimbourg, les lieutenans de la Royne et son Conseil par delà ont faict le devoir de fidelles subjectz de le garder, estant de tout temps la ville subjecte au chasteau, et ayans les rebelles rompu par plusieurs foys les tresves sans que réparation si en soit ensuyvie, quelque plaincte qui ayt esté faicle. Et mesmes, contre leur foy et promesse, ilz avoient entrepris tenir ung parlement prétendu , et forfaire plusieurs bons et

loyaux subjectz de Sa Majesté, surpris la susdicte place de Dombartan et faict plusieurs autres insolences et excès. En quoy la Royne d'Angleterre n'a jamais voulu trouver faulte , et cependant faict plaine démonstration d'en vouloir trouver à Sa Majesté pour avoir gardé ce qui luy appartient. Par ainsi c'est vouloir faire payer l'amande non à celluy qui a offencé, mais à celluy qui a receu l'offence; n'estant Sa Majesté ignorante des menées et praticques qui se faisoient en ce temps là, au nom de la Royne d'Angleterre, pour attrapper le diet chasteau d'Edimbourg aussi bien que Dombartan.

Où la Royne d'Angleterre accuse Sa Majesté d'avoir suborné mylord de Darnley pour l'espouser. — Elle respond que voluntiers elle s'en rapportera et en fera juge la contesse de Lennox, sa mère, laquelle en pourchassa et feit pourchasser Sa Majesté dès son retour enEscosse, lorsque Sa Majesté n'avoit jamais pensé ny à luy ny à elle, et qu'il se parloit d'autres bien plus grandz partys. Et l'ayant espousé, il ne se trouvera poinct que Sa Majesté ayt eu ny cherché praticque ou amytié plus grande en Angleterre par le moyen de luy ny de sa mère. Quant au duc de Northfolk, Sa Majesté n'y avoit jamais pensé quand ceux du Conseil de la Royne sa bonne sœur, qu'elle estimoit luy estre les plus affectionnés, et qui ne faisoient rien sans son sceu et advis, [le] luy proposèrent, en intention d'avoir sur ce le bon plaisir de sa dicte bonne sœur, et que par ce moyen Sa Majesté seroit plus aggréable à icelle, d'autant que sa dicte bonne sœur s'en tien-

3i RECUEIL DES LETTRES

droict de tant plus asseurée ; sans espérance de quoy elle n'y eust jamais preste l'oreille, comme il sepeult voir par les responces que Sa Majesté en feit à aucuns. Depuis elle ne sçayt avoir jamais esté requise de le refuser [ni] de déclarer quelles parolles s'estoient passé[es entre eux , et sans cela il eut] esté [ma]l séant à Sa Majesté parler d'autre que de soy. Sçachant que ceux qui luy avoient proposé ce party estoient si gens de bien qu'eux mesmes tesmoigneroient de ses déportemens en cela. Par quoy la Royne, sa bonne sœur, pourra juger que l'intention de Sa Majesté et celle du diet S^ duc de Northfolk n estoit lors autre que bonne vers elle en cest endroict. Mais que Sa Majesté ayt jamais escript à la Royne, sa bonne sœur, de le refuser, ny mandé tel message, elle s'asseure qu'il ne luy en sera poinct représenté de lettres ny advis de personne pour en parler en bien ny en mal. Et de la part du duc. Sa Majesté ne sçayt ce que, par commandement de la Royne sa souveraine, il peult avoir faict.

Après la commémoration des dessus dicls prétendus bénéfices pour la part de la Royne d'Angleterre, et de telles prétendues injures contre icelle, de la Royne d'Escosse , où il plaist à la Royne d'Angleterre alléguer que l'on s'esmerveille qu'elle n'en prend autre revenche que de la tenir prisonnière, Sa Majesté respond que injustement et contre tout droict ayant esté détenue en son royaume et indignement emprisonnée, après que soubz les promesses d'amytié d' icelle, à quoy elle s'est fyéc comme de sa bonne sœur, cousine

DE MARIE STUAKT. 35

et plus proche de sang et de voisinance, Sa Majesté est venue de bonne foy se mettre entre ses mains , quand les diets prétendus bienfaictz et injures seroient d'autre qualité qu'ilz ne sont, c'est à dire telz que par le susdict mémoire il semble que l'on veuille les faire paroistre , avec tout ce que l'on pourroit y adjousler , il ne se trou verra guères de gens de bien en part du monde, ayans esgard à ce que Sa Majesté est, ny particulièrement en ce pays, qui portent le respect qu'ilz doibvent au bien et honneur de la Roy ne d'Angleterre et de son royaume, qui soient de telle oppinion ni qui voulussent luy conseiller faire pys à la lloyne d'Escosse qu'elle ne faict. La cruauté seroit grande et plus que injuste qui excèderoit une si rigoureuse et barbare prison, [qui] empesche que Sa Majesté n'a aucunes nouvelles de ses parens, amys, ou alliez, non pas de son enfant! et qu'elle n'a co~ gnoissance d'aucunes de ses affaires pour y pourvoir selon la nécessité d'iceux en tant que, captive comme elle est, Sa Majesté pourroit y donner quelque ordre; l'injurier de faict et de parolles outrageuses, fortifïîer ses ennemys et rebelles, molester ses Iklelles subjectz et tous ceux que l'on pense luy estre amys , et, pour couronner toutes ces œuvres, permettre qu'il s'escript et publie en ce royaume libelles diffamatoires, pleins d'impostures, faulcetés et vilenies contre l'honneur et réputation d'une princesse affligée et iniquement détenue des dictes rebelles

user de langage conforme à leur