M. BOCHETEL DE LA FOREST

A LA REINE CATHERINE DE MÉDICIS

( Original. — Bibliothèque impériale de Saint-Pétersbourg ^ manuscrit no 95û, fol. 12. )

Détails sur les bijoux de Marie Stuart, qui ont été envoyés en Angleterre. — Désir d'Élisabeth d'acheter les perles. — Estimation qui en a été faite. — Faveur croissante de Leicester. — Son désir de faire entrer Throckmorton au Conseil. — Départ de TrémoUius, envoyé du comte Palatin. — Arrivée de M. de Beaumont à Édimbourg.

De Londres, le 8 mai 1568.

Madame, depuis la dépesche de celluy que j'ay envoyé dernièrement devers Vostre Majesté, je me suys enquis particulièrement de ces bagues de la Royne d'Escosse qui sont par deçà. J'ay sceu que les grosses perles, dont m'escrivoit une foys Vostre Majesté, y sont , et, comme on me les a spéciffiées, il y en a six cordons, où elles sont enfilées comme patenostres, et, oultre cela, environ vingt cinq à part et séparées les

unes des aultres, encores plus belles et plus grosses que celles qui sont enfilées, la pluspart comme noix muscades. Elles n'ont pas été troys jours icy qu'on les a faict aprécier par divers marchans, ceste Royne les vouUant prendre pour la somme qu'elles seront évaluées; c'est à sçavoir à la raison que les prendroit ung marchant qui voudroit gaigner dessus à les vendre. Elles ont été premièrement monstrées à troys ou quatre orfèvres et lapidaires de ceste ville qui les ont estimées à troys mille livres sterlings, qui font dix mille escuz, s'offrant d'en bailler la dicte somme si on voulloit. Quelques marchans italiens, qui les ont veues après, les ont prisée jusques à douze mille escus, qui est environ le prix, ainsi qu'on m'a diet, pour lequel ceste Royne les prendra, il y a un Genèvois qui les a veues après tous les aultres, qui les a estimées à seize mille, mais je pense qu'elles lui demeureront à douze. Touttefoys j'en sçauray tout le vray dedans deux jours. Cependant je n'ay vouUu faillir. Madame, advertir promptement Vostre Majesté de ce qui en estoit venu jusques icy à ma cognoissance, m'estant bien doubté dès le commencement que on ne les laisseroit pas eschapper. Le reste des dictes bagues n'approche pas de la valleur des perles, et n'en ay ouy spéciffier que une pièce de licorne qui est bien mise en œuvre et fort enrichie.

Au demeurant. Madame, je ne dépesche point encore au Roy, d'aultant qu'il ne se présente rien; seullement, je diray à Yostre Majesté que M. le conte de Leycester est en aussi grand crédit auprès de sa

maistresse qu'il ayt esté depuvs que je suys de par deçà. Toutteffoys, telles faveurs ne luy apportent aucun fruicl. Dedans peu de jours, il s'en cognoislra quelques indices, actendu qu'il poursuit fort vifvement la dicte Dame pour faire entrer Trocmorthon au Conseil, où il y a deux places vacantes ces jours passez par la mort du chancellier de Lancastre et du Grand Contrerolleur. Et de faict en a promesse d'icelle Dame, mais, pour les contradictions qu'il y a d'ailleurs, je ne sçay ce qu'il en adviendra. J'ay escript souventes foys d'ung Emanuel Tremollius qui estoit icy de la part du conte Palatin; il s'en est party ceste semaine assez mal satisfaicl. Au reste. Madame, Voz Majestez entendront toutes nouvelles tant de deçà que d'Escosse au retour de M. de Beaumont, lequel arriva à Lislebourg dès le xxiij^ du moys passé, où il aura attendu le Régent qui estoit à Glasgo. J'envoye, avecques la présente, les coppies de quatre lettres traduictes d'angloys, par où Vostre Majesté pourra veoir en quelle sorte ceulx-ci devisent tant des affaires de France que de celles d'Escosse.

Madame, je prie Dieu vous donner, en très parfaicte santé, très longue et très heureuse vye.

De Londres, ce viij^ jour de may 1568.

Votre très humble et très obéissant serviteur et sujet,

BOCBETEL.

ANîyJEXE